Ленин Јовановски: Мора некој многу моќен да стои зад Палчо, му гарантирал комоција по две убиства

Македонија

пред 11 месеци

Убиецот Љупчо Палевски Палчо се чувствувал многу сигурен и доволно безбеден и си функционира како и секој друг ден, а таков може да биде само и само ако нарачателот или оној за кого работи е многу моќен за да му ја обезбеди таа комоција. Свој став за случајот кој деновиве ја потресе јавноста за двократното убиство даде и сопственикот на „Слобода превоз“ Ленин Јовановски, кој по професија е криминолог.

Според него ова убиството нема форми на “користољубие”, не постои конкретно дејство на уцена и изнуда и девојчето е киднапирано за да биде егзекутирано.

„Причината за тоа може да биде, дека таа нешто знаела, била сведок на нешто што можело да упропасти нечија кариера бизнис или живот, можеби сакала да обзнани нешто, можеби била злоупотребена од некоја битна (моќна) фаца или сл“, вели тој.

Како што додава, телото мора да биде на детална и професионална обдукција под независен и сигурен надзор од повеќе лица, за да не се остави простор дека ќе се прикрие нешто што може да даде вистински показатели за причините за убиството.

„Признанијата на учесниците не смеат веднаш да се земат здраво за готово без разлика колку и да соодветсвуваат со некакви материјални докази зошто истите можеби да се и така наместени да изгледаат баш така. Нивните искази во побитниот дел се сведуваат дека така им кажал егзекуторот (планерот) , а тоа никако не мора да значи дека тој им ја кажувал вистината. Да имате храброст да егзекутирате втора жртва со возило кое е сопственост на веќе убиено лице по кое полицијата трага мора да произлегува од висока моќ. Да вмешаш толку сведоци (непрофесионалци) кои брзо ќе “пропеат” и да оставиш толку видливи траги (пред камери и сл.) мора да си сигурен дека тоа никој нема да го гледа“, потенцира Јовановски и додава:

„Треба да се бара нарачателот, тој е најбитниот во овој случај, актерите се повеќе или помалку ете сите тука. Има уште многу прашања , има уште многу за докажување и ова не смее да заврши само на исказите на двајца учесници кој очигледно се најмени и не биле и сеуште не се ни свесни самите во што се сплеткани и за што точно ќе бидат употребени“.

Телата на двете жртви 14-годишната Вања Ѓорчевски и на 74-годишниот Панче Жежовски се на обдукција во Судска медицина. Во текот на утрешниот ден се очекуваат ДНК-анализите.

Тестот за птичји грип на поситетителката во ЗОО Скопје е негативен

Македонија

пред 2 часа

Тестот на жената која денеска побарала да се тестира за птичји грип бидејќи минатата недела ја посетила Зоолошката градина во Скопје е негативен, потврдија од Институтот за јавно здравје за Прес 24.

За потсетување, негативни се и тестовите на двајцата вработени кај кои постоеше сомнеж дека се заразенни со птичји грип.

Во меѓувреме, Град Скопје упаднал во фејсбук страната и електронската пошта на ЗОО Скопје и сами си го напишале соопштението дека инспектори на АХВ без доказ убиле птици кои се шетале во зоолошката, тврдат вработените во оваа установа, кои преку СОНК испратија демант во јавноста.

„Последниот инцидент, со упад на нашата facebook страна и нашата електронска пошта, преку која е испратено соопштението, но и видеата и сликите со вознемирувачка содржина кои се пуштени во медиуми и на социјални мрежи, без согласност на лицата кои се појавуваат во материјалот ја прелеа чапата, за што вработените ќе преземат законски мерки против лицата кои го снимаа и го објавија материалот. Напоменуваме дека вработени во ЗОО Скопје, како врвни професионалци се оградуваат од сите соопштенија кои се испратени во нивно име и споделени со јавноста.“, стои во демантот на членовите на СОНК - вработени во ЗОО Скопје.

Меѓу другото, во демантот се наведува дека инспекторите од АХВ постапиле согласно закон со соодветна документација.

Зоолошката во Скопје ќе остане затворена уште 20-тина дена, откако во петокот беше откриено присуството на птичјиот грип. Веднаш беа убиени птиците кои биле во езерцето заедно со гуската, а во моментов се следи состојбата кај останатите животни во установата.

Просечната нето-плата во август 41.097 денари

Македонија

пред 3 часа

Просечната месечна исплатена нето-плата по вработен, во август 2024 година, изнесувала 41 097 денари, што е за 12.9 отсто повеќе во споредба со истиот месец лани, соопшти Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (18.9 %), Уметност, забава и рекреација (18.8 %) и Јавна управа и одбрана; задолжително социјално осигурување (17.0 %).

Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација (5.3 %), Земјоделство, шумарство и рибарство (4.2 %) и Објекти за сместување и сервисни дејности со храна (3.2 %).

Просечната месечна исплатена бруто-плата, пак, во август годинава, изнесувала 61 806 денари.

Кривична за автомеханичар од Охрид: Вадел исправни делови од автомобили и ги продавал

Македонија

пред 4 часа

СВР Охрид поднесе кривична пријава против Ш.К.(39) од Охрид поради постоење основи на сомнение за сторени кривични дела „измама“.

Тој, во повеќе наврати, во својот автосервис во Охрид, примал патнички моторни возила од граѓани од Охрид, на кои им барал и добивал одредена сума пари, ветувајќи им дека ќе ги отстрани дефектите и ќе изврши комплетен ремонт на нивните возила.

Пријавениот, не ги иззвршувал поправките во договорениот период, а дополнително ги вадел исправните делови од автомобилите и ги продавал на трети лица, со што се стекнал со значителна противправна имотна корист.