Ако една личност реши да биде со вас, таа треба да е тука кога ви е тешко, кога сакате да зборувате за своите проблеми, кога сакате да и покажете делови од себе кои не се најсветли.

Не треба да се плашите од тоа да се отворите пред нив, за сите проблеми, поранешни трауми, за драмите низ кои минувате низ животот. Ако постои проблем во вашиот живот, треба да се чувствувате пријатно за да можете да го споделите со нив. Тоа не треба да биде тајна. Не треба да биде толку страшно да споделите. 

Ако една личност е тука за вас, таа треба да биде тука и во добрите и лоши мигови. 

Тие треба да се тука за помош и поддршка, за добар збор кога минувате низ болка и за совет кога не знаете како да продолжите. Но, ако тие си заминуваат кога работите стануваат тешки, не треба да се обвинувате себеси. Не сте направиле ништо лошо. 

Вистинската личност ќе биде до вас да ве ислуша. Тие ќе бидат до вас и кога сте среќни, но и кога се чувствувате како да се распаѓате. Ако таа личност не е заинтересирана за тоа, тогаш таа не е ваша личност. Не заслужува да биде дел од вашиот живот. 

Животот е тежок а односите меѓу луѓето дополнително го комплицираат. Но, на сите нам ни се потребни вистински и искрени луѓе околу нас. Ако некој си оди кога работите тргнуваат на лошо, тие не се ниту добар партнер, ниту пак добар пријател. Вие можете без нив. Но, заслужувате некој кој ќе биде тука во сите добри и лоши денови.  

Да се биде во врска со чудна личност не е лоша работа. Во суштина, тоа е навистина добра работа. Да бидеме искрени и вие сте малку чудни.

Танцувате во долна облека, а додека пеете, го држите чешелот во рака и се преправате дека е микрофон. Зборувате гласно во ресторани и тоа баш кога ќе настапи длабока тишина. Носите различни чорапи. Сакате да правите гримаси. Се сопнувате и паѓате. Често.

Не сте баш некоја слика за совршенство.

Сакате да јадете крофни и Сникер и не ви гајле што ви се плаче кога ги слушате баладите на Бело Дугме.

Сите сме чудни на разни начини. Сите ние правиме работи надвор од нормата. И се уште некому е непријатно поради тоа. Наместо да ги криеме нашите чудни склоноти и откачени карактери, мислам дека е време да се прифатиме себе.

Некои луѓе имаат навика да излегуваат со луѓе кои ги контролираат своите чудни навики. Тие се кул, владеат со себе. Велат „фала“ и „молам“ во секоја реченица.

Тие ставаат чај во шолјата со подигнато мало прсте.

Тие никогаш нема да кажат или направат нешто претерано. Тие презираат бучни, иритантни луѓе кои имаат свое мислење. Тие ја следат толпата.

А можеби вам ви одговара да бидете во врска со таква личност. Можеби и вие сте од друга планета. Но, ние чудаците, не можеме да бидеме со некој кој не знае да се шегува на своја сметка. Не можеме да бидеме со некој се обидува да ги сокрие своите чудни навики, кој се обидува да се промени според стандардите кои општеството ги смета за прифатливи.

Тие луѓе можат да бидат совршено убави. А можеби и на некој начин и ви се допаѓаат.

Но, тие се толку досадни. Навистина.

Зарем навистина мислите дека ќе остварите долгорочен и квалитетен однос со некој кој е совршен во секој поглед? Мислите дека ќе се заљубите во некој кој не може да ја прифати вашата личност? Мислам дека нема да ви се случи тоа.

Бидете во врска со некој кој е подеднакво чуден и неподнослив како и вие.

Бидете во врска со некој кој се натпреварува со вас во правење гримаси. Бидете во врска со некој кој знае да вика со цела сила, од длабочините на своите бели дробови и тоа само заради забава. Бидете во врска со некој кој има свој танц поради кој другите го гледаат чудно.

Бидете во врска со некој кој се прифаќа себеси. И кој се смее на своја сметка исто како и вие. Бидете во врска со некој кому нема да биде непријатно кога ќе направите нешто потполно лудо.

Бидете во врска со некој кој ќе ви се придружи кога ќе почнете лудо да танцувате.

Бидете во врска со некој кој нема да ви дозволи да се изгубите себеси. Бидете во врска со личност која ќе ве сака поради тоа што сте.

Немојте да бирате премногу совршени мажи. Ниту пак досадни. Ниту пак оние кои само се обидуваат да им угодат на другите луѓе.

Одберете личност која навистина живее.  Одберете го оној кој ги сака чудните луѓе. Одберете личност која ќе ги сака сите ваши чудни навики и во добро и во лошо.

Таков маж никогаш нема да ве осудува или да ви каже како треба да се однесувате. Никогаш нема да ви наредува и да се обидува да ве вклопи во нешто коешто општеството може да го прифати. Тој ќе ве сака само вас.

И тоа е единствено нешто коешто ќе ви биде доволно.

Верувам дека на секоја жена и се случило следново сценарио:

Ти се допаѓа некој тип. Навидум и ти му се допаѓаш на него. Почнувате да излегувате, летаат искри на сите страни и едноставно сте сигурни дека тоа е тоа. Типот одеднаш го сфаќа тоа и исчезнува. Останувате сами и измислувате милион причини само за да не се соочите со фактот дека не му се допаѓате.

Океј, можеби е ова мало претерување, но има моменти кога изгледа дека типот исчезнува баш во момент кога вие ги спуштате одбранбените механизми. Во овие моменти, лесно е да се исфрустрирате и да посакате да му се јавите на телефон и да му искажете милион работи. Иако, тоа можеби изгледа како борба за љубов, ве молам запрете се. Праќањето милион пораки прави да изгледате очајно и лудо.

Наместо да бидете стереотипната девојка која не може да ги сфати знаците, зошто да не бидете девојката која прва исчезнува?

Понекогаш навистина се срамам кога ќе ми текне колку време сум потрошила плачејќи по мажи кои не вределе за да плачам за нив. Тоа време сум можела да го потрошам патувајќи или јадејќи тестенини.

Сите знаци беа таму и сите велеа да бегам што побргу, но мојата надеж ме зезна и останав се додека не ми беше кажано да си одам. 

Ајде да престанеме да ги правиме овие грешки. Ајде да престанеме да се држиме до момци кои веќе се со една нога надвор од вратата. Животот е прекраток и постојат многу други можности кои не вклучуваат чекање на мажот кој не е заинтересиран.

Силните жени не молат. Тие си одат во моменот кога ќе почнат да се чувствуваат непожелни. Ако не можете да ги препознаете знаците, еве ви неколку насоки:

1. Тој не се труди да се види со вас насамо.

Ако типот сака да ве види, тој ќе се потруди да ве види. Кога ќе почне да наоѓа изговори и не ги остварува плановите, време е почнете да барате други избори.

2. Се однесува како да не му е грижа.

Прекрасната работа кај мажите е тоа што повеќето од нив се лесни за читање. Престанете да се обидувате да читате меѓу редови и прифатете ги работите такви какви што се.

И секако, постојат ретки моменти во историјата, кога девојката си заминала, па дечкото се вратил по неа. Но, обично овие моменти се случуваат во филмовите. Во реалниот живот, вам ви треба маж кој не мора да изгуби за да сфати дека ве цени.