Трагедија во семејството на Македонскиот актер и поранешниот градоначалник

Голема трагедија денеска во семејството на поранешниот градоначалник на општина Битола Владимир Талевски.

Според извори на 4NEWS.mk денеска почина една од двете ќерки на Талевски.

Во моментов нејасни се причините за смртта. Таа живееше во Битола и имаше семејство и дете.

Талевски е во прилепскиот затвор каде издржува казна затвор во случајот „Транспортер“.

Почина Брано Мичуновиќ

Бранислав Брано Мичуновиќ почина денеска во Будва, соопштија за „Вијести“ од повеќе извори. По потекло од Никшиќ, Мичуновиќ имаше развиен бизнис во Црна Гора, но најчесто беше споменуван како човек кој управувал со организиран криминал, што тој постојано го демантираше. Важеше за пријател на поранешниот црногорски претседател Мило Ѓукановиќ.

Во средината на ноември минатата година, Соединетите Американски Држави (САД) воведоа санкции против него и Миодраг Дака Давидовиќ, поради, како што се наведува, нивната поврзаност со криминалот и злонамерното влијание на Русија во регионот.

Ова подразбира блокирање на целиот нивен имот во Америка или на оние кои се контролирани од лица блиски до нив во таа земја. Во образложението на одлуката се наведува дека Мичуновиќ со децении е водечка фигура во организираниот криминал во Црна Гора, од времето на поранешна Југославија.

– Тој е најпознат по нелегалниот шверц на цигари, кој ја корумпираше и ја поткопа независноста на демократските институции на Црна Гора, се вели во соопштението.

Мичуновиќ беше обвинет за учество во коруптивни активности со една од владите на Западен Балкан и актуелен или поранешен владин функционер.

„Мичуновиќ е означен… за одговорност или соучество во, или директно или индиректно учество во, корупција поврзана со Западен Балкан, вклучително и корупција од, во име, или на друг начин поврзана со влада на Западен Балкан, или сегашен или поранешен владин функционер на кое било ниво на власт во Западен Балкан, како злоупотреба на јавен имот, експропријација на приватна сопственост за лична корист или политички цели или поткуп“, се вели во одлуката на САД.

Во минатото беше обвинет за убиство на сограѓанинот Радован Ковачевиќ во октомври 2000 година, но во 2007 година беше правно ослободен, бидејќи никој од оние на местото на настанот не го идентификуваше како личност која пукала.

Мичуновиќ беше еден од обвинетите во Бари за шверц на цигари во текот на деведесеттите, но постапката пред локалниот суд беше прекината поради застареност. Во истрагата биле опфатени петнаесетина лица од Црна Гора и Италија, меѓу кои и тогашниот премиер Мило Ѓукановиќ. Сите тие подоцна беа ослободени од формални причини.

Мичуновиќ беше косопственик и сопственик на повеќе компании од областа на коцкањето и градежниот бизнис во Црна Гора.

Почина како последица од мозочен удар

Мичуновиќ почина во приватна клиника во Будва како последица на мозочен удар. Долго време имаше здравствени проблеми, а беше и опериран. Долго време важеше за недопирлив бизнисмен. Тој често беше поврзуван со криминални дејствија, иако и самиот неколку пати го негираше тоа.

Роден е 1953 година во Никшиќ, оженет е со Светлана со која има син и ќерка. Студирал економија во Нови Сад, но не останал долго на универзитетот, ниту во земјата.

Почина познатиот македонски моторџија

На 48 годишна возраст почина познатиот македонски моторџија Тони Шипка, соопшти неговиот клуб LOWLANDERS MC MACEDONIA на социјалните мрежи.

– Почина Тони Шипка, човек кој имаше големо срце и беше голем другар. Тони беше член на LOWLANDERS MC MACEDONIA. Сочувство до семејството и клубот, до неговите пријатели и блиски. Ќе ни фалиш Тони! Почивај во Мир, стои во објавата.

Погребот ќе се одржи утре на гробиштата во Ѓорче Петров.

Доживотен затвор за Усеин Р. кој со 42 убоди од нож ја уби Танкица Младеновска од Кочани

Педесет и деветгодишниот Усеин Р. од Кочани, кој во септември лани ѝ нанесе десетици убодни рани од нож на 46-годишната Танкица Младеновска од Кочани и ја уби, денеска е осуден на казна доживотен затвор. Тој се сомничеше дека на 25 септември лани, на свиреп начин ја лиши од живот Танкица, нанесувајќи ѝ многубројни убоди со нож. Таа почина на местото на настанот.

По поднесено обвинение од Основното јавно обвинителство Кочани, а по признание на вина, Основниот суд во Кочани донесе осудителна пресуда за едно лице за кривично дело – Убиство извршено при родово базирано насилство и на свиреп начин, при што за сторителот е изречена казна – доживотен затвор.

Во обвинението, Основното јавно обвинителство Кочани го товареше обвинетиот и за кривично дело – Уцена кон истата оштетена, сторено пред убиството. Меѓутоа тоа дело обвинетиот не го призна, постапката е раздвоена и за тој дел од обвинението ќе продолжи судска постапка.

Платформата за родова еднаквост лани реагираше до Јавното обвинителство со барање ова убиство да биде квалификувано како фемицид при вршење на родово базирано насилство истакнувајќи дека институциите не го препознаваат родово базираното насилство, и овој случај го водат како убиство на свиреп начин.

-Случајот на фемицид, најтешкиот вид на родово базирано насилство, кога во Кочани жена беше избодена до смрт, иако претходно го пријавувала сторителот за уцена и барала заштита, Основното јавно обвинителство Кочани го квалификуваше како убиство на свиреп начин, со што се потврдува фактот дека институциите сѐ уште не го препознаваат родово базираното насилство. Основното јавно обвинителство Кочани донесе наредба за спроведување истражна постапка против едно лице поради основано сомнение дека сторил кривично дело –Убиство според член 123 став 2 точка 1 од Кривичниот законик, реагираа оттаму.

Популарно