Штрајк на вработени во Старбакс ширум САД

Свет

на 11.2023

Работници во стотици кафетерии на Старбакс ја напуштија работата барајќи ангажирање на повеќе работници и подобар распоред, објави синдикатот Обединети работници.

Штрајкот беше организиран на голем промотивен ден (Ден на Црвената чаша), кога Старбакс им доделува бесплатни црвени чаши со празнични украси на клиентите.

Тој настан вообичаено привлекува голем број граѓани, па така лани прометот скокнал за 94 отсто во однос на дневниот просек за цела година.

Синдикатот објави во средата дека работниците во 30 градови низ земјата „одеднаш ја напуштиле работата“ пред планираниот штрајк вчера. Старбакс има речиси 10. 000 локации во САД.

Работниците на Старбакс, исто така, излегоа на штрајк минатата година на истиот ден, како знак на протест против отпуштањата, затворањето на кафетерии и други потези за кои тврдеа дека се одмазда на компанијата за вработените кои се приклучиле на синдикатот.

Старбакс на почетокот на овој месец објави дека следната година ќе ги зголеми саатниците за работниците за најмалку 3 отсто.

Сепак, вработените го критикуваа тоа и рекоа дека профитот на компанијата во четвртиот квартал се зголемил за 11 отсто, додека работниците во автомобилската индустрија – кои исто така штрајкуваат – неодамна добија многу поголемо зголемување на платите.

Трамп ќе ги помилува учесниците во упадот на Капитол уште на првиот ден од мандатот

Свет

пред еден ден

Новоизбраниот претседател на САД, Доналд Трамп најави дека уште на првиот ден од неговиот мандат ќе ги помилува сите лица кои учествувале во нападот врз Капитол на 6 јануари 2021 година.

– Ќе дејствувам многу брзо, уште првиот ден, изјави Трамп во интервју за Ен-Би-Си њуз, одговарајќи на прашањето кога планира да ги помилува неговите поддржувачи обвинети за нападот, чија цел беше да го спречат неговиот пораз на изборите во 2020 година.

Трамп нагласи дека може да има „неколку исклучоци“ од помилувањето, ако лицата делувале „радикално“ или „лудо“ за време на нападот, во кој животот го загубија пет лица, а беа повредени стотици – меѓу кои и 174 полицајци.

Тој ги опиша судските процеси против неговите поддржувачи како суштински неправедни и не ја исклучи можноста да помилува над 900 обвинети кои веќе се изјасниле за виновни, вклучувајќи ги и оние обвинети за насилство.

„Ќе го разгледаме секој случај поединечно“, рече Трамп

Ден по отворањето на Нотр Дам, свечена миса со присуство на Макрон и други лидери

Свет

пред 2 дена

Во обновената катедрала Нотр Дам во Париз денеска се одржа свечена миса, пет години по катастрофалниот пожар.

На настанот, кој почна во 10:30 часот, присуствуваа францускиот претседател Емануел Макрон, бројни јавни личности и државни лидери.

Мисата ќе ја служи парискиот надбискуп, а ќе учествуваат и бискупи, свештеници и верници од целиот свет.

Папата Франциск, кој не присуствуваше на настанот, упати честитки, истакнувајќи дека обновата на катедралата е симбол на меѓународната великодушност и посветеност на уметноста, архитектурата и верата.

Ужас во Хаг: Зграда се сруши при експлозија, 20 луѓе се заробени во урнатините

Свет

пред 3 дена

Најмалку 20 луѓе останаа заробени во урнатините откако силна експлозија уништи трикатна станбена зграда во населбата Маријахоев во Хаг.

Експлозијата се случила утринава во 6:15 часот, по што избувнал пожар и делови од зградата се урнале, а пет до седум станови биле целосно уништени, пишува „Ен-Ел Тајмс“ (NL Times).

Службите за спасување, вклучително и специјализирани тимови за урбано пребарување и спасување (УСАР), четири кучиња-водачи и градежни инженери присуствуваа на местото на настанот.