(Фото) Татко и ја обучувал и нејзе како да ракува со оружје

И сестрата на Коста Кецмановиќ заедно со него и татко ѝ, Владимир, го посетувала стрелиштето, пренесува српскиот медиум „Република.рс“.

Порталот повикувајќи се на извори од стрелиштето, објави фотографии на кои се гледа девојчето (сестрата на Коста кој го изврши масакрот во соседна Србија) со пиштол во рака. Според нивните информации Владимит Кецмановиќ и неа, како и синот кој го изврши масакрот во Белград, ја обучувал како да ракува со огнено оружје.

Пиштолот со кој пука сестрата на Коста е италијанска Берета М9, полуавтоматски пиштол со краток одврат што го користат вооружените сили на Соединетите држави. Американската војска го користела овој пиштол во инвазијата на Панама, војната во Персискиот Залив, Граѓанската војна во Сомалија, војната во Авганистан и војната во Ирак.

Белград: Ноќеска биле избодени двајца мажи

Во Белград синоќа двајца мажи биле избодени со нож на две различни локации со разлика од една минута, јавува Нова.рс.

Првиот човек е избоден со нож во 0:54 часот на Теразије, во близина на хотелот „Москва“. Мажот е тешко повреден и е пренесен во Ургентен центар за реанимација.

Уште еден маж бил избоден минута подоцна, во 0:55 часот на аголот од улиците Добрачина и Дунавска, кој исто така бил пренесен на реанимација, соопштија од итната помош, пренесува Нова.рс. Телеграф јавува дека вториот маж починал и дека има две убодни рани.

Ученик дошол со нож, полиција пред „Владислав Рибникар“

Полицијата во моментов е пред училиштето „Владислав Рибникар“ поради пријава дека ученик донел нож на училиште.

Претходно родителите на убиените Ема Кобиљски, Нина и Драган сведочеа во Вишиот суд во Белград на судењето на момчетоза масакрот во основното училиште „Владислав Рибникар“ во Врачар, кој се случи на 3. Мај.

Драган Кобиљски, познат тренер по одбојка, низ солзи изјави дека за трагичната вест дознал во моментот додека работел како тренер по одбојка во Романија.

– Јас сум татко на застреланата Ема Кобиљски! Дотогаш имавме бајковит живот, никогаш ништо не ни недостасуваше – рече неутешниот Драган Кобиљски на почетокот на своето излагање и додаде дека неговата сопруга Нина тој ден му рекла дека имало пукање во училиштето „Владислав Рибникар“. Потоа објасни како се чувствувал кога дознал прво за пукањето, а потоа и за страшната вест.

Еден загина, тројца се спасени од пожар во стан во Крагуевац

Маж (70) загина во пожар што избувна синоќа околу 20 часот во Крагуевац, во стан во населбата Аеродром.

Како што јавуваат локалните медиуми, спасени се три лица.

Бригадата за противпожарна заштита пристигнала брзо на местото на настанот.

Еднаесет пожарникари интервенирале со пет возила и успеале да го локализираат пожарот и да спречат да се прошири на другите станови.

Популарно