Оваа храна треба да ја јадете пред да водите љубов

Љубов и секс

пред 11 месеци

Здравјето доаѓа од устата, но изгледа истото важи и за сексуалната желба. Некои намирници можат целосно да не „спуштат“, па не сакаме да се движиме, но некои можат целосно да не „подигнат“ и да ни ја зголемат сексуалната желба. Еве која храна го прави тоа.

Чоколадо

Кога одите да се видите со вашето момче или девојка или ако планирате жешка ноќ со партнерот, купете чоколадо. Кога ќе се засладите, вашето тело ќе ослободи серотонин, хормонот на среќата и затоа ќе ви се подобри расположението и ќе почувствувате посилна сексуална желба.

Лубеница

Додека сè уште има лубеници на пазарите, побрзајте. Ова сочно овошје е богато со амино киселини наречени цитрулин. Вашето тело ги претвора во аргинин, друга аминокиселина која му помага на вашето тело да ги релаксира крвните садови.

Авокадо

Ова овошје содржи масти и влакна кои се здрави за срцето, но и ви дава дополнителна енергија која ќе ви биде потребна во спалната соба. Во авокадото има и витамин Б6, а експертите велат дека овој витамин ги ублажува симптомите на ПМС како замор, надуеност и мрморење. Сето ова може да им помогне на жените да имаат одличен секс дури и во периодот на ПМС, иако многу луѓе не размислуваат за секс во овој период.

Калинка

Калинката е симбол на плодноста и афродизијак. Плод на боговите. Истражувањата покажаа дека калинката го подига расположението и го зголемува нивото на тестостерон.

Спанаќ

Зелените листови спанаќ се богати со магнезиум, минерал кој го зголемува нивото на тестостерон. Спанаќот содржи и железо, кое може да ја зголеми сексуалната желба, возбудата, да доведе до посилен оргазам и уживање во сексот. Ова особено се однесува на жените.

Јагоди

Со шлаг, потопена во чоколадо, со шампањ – јагодите се симбол на љубовта и романтиката. Но, високото ниво на витамин Ц, кој го содржат јагодите и како тој ја зголемува сексуалната желба и протокот на крв во телото. Јагодите исто така го намалуваат стресот и анксиозноста и му помагаат на телото да го ослободи окситоцинот, познат како хормонот „љубов“.

Мака

Растението мака расте во планините на Перу и се користи за подобрување на плодноста. Научниците откриле дека неговиот корен ја зголемува сексуалната желба. Фитонутриентите од ова растение можат да го зголемат бројот на сперматозоиди и да ја подобрат сексуалната функција. Коренот на мака се продава во форма на прав, па можете да го додадете во јогурт, сокови, салати, супи или тесто.

Остриги

Цинкот, кој се наоѓа во значителни количини во остригите, му помага на телото да создаде тестостерон. Овој хормон игра голема улога кога станува збор за сексуалната желба. Но, цинкот помага и за производство на повеќе сперматозоиди во машкото тело, но и за побрзо движење на сперматозоидите. Доколку не сте љубител на „морската храна“, одете на свинско, говедско, семки од тиква, индиски ореви и јогурт.

3 знаци кои откриваат дека веќе не постои љубов во вашата врска

Љубов и секс

пред 3 месеци

Врските минуваат низ различни фази и многу нормално е секој меѓучовечки однос да мине низ криза.

Во тие моменти, потребно е да се вложи напор за да се поправат односите и да се обнови љубовта.

Сепак, доколку забележите еден од овие знаци тогаш многу веројатно е дека врската е пред самиот крај.

Постои голема одалеченост

Работа, пријатели, обврски... Сите ги имаме тие обврски. Но, кога тие ќе станат важен приоритет за една или двете страни, без да се обрне внимание на врската, тогаш се јавува одалеченост која сигнализира крај на врската.

Лоша меѓусебна комуникација

Не разговарате, а ако разговарате, постојано се расправате. По некое време, веќе и конфликтите се намалуваат бидејќи ништо не ви е важно и уморни сте од долгите дискусии.

Не постои напор и компромис

Еден или двата партнери не прават никаков напор за поправање на работите, ниту пак за да се постигне компромис и да се негува љубовта.

Закрепнувањето по „скршено срце“ трае три месеци

Љубов и секс

пред 5 месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред 5 месеци

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.