СТРАШНО: Татко на 14 годишно девојче се самоуби кога дознал дека неговата ќерка била силувана од Пакистанец

Девојчето (14) од Крит наводно за само неколку минути била силувана од тројца мажи, а полицијата досега привела државјанин на Пакистан (38), поради сомнение дека ја силувал.

Се претпоставува дека некој бил макро на девојчето и земал пари за тоа, но се уште не е откриено кој.

Наводно, истрага се води против уште 11 лица, кои треба да дадат исказ во Обвинителството.

Девојчето наводно почнало да трпи насилство во 2022 година, кога имала само 12 години. Целиот случај станал познат пред неколку дена кога пријавила Пакистанец (38) за силување. Се испоставило дека девојчето било нападнато од тројца мажи за само неколку минути, но таа тврди дека ја силувал само Пакистанецот, кој работел како дневен работник на фармата на нејзината роднина.

Останатите осомничени за сексуална експлоатација на малолетник се државјани на Грција, Пакистан и Молдавија, а сите се на возраст од 18 до 38 години. Многумина од нив, наводно, на рочиштето тврделе дека со девојчето имале односи со нејзина согласност.

Во меѓувреме се дознало дека таткото на девојчето се самоубил кога дознал за пеколот низ кој таа поминала. На местото каде што е пронајдено неговото тело полицијата пронашла проштална порака.

“Дознав што се случи со ќерка ми и не можам да го поднесам. Благодарам на полицијата за сѐ што направи. Ве молам, не го одвојувајте детето од мајката. Не можам да го поднесам ова и поради мојата депресија, решив да ме нема“, стои во прошталната порака, потврди за медиумите роднина на семејството.

Телото на мажот (50) било пронајдено минатата недела, откако бил информиран за силувањето на неговата ќерка. Претходно семејството го барало 24 часа. Тој бил пронајден во неговиот автомобил, а до него имало плинска боца со одвртен вентил.

Како што соопштија од полицијата, ниту таткото ниту мајката на малтретираното девојче не знаеле низ што поминува.

„Таа ми рече: „Тоа што го слушна е вистина, мајко! Не сака да ми каже, се срами.Само ми кажува дека слушнав сѐ што треба од полиција.Ќерко, ќе го поминеме ова заедно, не грижи се, јас сум со тебе. Сега сум твој татко и мајка“, рекла таа рикајќи во солзи во мајка, пренесуваат грчките медиуми.

РЗС: Просечната возраст на населението во Србија е 43,9 години

Просечната возраст на населението во Србија е 43,9 години, притоа просечна возраст на жените изнесува 45,3 и на мажите 42,5, години, покажуваат денеска објавените податоци на Републичкиот завод за статистика, јави дописникот на МИА од Белград.

Најголем број жители, 63,3 отсто, се граѓаните на возраст од 15 до 64 години, потоа следат граѓаните на возраст од 65 години и постари (22,3 отсто), а најмалку ги има најмладите до 14 години (14,4 проценти).

Минатата година во Србија починале повеќе лица отколку што биле родени или имало 61.052 живородени, а 97.081 умрени.

Просечната возраст на починатите е 72,6 години за мажи и 77,8 за жени.

Кога станува збор за раѓањето деца во Србија, просечната возраст на мајката при раѓањето на првото дете во 2023 година била 29 години.

Минатата година, во повеќе од две третини од случаите, живородените деца се родени во брачна заедница  или 70 проценти.

Бројот на живородени деца од мајки помлади од 25 години е намален од 2003 година од 29.637 на 11.382 деца, што е пад од 61,6 отсто.

Од друга страна, во Србија има зголемување на бројот на живородени деца кај мајки на возраст над 40 години, што изнесува 74,9 отсто, во споредба со 2003 година кога имало 1.679 деца, годинава има 2.937 деца.

Најчести имиња на женските деца родени во 2023 година се: Софија, Дуња, Мила, Теодора и Маша, додека најчести имиња на машките деца се Лука, Василије, Лазар, Богдан и Вук. 

Грчката фрегата во Аденскиот залив интервенирала и соборила дронови

Грчката фрегата „Псара“, дел од европската операција „Аспидес“ (Штитови) во Црвеното море, утрово интервенирала против четири беспилотни летала (UAVs) во Аденскиот Залив, што биле упатени кон трговски брод и соборила два од дроновите, објавија грчките медиуми, повикувајќи се на воени извори, јави дописничката на МИА од Атина.

Со цел да го заштити трговскиот брод, фрегатата, употребила анти-дрон систем и отворила оган против четирите беспилотни летала, од кои две биле соборени, а другите се повлекле и оддалечиле.

Според истите извори, „Псара“ регуларно ја продолжува својата мисија.

Грчката фрегата вчера наутро ја посетија министерот за одбрана на Грција Никос Дендиас и високиот претставник на Европската Унија за надворешна политика и безбедност Жозеп Борел.

Поскапуваат патарините во Србија

Од 10 јули ќе се плаќа поскапа патарина во Србија. Имено, Владата на Србија даде зелено светло за новиот ценовник на Јавното претпријатие Путеви Србије.

Новите цени на патарините ќе важат од 10 јули, стои во новата Одлука за висината на посебната такса за користење на јавниот пат, неговиот дел и патниот објект, што ја донесе Јавното претпријатие Путеви Србије.

Ова се новите цени на поединечните делници на српските автопати:

Белград – Шид: нова цена 500 динари (сега 450 динари),

Обреновац – Прељина: нова цена 560 (510 динари)

Белград – Суботица: нова цена 800 (730 динари)

Белград – Врбас: нова цена 470 (420)

Белград – Ниш југ: нова цена 1.130 динари (1.020)

Белград – Димитровград: нова цена 1.670 (1.510 динари)

Белград – Баточина: нова цена 500 (450)

Популарно