(Видео) Фрлен солзавец, се слушаат рафали, Вучиќ ја подигна борбената готовност на војската

Српскиот претседател Александар Вучиќ нешто пред 14 часот издаде наредба до Армијата да ја подигне борбената готовност на највисоко ниво и од тој момент Армијата започна со активности. Наредено е итно движење кон административната линија со Косово, изјави министерот за одбрана Милош Вучевиќ за ТВ Пинк во живо од центарот на Белград.

Нови тензии денеска избувнаа во северниот дел на Косово, јавуваат српските медиуми. Во Звечан дошло до судир меѓу насобраните граѓани и косовската полиција, а се слушнале и истрели. Било запалено полициско возило и биле фрлени шок-бомби, јавува РТС, пренесува Н1. Околу 11 часот се огласиле сирените за тревога во Лепосавиќ, Косовска Митровица и Зубин Поток.

„Српскиот претседател Александар Вучиќ нешто пред 14 часот издаде наредба до Армијата да ја подигне борбената готовност на највисоко ниво и од тој момент Армијата започна со активности. Наредено е итно движење кон административната линија со Косово“, изјави министерот за одбрана Милош Вучевиќ за ТВ Пинк во живо од центарот на Белград.

Тој предупреди дека настаните на северот на Косово, каде што владата во Приштина ги презеде зградите на локалните самоуправи, не се игра туку ја загрозуваат безбедноста на сите во регионот.

Како што нагласи Вучевиќ, армијата апсолутно ќе ја исполни наредбата на Вучиќ и ќе го брани суверенитетот на Србија и правото на живот на сите нејзини граѓани.

„Јасно е дека се врши терор врз српската заедница на Косово“, заклучи Вучевиќ.

Луѓето се собраа пред зградата на општина Звечан и, како што претходно јави репортерот на радио „Контакт плус“, со телата го блокираат влезот. РТС јавува дека се вклучени вработените во тие институции.

Наставата на факултетите и во училиштата во Косовска Митровица е прекината. РТС јавува и дека на патиштата во Лепосавиќ се поставени барикади, како и дека на тоа место се појавиле оклопни возила.

Извори на РТС во Зубин Поток рекле дека специјалните сили имале намера да „закачат сино-жолто знаме, што ја симболизира државноста на Косово“ на општинската зграда, во која е сместено и Привременото општинско тело на Владата на Србија.

Во Лепосавиќ, откако се огласиле сирените, на главниот плоштад пред општината се собрале голем број граѓани, кои по најавата за пристигнување на специјалци го блокирале сообраќајот на главната улица од двете страни на приодот кон општинска зграда со камиони.

Косовската полиција соопшти дека им помага на новоизбраните градоначалници да го остварат правото на работа во официјални општински згради, јавува РТС.

Во полициското соопштение се наведува дека полицијата согласно законските и уставните овластувања презема мерки за безбедност, ред и јавна безбедност.

Сирените, вели, прво се слушнале во Зубин Поток, а граѓаните, како што информира, добиле информација дека новоименуваниот градоначалник побарал интервенција на полицијата за да влезе во зградата на општината во Зубин Поток. Потоа се слушнале сирени во Лепосавиќ и Звечан, а и на тие места почнале да се собираат граѓани.

Додека граѓаните на северот на Косово најмногу стојат пред општинските згради, недалеку од нив има и припадници на ЕУЛЕКС, КФОР и на косовската полиција.

Новите претседатели на општините Зубин Поток, Звечан и Лепосавиќ вчера положија заклетва и ја презедоа својата должност како први претседатели од албанска националност од формирањето на структурите на локалната власт во овие области под покровителство на владата во Приштина.

Локалните избори во четири општини на северот на Косово – Северна Митровица, Лепосавиќ, Зубин Поток и Звечан се одржаа на 23 април. Србите, кои се мнозинство, ги бојкотираа, па од над 45 000 граѓани со право на глас, излегоа само 1 567 гласачи или 3,47 отсто. Официјален Белград не ги признава резултатите од одржаните избори, за кои вели дека се антидемократски и нелегитимни.

РЗС: Просечната возраст на населението во Србија е 43,9 години

Просечната возраст на населението во Србија е 43,9 години, притоа просечна возраст на жените изнесува 45,3 и на мажите 42,5, години, покажуваат денеска објавените податоци на Републичкиот завод за статистика, јави дописникот на МИА од Белград.

Најголем број жители, 63,3 отсто, се граѓаните на возраст од 15 до 64 години, потоа следат граѓаните на возраст од 65 години и постари (22,3 отсто), а најмалку ги има најмладите до 14 години (14,4 проценти).

Минатата година во Србија починале повеќе лица отколку што биле родени или имало 61.052 живородени, а 97.081 умрени.

Просечната возраст на починатите е 72,6 години за мажи и 77,8 за жени.

Кога станува збор за раѓањето деца во Србија, просечната возраст на мајката при раѓањето на првото дете во 2023 година била 29 години.

Минатата година, во повеќе од две третини од случаите, живородените деца се родени во брачна заедница  или 70 проценти.

Бројот на живородени деца од мајки помлади од 25 години е намален од 2003 година од 29.637 на 11.382 деца, што е пад од 61,6 отсто.

Од друга страна, во Србија има зголемување на бројот на живородени деца кај мајки на возраст над 40 години, што изнесува 74,9 отсто, во споредба со 2003 година кога имало 1.679 деца, годинава има 2.937 деца.

Најчести имиња на женските деца родени во 2023 година се: Софија, Дуња, Мила, Теодора и Маша, додека најчести имиња на машките деца се Лука, Василије, Лазар, Богдан и Вук. 

Грчката фрегата во Аденскиот залив интервенирала и соборила дронови

Грчката фрегата „Псара“, дел од европската операција „Аспидес“ (Штитови) во Црвеното море, утрово интервенирала против четири беспилотни летала (UAVs) во Аденскиот Залив, што биле упатени кон трговски брод и соборила два од дроновите, објавија грчките медиуми, повикувајќи се на воени извори, јави дописничката на МИА од Атина.

Со цел да го заштити трговскиот брод, фрегатата, употребила анти-дрон систем и отворила оган против четирите беспилотни летала, од кои две биле соборени, а другите се повлекле и оддалечиле.

Според истите извори, „Псара“ регуларно ја продолжува својата мисија.

Грчката фрегата вчера наутро ја посетија министерот за одбрана на Грција Никос Дендиас и високиот претставник на Европската Унија за надворешна политика и безбедност Жозеп Борел.

Поскапуваат патарините во Србија

Од 10 јули ќе се плаќа поскапа патарина во Србија. Имено, Владата на Србија даде зелено светло за новиот ценовник на Јавното претпријатие Путеви Србије.

Новите цени на патарините ќе важат од 10 јули, стои во новата Одлука за висината на посебната такса за користење на јавниот пат, неговиот дел и патниот објект, што ја донесе Јавното претпријатие Путеви Србије.

Ова се новите цени на поединечните делници на српските автопати:

Белград – Шид: нова цена 500 динари (сега 450 динари),

Обреновац – Прељина: нова цена 560 (510 динари)

Белград – Суботица: нова цена 800 (730 динари)

Белград – Врбас: нова цена 470 (420)

Белград – Ниш југ: нова цена 1.130 динари (1.020)

Белград – Димитровград: нова цена 1.670 (1.510 динари)

Белград – Баточина: нова цена 500 (450)

Популарно