Зошто жените избираат помалку убави мажи?

На познатото прашање „што видела во него?“ можеме да одговориме дека жените сакаат нешто што ќе им даде поголема удобност од силната мускулатура – сигурност…

Постојат многу причини зошто привлечна жена држи за рака маж со просечен изглед.

Повеќето причини се од психолошка природа и може да се објаснат сосема едноставно – се почесто жените се одлучуваат за машката зрелост, а не за привлечната надворешност.

Затоа на улица или во кафуле можеме да видиме парови кои на прв поглед воопшто не си одговараат, што го покренува познатото прашање: „Што видела таа во него?“ Најповршниот одговор е – пари или статус. Постои и тоа, се разбира, но има и други причини.

Врските траат подолго

Студијата објавена од „Дејли њуз“ открива дека жените кои се омажиле за непривлечни мажи имаат посреќни бракови од оние кои се омажиле за привлечни. Тоа е еволутивен проблем. Мажите повеќе се грижат за изгледот на својата партнерка, бидејќи тоа обично значи дека ќе пренесат подобри гени на нивните деца. Жените, од друга страна, бараат стабилен маж, а не само силни гени. Мажите кои се попривлечни од нивните сопруги имаат тенденција да им посветуваат помалку внимание.

Жените избираат обожување наместо љубов

Советите од искрените мајки и баби обично се сведуваат на следново: „Омажи се за човек кој ќе те сака повеќе отколку што ти го сакаш него“. Тоа е застрашувачки совет за девојка од 14 или 18 години, но во одреден момент тие се сеќаваат на него и можеби го практикуваат.

Повеќе отколку на мажите, на жените им е потребна љубов. Жените сакаат да слушнат, видат и разберат дека некој ги сака. Тие не сакаат да се прашуваат каде отишла романсата и да погодуваат нечии вистински чувства. Помалку привлечен маж е помала веројатноста да ги остави за поубава и помлада жена.

Изгледот на жената е поважен

Мажите гледаат со очи, жените гледаат со уши. Еволутивниот психолог и автор на книгата „The Science of Romance“ д-р Најџел Барбер тврди дека изгледот им е помалку важен на жените во врската. Тоа не е ништо ново. Уште кога стануваме доволно возрасни за да се забавуваме, жените први сфаќаат дека нивниот изглед е поважен од машкиот. Тие се оние кои треба да изгледаат убаво, привлечно, секси и слично. Мажот има значење во врската врз основа на неколку фактори: сила, репутација, личност или социјален статус.

Помалку атрактивните се поотворени

Жените всушност не бараат помалку атрактивни мажи, тие обично повеќе ги бркаат. Според студијата објавена од британски „Телеграф“, помалку привлечните мажи имаат поголема самодоверба. Тоа е лажна самодоверба, но сепак е самодоверба.

За разлика од попривлечните мажи, тие се поотворени и пооптимистични кога станува збор за приоѓање на жените, што објаснува зошто добрите момци ретко им приоѓаат на згодните жени. Ова „надуено“ его им дава предност на помалку привлечните мажи затоа што тие ги бркаат жените, бидејќи немаат луксуз да чекаат да им пријдат.

Жените сакаат сигурност

Иако потајно копнеат по силни гради, бујна коса и рамен стомак, жените сакаат уште нешто – нешто што ќе им даде поголема удобност отколку силната мускулатура – ​​сигурност.

Откако доживеале разочарување со супер фраер, чувство на несигурност и постојана напнатост, тие избираат некој кој ќе направи да се чувствуваат добро. Колку и да е површно и плитко, помалку привлечните момци носат чувство на безбедност.

Храбар потег: Ја сретнал на фонтана и веднаш ја бакнал!

Минатиот петок дечко бакнал на улица млада девојка од Ријека. Ништо необично за една петочка вечер. Но, тој бакнеж оставил толку силен впечаток на девојката па таа решила да го бара дечкото по секоја цена.

– Беше кратко, но незаборавно. Дечкото е со кафеава коса, а носеше црна кожна јакна, раскажа девојката.

Како што раскажува девојката, таа и три нејзини другарки се сретнале на плоштад во Ријека, кога кај фонтаната им пришол млад дечко и ја бакнал девојката. Веќе во понеделникот изутрина таа јавно кажала дека сака момчето да и се јави, при што порталот РијечанИн ја одиграл улогата на посредник.

