Очекував затворска казна од 10 години, рече таткото на детето што беше усмртено на „Пластичарска“

Црна хроника

пред 11 месеци

Очекував пресуда на 10 години. Кога ќе изгубиш дете, се знае како се чувствуваш, вели Себастијан Сановски – татко на 10-годишното дете коешто беше усмртено од автомобил минатиот месец на „Пластичарска“.

Таткото најави дека ќе се жали на денешната пресуда, со која возачот Шукри Зеќири од Скопје доби затворска казна од две години и три месеци.

„Не му посакувам никому да му се случи ова. Ако имаме држава, треба да се суди правилно“, кажа таткото на заминување од судот.

Во пресудата, судијката Марија Клетничка наведе дека 21. годишниот Зеќири претходно не бил осудуван за кривично дело. Во времетраењето на затворската казна пресметано е и делото неукажување помош на лице повредено во сообраќајна незгода за што определена му е затворска казна од 6 месеци. Тој доби и забрана за управување со моторно возило во период од три години.

Мажот возел со 76 километри на час. Зеќири претходно го призна делото, а кажа дека избегал од страв да не биде тепан.

Застапувал странки иако адвокатската функција му била во мирување, кривична за охриѓанец

Црна хроника

пред еден ден

СВР Охрид поднесе кривична пријава против А.Р.(40) од Охрид поради постоење основи на сомнение за сторено кривично дело „лажно претставување“.

Пријавениот, иако адвокатската функција му била ставена во мирување поради тоа што бил правобранител, сепак во три наврати застапувал странки во постапки пред надлежен суд.

-Од 10.11.2020, пријавениот бил именуван за правобранител за подрачјето на Охрид и од тој ден ја ставил во мирување својата адвокатска дејност. Но, и покрај тоа, подоцна тој пред надлежниот Основен суд Охрид во три наврати, и тоа во предмет, лажно се претставил како адвокат и застапувал странки во постапки пред надлежниот суд, прикривајќи го фактот дека адвокатската дејност му е во мирување, а со цел да прибави за себе противправна имотна корист и на тој начин го сторил кривичното дело, појаснуваат од МВР.

Нападнат ученик во училиштен двор

Црна хроника

пред 5 дена

Надворешна канцеларија за криминалистички работи Кочани поднесе кривична пријава против В.З.(24) од Кочани поради постоење основи на сомнение за сторени кривични дела „насилство врз дете“ и ,,напад врз службено лице при вршење работи на безбедноста“.

- На 15.10.2024 во двор на средно училиште во Кочани, пријавениот физички нападнал малолетник од нас.Оризари, а при негово приведување физички нападнал полициски службеник, соопшти МВР.

Познат идентитетот на загинатите кај Катланово, сите се од Велес

Црна хроника

пред 6 дена

Три лица го загубија животот, а петмина се тешко повредени во сообраќајната несреќа која вчера попладне се случи на автопатот Скопје – Велес, пред тунелот кај Катланово.

Од МВР информираат дека несреќата се случила во 17:35 часот, патничко возило „форд транзит“ со скопски регистарски ознаки, управувано од О.Д.(32) од Велес, излетало од патот и се превртело.

-Од здобиените повреди на местото на несреќата починале сопатниците А.Н.(37), Ј.А.(47) и Д.Ц.(66), сите од Велес, а смрт констатирал лекар од итна медицинска помош. Додека, со тешки телесни повреди се здобил возачот О.Д. и сопатниците З.С.(59), В.З.(67), Н.Н.(33) и Б.П.(41), сите од Велес, констатирани во Градската општа болница „Св.Наум Охридски“ во Скопје и Комплексот клиники „Мајка Тереза“ во Скопје, информираат од МВР.

Увид на местото на несреќата извршиле увидна екипа на СВР Скопје и јавен обвинител, по чија наредба телата на починатите биле предадени на обдукција.

Од Обвинителството вчера информираа дека на лице место повикан бил и сообраќаен вештак за утврдување на причините за несреќата.