Мајката на осомничениот убиец: Данка е жива

Светлана Драгијевиќ, мајката на Дејан Драгијевиќ, кој е јавно посочен како убиецот на Данка Илиќ, двегодишното девојче од Бор безобразно го брани нејзиниот син и ја обвинува мајката на Данка дека знае каде е детето, чие безживотно тело српската полиција го бара деноноќно, пренесуваат српските медиуми.

„Мојот Деки не е убиец и тоа го потпишувам со мојот живот не 100 отсто, туку 200, 2.000, милион и два милиони отсто. Тој рече дека тоа го направил за да не биде претепан до смрт од полицијата. Тој е болен, неодамна беше во бањата. Дејан е добар човек, не можеше да крене рака на дете“, изјавила Светлана за Републик.рс.

Таа тврдела дека не го познавала другиот обвинет Срѓан Јанковиќ, кој според извештајот од истрагата бил во автомобилот со Драгијевиќ кога детето било удрено од автомобилот и дека не може ништо да каже за него, но без срам мисли дека и тој е наместен.

Запрашана за мислење што се случило со телото на Данка Илиќ и дали знае која локација би можела да биде тајна за нејзиниот син Дејан, Светлана налутено дала страшен одговор.

- Тоа мало девојче Данка е живо. Мајка и е виновна што детето исчезнало. Го продаде и знае каде е - бесрамно рекла мајката на Дејан Драгијевиќ, за Република.рс.

Мицотакис: Без почитување на Договорот од Преспа, патот кон Европа ќе остане затворен

Патот до Европа ќе остане затворен, а меморандумите нема да се ратификуваат во Парламентот, доколку од другата страна нема целосно почитување на Договорот од Преспа, порача денеска грчкиот премиер Кирјакос Мицотакис, јави дописничката на МИА од Атина.

Говорејќи пред граѓаните во грчкиот град Верија во северниот дел на Грција, Мицотакис се осврна и на односите со нашата земја, повторувајќи го ставот на Нова демократија за Договорот од Преспа и уште еднаш посочувајќи дека усогласувањето е неопходен услов како за европската перспектива, така и за ратификација на меморандумите за соработка.

- Би сакал од овде, од срцето на Македонија да сум целосно јасен. Нова демократија не го гласаше Договорот од Преспа и изразивме сериозни приговори кога се ратификуваше во грчкиот Парламент. Но, рековме со апсолутна искреност, никогаш не ве измамив, дека штом се изгласа овој Договор, практично не може да се смени и ќе бидеме принудени, и покрај проблемите што ги има, да го почитуваме. И ова го сторивме. Ако некои веруваат дека може од нивна страна да не го почитуваат Договорот, да знаат две работи: прво нивниот пат кон Европа ќе остане затворен и второ, меморандумите што треба да ги ратификуваме, нема да се ратификуваат, сè додека нема апсолутното усогласување. Апсолутно усогласување од новата Влада согласно она што го предвидува Договорот, рече Мицотакис, пренесе МИА. 

Видео: Полуматуранти од Црна Гора го запалија училиштето

Полуматуранти од Основното училиште во Доња Горица, Црна Гора, наводно го запалиле училиштето за време на матурската прослава.

На страницата на Инстаграм „Подгорички времеплов“ објавено е видео од пожарот, каде што е наведено дека пожарот бил предизвикан од факел.

„Полуматурантите со факел го прославија крајот на школувањето, а потоа го запалија училиштето во Доња Горица“, се наведува.

Премиерот Фицо е во свесна состојба

Премиерот на Словачка, Роберт Фицо, по неколкучасовната операција поради здобиените повреди во вчерашниот атентат, е во свесна состојба, објавија локалните медиуми.

Но, медиумите не наведуваат детали за здравствената состојба на Фицо, кој вчера беше застрелан во градот Хандалова додека се поздравуваше со насобраниот народ.

Напаѓачот е познатиот словачки писател Јурај Цинтула, кој тврди дека пукал во Фицо бидејќи не се согласувал со политиката на Владата.

Словачкиот премиер се здоби со повреди во градите и стомакот и со хеликоптер беше пренесен во болница, каде му беше извршена операција.

Популарно