Причина за злосторството е љубомора, но и користољубие – убиецот ја уценувал и барал пари од жртвата

Црна хроника

на 9.2023

Свирепо убиство утринава е извршено во Кочани. Како што пред малку објави телевизија Стар, заклана е 43 годишна жена. Според првичните информации 56 годишниот У.Р. пред домот ја убил 43 годишната Т.М.

Причина за злосторството е љубомора, но и користољубие на кое сега починатата одлучила да му стави крај.

– Лица кои се претставуваат како блиски на починатата, велат дека во изминатите 7 години, константно била уценувана за пари од убиецот. У.Р. ја уценувал сега починатата со компромитирачки материјал, поради што таа постојано му давала пари и подигнувала кредити. Откако финансиски била исцрпена, се одлучила случајот да го пријави во кочанското обвинителство, објави телевизијата.

Страшното убиство се случило на улицата „Страшо Ербапче“ во Кочани. Според првичните неофицијални информации, жителите од околните куќи околу 6:15 часот биле вознемирени од силни викотници. На улицата се случувала страшна тргедија, маж кој признал вина на несреќната жена и нанел 41 убод со нож, при што од задобиените повреди починала на самото место.

Потоа, го оставил безживотното тело за што сведочат фотографиите што ги доби Радио Кочани. Осомничениот без да се обиде да бега, ги сочекал полициските службеници, кои му ставиле лисици.

Случајот го потврди и Секторот за внатрешни работи Штип.

Денес се навршуваат 18 години од смртта на нашата најголема ѕвезда Тоше Проески

Црна хроника

пред еден ден

Денеска се навршуваат 18 години од смртта која го потресе целиот регион. На денешниот ден Тоше Проески го загуби животот на 26 години во сообраќајна несреќа на автопатот во Хрватска.

Автомобилот во кој се наоѓаше македонсиот пејач се судри со камион во утринските часови во близина на хрватскиот град Нова Градишка. Тоше Проески во моментот на несреќата седел на совозачкото седиште и спиел.

Колку беше обожаван и сакан од народот, покажува и информацијата дека македонското Собрание тој ден ја прекина седницата за да му оддаде почит на починатиот пејач со едноминутно молчење. Во Македонија тогаш 17 октомври беше прогласен за ден на жалост.

Тоше беше сакан од целиот регион, неговиот глас допре до секое срце. Би-би-си Њуз го нарече „балканскиот Елвис Присли“. Тој беше познат и по својата хуманитарна работа, неговиот ангелски лик и глас го направија личност чија љубов кон другите немаше граници.

Почина Панчо од ДНК

Црна хроника

пред 3 дена

По неколкумесечна борба за живот, почина Владимир Блажев, попознат како Панчо, кој настрада во големиот пожар во дискотеката „Пулс“ во Кочани.

Блажев почина во болницата каде што се лекуваше од тешките повреди здобиени во огнената стихија.

По пожарот, Панчо беше пренесен во болницата „Систина“, каде што го продолжи своето лекување и во изминатите месеци беше подложен на неколку операции. Тој е 63-тата жртва од пожарот во клубот „Пулс“, во кој животите вокалистот на ДНК, Андреј Ѓорѓиевски, придружниот вокал Сара Пројковска, тапанарот Ѓорѓи Ѓорѓиев, музичарите Филип Стевановски и Александар Коларов, фотографот Александар Ефремов и битбоксерот Мартин Атанасовски – Буцо Битбокс.

Македонец до смрт претепан во Словенија

Црна хроника

пред една недела

Пронајденото безживотно тело кое во петокот беше пријавено во полицијата на Љубљана е на 38-годишен државјанин на Македонија, потврди портпаролката на полициската управа во Љубљана, Шпела Шкопорц.

Неофицијално лицето било претепано до смрт.

„Полициските службеници извршиле увид на местото на настанот, наредена е судска обдукција, но причината за смртта сè уште не е разјаснета. Интензивната кривична истрага сè уште е во тек. Надлежното државно обвинителство ќе биде известено за сите наоди“, изјави нивната портпаролка.