– Ние четири излеговме во петокот на 8ми март да прошетаме, а малку и да се напиеме. Кај фонтаната на плоштадот Коблер другарка ми на шала ме испрска со вода и јас целата бев мокра. Во тој момент дојде еден дечко, ми кажа дека сум многу убава и ме бакна. Но, набрзо си замина, а јас не стигнав ни да го прашам како се вика. Сега го барам, сакам да го запознаам бидејќи тој и неговиот потег многу ми се допаднаа – раскажа девојката за РијечанИн.

Мистериозниот заводник не чекаше долго за да се јави. Имено 19 годишното младо момче со иницијали П.Ј., кого редакцијата го нарече Петар, набрзо се јавил и кажал дека тој ја бакнал девојката.

Еве како романтичниот краток состанок изгледа од негов агол:

– Бев излезен со другарите и бевме доста весели. Знаете како оди тоа кога ќе се опуштиш за време на викендот. Здогледав една група на прекрасни девојки и пријдов на најубавата и ја бакнав. Бевме секој со своето друштво и немавме време да поразговараме подолго. Кога го видов нејзиниот повик денеска, без многу размислување одлучив да и се јавам – раскажа „Петар“.

А заклучниот коментар за РијечанИн го даде и младата девојка:

– Среќна сум зошто го пронајдовме момчето кое беше заслужно за еден прекрасен и романтичен момент. Веќе се слушнавме и во најбрзо време се надевам дека ќе излеземе на кафе и ќе се запознаеме подобро. Јасно ми е дека овој наш необичен потег, потрага по дечко, многумина го протолкуваа и како шала, но мене навистина драго што преовладуваа позитивни коментари и дека секогаш треба да бидеш упорен во нешто што сакаш да го оствариш.

Зошто љубовта секогаш доаѓа кога најмалку очекуваме?

Сите сме поминале низ тешки периоди кога ни недостасувала љубов и сме се чувствувале осамени. И после сите тие фази секогаш следи период во кој се чувствуваме дека се е можно во нашиот љубовен живот.

Дали сте забележале како одеднаш сѐ се менува и добиваме покани за излегување секогаш кога изгледа дека сме среќни со нашиот самечки живот? Зошто секогаш запознаваме некого баш во моментот кога се откажуваме од барање?

Независноста е привлечна

Независноста не значи да сакаш нешто што не можеш да го имаш. Независноста значи да ти биде удобно во своја кожа.

Очајот не е привлечен

Кога премногу се трудиме и постојано не успеваме – тоа нѐ исцрпува. Се чувствуваме одбиено и несакано. И тоа ќе се одрази на нашиот изглед. На нашето лице, на нашето тело и на говорот на нашето тело. Тешко е луѓето да го видат најдоброто во нас, кога ова е единствената страна која ја гледаат. А луѓето можат да намирисаат очај од голема далечина. Затоа, не се трудете толку многу.

Премогу размислуваме

Понекогаш, кога мислиме на нашите проблеми, можеме да ги поправиме. Но, кога станува збор за љубовта, ова може да е контра-продуктивно. Ја бараме секоја можна маана, затоа што не сакаме да си го губиме времето. И на крај ги преувеличуваме и најмалите проблеми, а тоа нѐ спречува подобро да ја запознаеме другата страна.

Кога престануваме толку силно да бараме некој друг, се запознаваме подобро себеси

Запознавањето на работите кои ги сакаме нѐ прави среќни. Ние ги следиме нашите сопствени интереси и активности, затоа што ги сакаме. И тоа нѐ прави задоволсни. И среќата која тоа ја носи со себе е заразна, го брише очајот и прави да престанете толку многу да анализирате.

Кога се фокусираме на нашите страсти, запознаваме луѓе кои ни се слични и така се зголемуваат шансите да запознаеме некого

Многу често се поврзуваме со некого токму затоа што имаме заеднички работи. Па затоа, кога правиме нешто што сакаме, ние сме на правото место за запознавање на прави луѓе. Секако дека не ги правиме тие работи за да запознаеме некого, но сепак поголеми се шансите да се случи тоа без да го бараме тоа.

Кога престануваме да се замараме толку, делуваме поопуштени и полесни за комуникација

Тоа е затоа што сме такви. И не, животот не си подигрува со нас, туку едноставно треба повеќе да се фокусираме на нашите животи и интереси. И секогаш се случува тоа кога ќе престанаме да бараме.

Популарно