(Фото) Саша Ковачевиќ уште еднаш покажал колку е приврзан за ќерката на неговата девојка

Саша Ковачевиќ се наближува до својот јубилеен 40-ти роденден, но и понатаму го ужива статусот на најпосакуваниот ерген во Србија. Сепак, тоа не значи дека тој е сам. Девојката на Саша Ковачевиќ, Зорана Тасовац, го освоила неговото срце уште во 2017 година.

Заљубениот пар внимателно ја чува својата приватност и ретко се појавуваат заедно пред камерите.

„Секој од нас сака да најде малку мир, па не сум ниту јас исклучок. Успеав да го организирам животот онака како што ми одговара. Не дозволувам ништо да ми го наруши времето кое можам да го поминам со семејството“, вели поп ѕвездата.

А семејството на Саша, со кое го дели секојдневието, се Зорана и нејзината ќерка Искра. Иако девојчето е родено во бракот на Зорана со Богдан Срејовиќ, пејачот ја доживува како свое дете.

„Јас не сум нејзин биолошки татко, но ја нарекувам мое дете. И утре, кога ќе имам свое биолошко дете, Искра ќе биде моето прво дете“, зборувал Саша.

„Ја сакам мојата љубена и уживам во секој момент кој го поминувам со неа. Таа е мојата втора половина, евидентно поубава“, јасен бил Саша Ковачевиќ.

Нема сомнеж дека Зорана и Саша се сакаат безусловно, но никому не му е јасно зошто не одат пред матичар.

„Навистина не знам зошто на луѓето тоа им е толку интересно. Сигурен сум дека кога ќе помине свадбата ќе започнат прашањата кога ќе дојде детето, па кога ќе дојде второто“, изјавил пејачот, кој планира да се ожени далеку од очите на јавноста.

Девојката на Саша Ковачевиќ ужива во извонредното внимание на своето момче, кое во секоја прилика ѝ се обраќа со зборовите – поубава половина.

Аца Лукас: „На венчавката ја изневерив бремената сопруга – после тоа таа со насмевка ѝ честиташе на мојата жена“

Во книгата „Ова сум јас“, Аца Лукас, меѓу другото, го опиша и својот прв брак. Светлана била првата голема љубов на пејачот, со која основал семејство.

“Цеца цветаше од среќа. Тоа лето во 1991 година отидовме на море. Тоа беше крајот на моето ергенство. Барем така мислев тогаш. Свадбата беше на сплавот “Лукас”. Имаше 200 сватови, моите пријатели свиреа, а јас повремено го земав микрофонот“.

„Денот почна по свадбениот протокол, кој прилично го намалив. Со пријател отидов да си ја пробам среќата на покер апаратите на свечениот ден. Кога се вратив дома, хармоникашот веќе на големо ги веселеше гостите. Пред зградата имаше трубачи, а со нив пееше и мајката на Светлана. Цеца беше во благословена состојба и само се смешкаше“.

“Не се сеќавам на многу детали од свадбата. Знам само дека од некаде се појави една моја бивша девојка од средно и дека се бакнувавме во тоалетот. Жените се чудо. Откако се љубеше со мене, таа и честиташе на мојата сопруга со насмевка за влегување во брачните води“.

„Денес само сфаќам колку кретен бев кон мојата прва сопруга, мојата прва, вистинска љубов. Вистински кретен! Умислував дека мојата сопруга не ме заслужува, дека сум нешто над неа. Таа страдаше. Сега знам дека во тоа време беше жена за мене, тивка придружничка на мојот подем, прекрасна мајка, обожавателка на моите родители.

(Фото) Вака изгледа љубовницата со која живее 15 години двоен живот

Разводот на Џенан Лончаревиќ стана главна тема во медиумите, а сите дополнително се изненадени што пејачот решил да се разведе дури сега, со оглед на тоа што веќе 15 години живее со извесна љубовница Милица во Белград.

И додека неговата законска сопруга Самира Лончаревиќ изминативе денови се огласи во медиумите, невенчаната сопруга на Џенан со која живее и понатаму молчи.

Таа сега е снимена како го чека пејачот пред зграда кога тој се враќаше од настап, а со оглед на тоа што го „улови“ екипата на „Папарацо Лов“, сите имаа можност да ја видат на малите екрани.

Избраничката на Џенан на прв поглед не наликува на неговата сопруга со која е во брак 25 години. А сопругата на Џенан во исповед за медиумите последниве денови изјави дека се плаши да остане на улица:

– Во сето ова барам само да се почитува законот, не барам ништо повеќе. Впрочем, јас сум вработен во тој суд, ја водам кривичната канцеларија и знам како оди се. Барам да се закажат предметите пред мене, ако се итни тогаш моите нека бидат пред сите останати. Дали ќе биде утре, задутре или за еден месец, се додека го следи законот ќе биде во ред. Таа и нејзиниот адвокатски тим сега апелираат од сите страни да се забрза процесот за развод – изјави Самира.

– Најголем проблем е имотот, доживеав дека после 25 години брак сакаат да ме исфрлат од дома. Веднаш би го потпишал барањето за развод, веднаш, но проблемот е имотот, бидејќи се што купил е ставено на име на мајка му. Сега купил стан во Белград на име на таа жена, го ставил на нејзино име да не можам да добијам ништо. Тоа е проблемот – изјавила законската сопруга на Џенан, со која има два сина. Таа вели дека не се грижи за себе, но се грижи за децата.

– Нормално, никогаш не би си дозволила да разговарам со новинари доколку го немав овој проблем и сега немав каде да одам. Куќата во која живееме е половина негова, половина на брат му, а всушност по 25 години брак четвртина од куќата ми припаѓа мене затоа што се останато што го стекнал е ставено на туѓи имиња. Немам друг избор освен да се борам да им обезбедам на моите деца кои немаат ништо на нивно име – истакнува оваа жена и додава:

– Имам за себе, имам плата и би се снашла, но сакам да им обезбедам денес, утре, ако се случи нешто, што би направиле? Има добар однос со децата. Децата многу го сакаат. Доаѓа еднаш на 15 дена и тогаш ги гледа. Кога доаѓа во Пријепоље, останува во истата куќа каде што сум и јас, но не комуницираме. Нашата врска е нарушена. Нашите адвокати се слушаат, не сме разговарале од летото минатата година. Во февруари добив барање за развод – заклучи Самира Лончаревиќ.

И додека Самира реши да зборува, Џенан нема намера да зборува, туку својата ситуација целосно ја препушта на судот.

(Фото) Мили отвори клуб за свој мерак - Композиторот сам пушташе музика

Aлександар Милиќ Мили со години важи за хитмејкер, поради што е и еден од најпознатите и најуспешните композитори во регионот.

Меѓутоа, Мили ужива и во улогата на диџеј, а доказ за тоа е и „приказната“ кој ја објави на Инстаграм.

Имено, композиторот импровизирал „клуб“ со пријателите дома, во кој приспособил се – од светлата до озвучување.

Му пушташе музика на „гостин“, т.е. на пријател со кој очигледно одлично се забавуваа.

Популарно