Почина поранешната прва дама на САД, Розалин Картер

Свет

пред 2 недели

Поранешната прва дама на САД Розалин Картер, најблиската советничка на Џими Картер за време на неговиот мандат како претседател на САД и хуманитарна работничка во текот на четири децении, почина денеска на 97-годишна возраст.

Картер центарот соопшти дека Розалин Картер починала по неколку месечно нарушенo здравје и долгo боледување од деменција.

Се наведува дека таа починала мирно, опкружена со семејството, во нејзиниот дом во јужна Џорџија.  “Розалин беше мојот рамноправен партнер во сè што сум постигнал.

Таа ми даде мудри насоки и охрабрување кога ми беше потребно”, рече Џими Картер во изјавата.

Семејството Картер во мај оваа година соопшти дека поранешната прва дама има деменција, но продолжува да „живее среќно во куќата во Плејнс, Џорџија“.

Џими и Розалин Картер се венчале во 1946 година кога тој имал 21, а таа 18 и биле во брак повеќе од 77 години.

За разлика од многу претходни први дами, Розалин присуствуваше на состаноците на кабинетот, зборуваше за контроверзни прашања и го претставуваше нејзиниот сопруг на патувањата во странство.

Џими Картер беше претседател на САД од 1977 до 1981 година.

Видео: Ученичка пукаше во школо во Русија, повреди петмина и се самоуби

Свет

пред 21 часа

Во четвртокот наутро дошло до пукање во училиште во областа Брјанск во Русија, потврдија оперативните служби за руската државна новинска агенција ТАСС.

„Ученичка од осмо одделение донела огнено оружје (во училиште) од кое пукала неколку пати“, рекол изворот.

„Според првичните информации, ученичката испукала неколку истрели, при што пет лица се повредени. После тоа, девојчето се самоубило“, соопшти полицијата.

Се утврдуваат мотивите и околностите на настанот.

Еден загинат во напад на туристи во Париз

Свет

пред 5 дена

Еден маж е убиен, а двајца се повредени во напад со нож и чекан на улица во центарот на Париз.

Францускиот министер за внатрешни работи Жералд Дарманин изјави дека напаѓачот ги нападнал туристите околу Кеј де Гренел, недалеку од Ајфеловата кула. Тој додаде дека уапсениот 26-годишен француски државјанин од претходно им бил познат на безбедносните служби.

Осомничениот се приближил до двајца туристи и избодел германски државјанин до смрт, рече тој. Тој потоа со чекан нападнал уште две лица пред да биде запрен со електрошок и уапсен. На повредените им била укажана брза помош.

Дарманин рече дека наводниот напаѓач извикал „Алах Акбар“, што значи „Господ е голем“ на арапски, а подоцна на полицијата и рекол дека е вознемирен бидејќи „толку многу муслимани умираат во Авганистан и Палестина“.

Тој рече дека осомничениот бил осуден на четири години затвор во 2016 година за планирање напад и бил баран од француските безбедносни служби. Исто така, познато е дека човекот страдал од психијатриски нарушувања, рече Дарманин.

Обвинителството за борба против тероризмот соопшти дека ја презело истрагата. Францускиот претседател Емануел Макрон на Х изрази сочувство до сите погодени од „терористичкиот напад“ и им се заблагодари на службите за итни случаи за нивниот одговор.

– Националното обвинителство за борба против тероризмот ќе биде одговорно за расветлување на овој случај за да може правдата да биде спроведена во име на францускиот народ, нагласи тој. 

Најмалку еден загинат и тројца повредени во пукање во продавница во Охајо

Свет

пред 2 недели

Најмалку едно лице загина, а три други се повредени во пукотница во продавница во Биверкрик, во американската сојузна држава Охајо, јави телевизијата WHIO.

Очевидци изјавија дека мажот отворил оган со автоматска пушка. Тројцата повредени се пренесени во блиската болница.

Полицијата во Биверкрик соопшти дека одговорила на пукањето и дека повеќе нема закана за безбедноста. Биверкрик е град со околу 46. 000 жители сместен источно од Дејтон.

Популарно