Андрју Гедес: Тренерот ме силуваше 400 пати за две години

Страшно

на 9.2023

Поранешната француска тенисерка Анжелик Коши сведочеше како дел од истрагата за сексуална злоупотреба на малолетници во рамките на Француската тениска федерација. Коши даде грозоморни детали за злоупотреба, наведувајќи дека тренерот ја силувал 400 пати во период од две години, понекогаш и три пати на ден.

Анжелик Коши сведочеше дека тренерот Андрју Гедес ја силувал три пати на ден кога ја преземал тренерската должност во француската репрезентација, а таа имала само 12 години.

„Бевме во Ла Бол, таму ги носеше своите жртви. Ги живеев најлошите две недели во животот, ме силуваше три пати на ден“, им рекла тенисерката на властите. Таа додаде дека нејзиниот тренер и рекол дека има СИДА, поради што живеела убедена дека и самата има СИДА од 13 до 18 години.

„Многу пати размислував за самоубиство, ме силуваше три пати на ден. Првата вечер ме замоли да одам во неговата соба, а јас не отидов. И така тој влезе во мојата. Беше лошо. Бев затворена, не можев да излезам кога сакав“, изјави поранешната тенисерка, која и самата е тениски тренер.

Таа се присети и дека му рекла на тренерот дека не треба да го прави тоа, дека не сака, на што тој одговорил дека тоа понекогаш се случува во односите меѓу тренерите и учениците бидејќи поминуваат многу време заедно и дека тоа е целосно нормално.

Коши тврди дека тренерот имал поддршка од претседателот на тениската асоцијација.

„Во светот на тенисот беше познато дека неговото однесување кон младите девојки не е коректно. Кога една девојка му се пожалила на претседателот дека се однесува недолично кон младите, со вербално и физичко насилство, одговорот бил „Да, но тој ни носи титули“, тврди Коши.

Уште три девојчиња, на возраст меѓу 15 и 17 години, станаа жртви на Гедес.

Тие рекоа дека тренерот ги принудил да ги прекинат врските со нивните семејства и пријатели и ги подложил на серија насилни сексуални напади во неговиот автомобил, во соблекувалната или за време на тренинг.

Тренерот Ендрју Гедес беше осуден на 18 години затвор во 2021 година за сексуално вознемирување на четири девојчиња на возраст од 12 до 17 години.

(Фото) Ноќеска е запален голфот на Јоџир – еден од најпознатите инфлуенсери на Балканот

Страшно

пред 3 недели

Автомобилот на инфлуенсерот Јован Радуловиќ – Јоџир синоќа по полноќ бил запален во населбата Забјело во Подгорица, а полицијата трага по сторителот, пишува црногорски „Вијести“.

Надзорните камери 20 минути по полноќ снимија машко лице, облечено во светла качулка како со торба во рака се приближува до „Голфот“ на Радуловиќ паркиран пред зградата, гледајќи ги регистерските таблички, а потоа го полева возилото со течност, палејќи го и бегајќи.

Од пожарот оштетени се уште еден автомобил паркиран до тој на Радуловиќ, и станот во приземјето на зградата.

Инспекторите на подгоричката полиција и вештачење за пожари, експлозии и несреќи синоќа спроведоа истрага, а за настанот е известено и Основното државно обвинителство.

„БМВ“ на Радуловиќ беше запалено и во март 2021 година, но полицијата се уште не го расветлила тој случај.

Легендарниот Роберто Баџо е претепан и ограбен во својот дом

Страшно

пред 6 месеци

Роберто Баџо доживеал многу непријатна и стресна ситуација во својот дом во Италија, кој бил мета на засега непознати напаѓачи и крадци.

Инцидентот се случил за време на натпреварот меѓу Италија и Шпанија на ЕП, односно во моментите кога Баџо ги следел случувањата на дербито во Германија, при што во неговата вила влегле дури пет вооружени напаѓачи.

Баџо бил во домот заедно со неколку членови на фамилијата, а крадците предизвикале голема драма која траела четириесетина минути, во која покрај пленот со кој си заминале, го повредиле и легендарниот фудбалер кој добил удар во главата.

Италијанската легенда и останатите присутни биле заклучени во тоалетот по првичниот напад и конфликт, период во кој крадците собрале многу вредни предмети и побегнале.

Баџо подоцна повикал полиција и бил пренесен во болница, каде му била санирана раната на главата.

(Видео) Монструм од 2 метри влета во плиткото: Туристи врескаат од страв во популарното летувалиште во Шпанија

Страшно

пред 6 месеци

Плажата во Гран Канарија е затворена за капење откако ајкула долга околу 2 метри налета во плиткото и предизвика општа паника кај туристите.

Во застрашувачкото видео се слушаат врисоци додека морскиот предатор се приближува до брегот со голема брзина со грбната перка која се држи надвор од водата.

Полицијата веднаш ја затвори плажата Меленара на источниот брег на островот откако во саботата околу 17 часот беше прогласена тревога.

На плажата веднаш беше подигнато црвено знаме. На снимката се гледа како младите трчаат на безбедно додека ајкулата пливала кон брегот пред да се нурне назад во длабочините во последен момент. Млада девојка била во вода кога се појавила ајкулата.

-Спасителот почна да свири и дал знак дека сите треба да излезат од водата. Погледнав назад и ја видов нејзината перка – изјави туристка за локалната телевизија.

– Видовме перки кои беа околу 25 сантиметри над водата и почнавме да се движиме најбрзо што можевме назад кон плажата – додаде друг турист.

Потрагата по ајкулата со помош на џет ски била неуспешна. Дејли мејл наведува дека се работи за чекан ајкула која може да порасне и до шест метри во должина и да тежи дури 450 килограми! Тие се главно безопасни за луѓето и забележани се само неколку напади.

Популарно