Дејан призна дека ја задавил Данка, зошто кријат каде е телото на девојчето?

Дејан Драгијевиќ (50) синоќа на рочиштето во Вишото јавно обвинителство во Зајечар признал дека ја задавил Данка Илиќ, дознава Блиц.

Според информации на Блиц, сослушувањето на Дејан Драгијевиќ траело над 2 часа. Тој му откри и на обвинителството дека имал помагачи да го извадат телото на Данка Илиќ од депонијата. Рече дека татко му и брат му му помогнале да се ослободи од телото, вели извор на Блиц запознаен со случајот.

Како што објавивме, Срѓан Јанковиќ се бранеше со молчење.

„Срѓан Јанковиќ се бранеше со молчење. За разлика од него, второосомничениот Дејан Драгијевиќ речиси два часа детално зборуваше за се што се случило. Тој рече дека откако ја удрил автомобилот, малата Данка паднала, и дека потрчал од совозачкото седиште му пришол на девојчето и веднаш почнал да го дави со голи раце.Тој со сета сила и го стегнал вратот и таа, според негова проценка, многу брзо престанала да дише. Потоа и го ставиле телото во багажникот и се оддалечиле и го фрлиле телото на депонија“, пишува Курир, повикувајќи се на неофицијални извори од Обвинителството.

Потрагата по телото на Данка продолжува затоа што телото било преместено, а обвинетите не сакаат да кажат каде е.

„Она што е целосно нејасно е зошто двајцата се кријат каде е телото. Очигледно е дека подоцна го преместиле телото, и зошто им е најважно телото да не биде пронајдено, останува нејасно бидејќи веќе имало тешко убиство, не може да им биде полошо“, вели за Курир извор близок до истрагата.

Мицотакис: Без почитување на Договорот од Преспа, патот кон Европа ќе остане затворен

Патот до Европа ќе остане затворен, а меморандумите нема да се ратификуваат во Парламентот, доколку од другата страна нема целосно почитување на Договорот од Преспа, порача денеска грчкиот премиер Кирјакос Мицотакис, јави дописничката на МИА од Атина.

Говорејќи пред граѓаните во грчкиот град Верија во северниот дел на Грција, Мицотакис се осврна и на односите со нашата земја, повторувајќи го ставот на Нова демократија за Договорот од Преспа и уште еднаш посочувајќи дека усогласувањето е неопходен услов како за европската перспектива, така и за ратификација на меморандумите за соработка.

- Би сакал од овде, од срцето на Македонија да сум целосно јасен. Нова демократија не го гласаше Договорот од Преспа и изразивме сериозни приговори кога се ратификуваше во грчкиот Парламент. Но, рековме со апсолутна искреност, никогаш не ве измамив, дека штом се изгласа овој Договор, практично не може да се смени и ќе бидеме принудени, и покрај проблемите што ги има, да го почитуваме. И ова го сторивме. Ако некои веруваат дека може од нивна страна да не го почитуваат Договорот, да знаат две работи: прво нивниот пат кон Европа ќе остане затворен и второ, меморандумите што треба да ги ратификуваме, нема да се ратификуваат, сè додека нема апсолутното усогласување. Апсолутно усогласување од новата Влада согласно она што го предвидува Договорот, рече Мицотакис, пренесе МИА. 

Видео: Полуматуранти од Црна Гора го запалија училиштето

Полуматуранти од Основното училиште во Доња Горица, Црна Гора, наводно го запалиле училиштето за време на матурската прослава.

На страницата на Инстаграм „Подгорички времеплов“ објавено е видео од пожарот, каде што е наведено дека пожарот бил предизвикан од факел.

„Полуматурантите со факел го прославија крајот на школувањето, а потоа го запалија училиштето во Доња Горица“, се наведува.

Премиерот Фицо е во свесна состојба

Премиерот на Словачка, Роберт Фицо, по неколкучасовната операција поради здобиените повреди во вчерашниот атентат, е во свесна состојба, објавија локалните медиуми.

Но, медиумите не наведуваат детали за здравствената состојба на Фицо, кој вчера беше застрелан во градот Хандалова додека се поздравуваше со насобраниот народ.

Напаѓачот е познатиот словачки писател Јурај Цинтула, кој тврди дека пукал во Фицо бидејќи не се согласувал со политиката на Владата.

Словачкиот премиер се здоби со повреди во градите и стомакот и со хеликоптер беше пренесен во болница, каде му беше извршена операција.

Популарно