Во заводот за физикална медицина имало „фантоми“ – не оделе на работа а земале плата!

Македонија

на 11.2023

Се размотува клопчето зошто денеска беше најавен, па саботиран штрајкот на вработените во Заводот за физикална медицина и рехабилитација во Скопје. Економската директорка на Заводот Миранда Шабани, за „Солободен печат“ вели дека во Министерството за здравство пријавила неправилности, односно не сакала да потпише да се подели плата, затоа што на платниот список имало лица кои не доаѓале на работа, а земале плати. Таа вели дека штрајкот бил најавен уште од вчера и таа одговорила дека правото на протест е загарантирано и дека го почитува.

Дури и го подржувам штрајкот затоа што во институцијата каде што ја извршував функцијата како организациски директор плата земаа лица кои што никогаш не сме ги виделе на работа. Лица кои што никогаш не биле потпишани во книгата за евиденција. Јас го поддржувам протестот.  Како организациски директор побарав од медицинскиот директор, правниот сектор и секторот за човечки ресурси, на лицата кои не доаѓаат на работа да им се прекине договорот. Директорот не прифати, поради само нему познати причини. За да не се оптовари буџетот на институцијата решив да не ги потпишам платите, изјави за „Слободен печат“ екс-економската директорка Шабани.

Таа додава дека се пишмани што воопшто прифатила 6 месеци да биде на оваа позиција, бидејќи не е задоволна од тоа што се случува во Заводот за физикална медицина.

Им се извинувам на сите чесни вработени кои што даваат труд и пот за оваа институција и што не биле исплатени на време но мислам дека оваа работа треба да се реши за да и на нив утре им се исплати трудот.

Мојата позиција во ЈЗУ-УК за физикална медицина и рехабилитација е јасна… Организациски директор. Јас бев директор во оваа институција 6 месеци, период кој што не беше доволен за да се откријат сите неправилности. Во првиот момент кога го видов планот за актуелните вработени кој што беше составен по барање на Фондот за здравство и планот за нови вработувања сфатив дека податоците не се совпаѓаат и решив да не потпишам. Дали јас ќе бидам разрешена или нема да ми се продолжи мандатот, тоа е најмал проблем во оваа институција. Битно е да се платат тие што работат а не тие што не доаѓаат на работа, додава таа.

Инаку, утринава десетина новинарски екипи чекаа еден час пред капијата на Заводот за физикална медицина и рехабилитација во Козле.

Дел од вработените најавија штрајк, па се пишманија, или пак им беше задушен протестот и не излегоа надвор иако ги викнаа сите медиуми. Обезбедувањето доби наредба од директорот да не ги пушта новинарите и снимателите внатре. Според информациите што беа наведени во повикот за штрајкот, вработените не зеле плата.

Ама меѓу нив денес немаше јунак да го потврди тоа пред камера.

Директорот Мики Филев на телефон ни кажа дека сме грешка и дека не е тој на другата страна на линијата иако бевме сигурни дека го имаме вистинскиот телефонски број, бидејќи ни беше даден од страна на кабинетот на Министерот за здравство.

Извор: Слободен Печат

Времето денеска ќе биде сончево со мала до умерена облачност

Македонија

пред 2 дена

Времето денеска ќе биде сончево со мала до умерена облачност, која ќе биде поголема во западните делови каде што ќе има услови за појава на краткотраен дожд. Ќе дува слаб до умерен ветер претежно од северозападен правец.

Максималната температура ќе биде во интервал од 22 до 30 степени. УВ индексот ќе достигне 6.

Во Скопје и околината ќе биде сончево со мала до умерена облачност и со слаб претежно северозападен ветер. Максималната температура ќе достигне до 27 степени.

Правник ја искина универзитетската дипломата по предлогот на власта за измени на КЗ

Македонија

пред 2 недели

Дипломиран правник ја искина дипломата по информацијата дека Владата на Собранието му предложи измени на Кривичниот законик со кои се намалуваат затворските казни за кривичното дело Злоупотреба на службената положба и овластувања. Имено, на социјалната мрежа Фејсбук, правник објави фотографија од искината универзитетска диплома, истакнувајќи дека се срами каде завршил факултет.

„После предложените измени на Кривичниот законик дефинитивно се срамам каде сум завршил Факултет. Оваа диплома повеќе не ми е битна. Пи*ка Ви Матер“, стои во описот на објавената фотографија. 

Кучето кое беше злоставувано од сопственикот е на безбедно!

Македонија

пред еден месец

За случајот МВР поднесе пријава против 59-годишен жител на Крива Паланка со иницијали З.М., кој го влечел кучето врзано за своето возило. Малтретираното куче било фрлено во коритото на Крива Река, од каде било извлечено и згрижено.

Кучето од Крива Паланка кое било злоставувано од страна на сопственикот, донесено е во ЈП „Лајка“. Во моментов тоа е безбедно и ќе му биде обезбедена целосна нега и сѐ што е потребно за неговото опоравување, информираат од јавното претпријатие.

Оттаму додаваат дека благодарение на брзата реакција на граѓаните кои веднаш го пријавиле случајот, како и интервенцијата на пожарникарите кои го извлекле од провалијата, инспекторите и ветеринарните служби обезбедиле итна грижа и стабилизација.

-Овој настан е уште еден показател дека системот функционира кога институциите и граѓаните делуваат заедно – брзо, координирано и одговорно. Злоставувањето на животни не е изолиран чин – тоа е сериозен општествен проблем. Секое злоставување на животни мора да се пријави – веднаш и без исклучок. Само со гласна и одлучна реакција можеме да ги заштитиме најранливите и да спречиме насилството да се повтори, велат од ЈП „Лајка“.

Одговорноста, потенцираат, е заедничка – да изградиме средина во која и животните и луѓето живеат безбедно и достоинствено.

За случајот МВР поднесе пријава против 59-годишен жител на Крива Паланка со иницијали З.М., кој го влечел кучето врзано за своето возило. Малтретираното куче било фрлено во коритото на Крива Река, од каде било извлечено и згрижено. (МИА)

Популарно