Две лица тешко повредени во сообраќајка кај Ранковце

Две лица на педесет и две годишна возраст се потешко повредени, а едно лице се здобило со лесни телесни повреди во сообраќајната несреќа што вчера попладне се случила во атарот на селото Псача, Општина Ранковце.

Во несреќата учествувале две возила, патничко моторно возило „Тико“ и товарно возило со српски регистарски ознаки, при што тројцата повредени се превезувале со „тикото“.

-На 30 мај 2023 во 14:45 часот во Полициската станица Крива Паланка било пријавено дека на магистралниот пат Крива Паланка - Куманово, атар на село Псача, општина Ранковце, се случила сообраќајна несреќа помеѓу патничко возило „тико“ со кривопаланечки регистарски ознаки, управувано од педесет и две годишниот З.К. од Крива Паланка и товарно возило „мерцедес“ со полуприколка со српски национални ознаки, управувано од четириесет и осум годишниот Б.С. од Република Србија, информира Ивана Младеновска, портпарол на Секторот за внатрешни работи Куманово.  

Таа изјави дека во несреќата со тешки телесни повреди се здобиле З.К. и неговата сопатничка М.К.(52) од Крива Паланка, додека со телесни повреди се здобил сопатникот од истото возило на возраст од дваесет и една година, Д.К. од Крива Паланка. Повредените биле пренесени со возило на Итна медицинска помош Крива Паланка во Општа болница во Куманово каде се констатирани повредите.

Увид на местото на несреќата извршила екипа од Полициската станица Крива Паланка, а во интервенцијата за извлекување се вклучила и екипа на Територијалната противпожарна единица Крива Паланка. 

Битолчанец се самоповредил со пушка

Вчера во СВР Битола било пријавено дека на ул.„Ристо Кавалиновски“ во Битола има лице повредено со огнено оружје. Од страна на увидна екипа од СВР Битола излезено е на местото на настанот при што констатирано е дека Т.С.(74) од Битола, додека ја чистел пушката, се повредил, по што е пренесен во Клиничка болница Битола за укажување на лекарска помош.

Увидот го извршила увидната екипа на СВР Битола, соопшти МВР.

18-годишник загинал во сообраќајка откако излетал од патот во скопско

Вчера околу 10.00 часот во СВР Скопје, Ѓ.Т.(50) од с.Љубанци, скопско, пријавил дека околу 07.00 часот на место викано Бозиште, скопско, неговиот син Д.Т. (18) со патничко возило излетал од шумски пат, по што починал.

Од страна на лекар од Итната медицинска помош била констатирана смрт.

Извршен бил увид од увидна екипа на СВР Скопје, а по наредба на Јавен обвинител телото на починатиот е предадено на обдукција, соопшти МВР.

На 30 јули ќе почне судскиот процес

На 30 јули ќе почне судскиот процес за убиството на 14 годишната Вања и 74 годишниот Панче.

Осум месеци по апсењето на групата и одобрувањето на обвинителниот акт обвинетите ќе се соочат со аргументите на ЈО.

Извесно е дека ЈО за нив ќе бара доживотна казна затвор. Исклучок е таткото на Вања кој според обвинението помогнал во грабнувањето, дело за кое максималната предвидена казна е 10 години затвот.

Неговиот адвокат за Сител вели дека се подготвува за главната расправа.

„Како можен датум од судот е најавен 30 јули. Покана не сум примил но во секој случај се подготвувам за првата главна расправа во термин што ќе го закаже судот и во таа смисла го одложив годишниот одмор имајќи ја предвид сериозноста на овој кривичен предмет и интересот во јавноста“, вели адвокатот на Ѓорчевски.

Судскиот процес ќе го води судијата Ивица Стефановски, истиот судија кој го водеше процесот за убиството на момчињата кај Смилковското Езеро познат како „Монструм“. Истиот судија ги судеше и предметите „Пуч“ и „Поткуп“ во кои обвинет беше поранешниот премиер Заев како и случајот против „Беса Транс“ чии патници загинаа во несреќа во Бугарија.

Истрагата за Љупчо Палевски Палчо кој од останатите обвинети беше посочен као организатор и директен извршител на убиствата се уште трае откако беше екстррадиран од Турција.

Доколку истрагата заврши и се поднесе обвинение против него, извесно е спојување на двата предмета во еден.

Телото на Вања беше пронајдено на 3 декември лани по исцрпна истрага и силна вознемиреност кај јавноста од нејзиното исчезнување додека девојчето било на пат кон училиште.

Популарно