Според резултатите од пописот што денеска ги објави албанскиот институт за статистика ИНСТАТ, во оваа земја живеат 2.281 Македонец.

Во прегледот ја пишува припадноста за сите етнички заедници, освен за Македонците. Кај нив стои Северна Македонија.

Гледано одделно од вкупната бројка Македонци 1.136 се од машки, додека 1145 од женски пол.

Според резултатите од пописот, 7957 се попишани како Бугари. Првпат се случува на попис во Албанија да се попишат лица од оваа националност. Во сите досегашни 11 спроведени пописи ниту еден жител на Албанија не се изјаснил како Бугарин.

Од вкупно попишаните 2.402.113 жители, 2.186.917 се Албанци, 23.485 Грци, 12.375 Египќаните, 9.813 Роми, 2.963 Бошњаци, 2.459 Власи, 584 Србија, 511 Црногорци. Останатите се на друга етничка група или одбиле да се изјаснат.

По пожарот, пожарникарите пронашле три тела во семејна куќа во населбата Широкача во Сараево. Пожарот кај Широкача траеше со часови, а беше локализиран дури во доцните вечерни часови.

Локалните медиуми јавуваат дека пред пожарот се слушнале истрели, по што припадници на специјалната полиција ја опколиле куќата. Полицијата соопшти дека околу 21 часот и 10 минути имало и експлозија.

Еден час пред пожарот слушнавме врисоци и пукотници од правец на таа куќа. Не знам што точно се случи – изјави жител за порталот Црна-Хроника.

Широкача во еден момент остана без струја. -Истрагата се уште е во тек и се утврдуваат околностите на смртта – изјави за Аваз Азра Бавчиќ, портпарол на Обвинителството на КС.

Ги убил братот и снаата, ја запалил куќата, па се самоубил

Утрово три безживотни тела се пронајдени во опожарена семејна куќа на Широкача во Сараево.

Да потсетиме, синоќа околу 21 часот избувнал пожар во семејна куќа на улицата Жагриќи, а жителите на оваа населба пред пожарот слушнале истрели.

Како што неофицијално дознава Црна-Хроника, се работи за двојно убиство, палење куќа и самоубиство. Маж ги убил братот и снаата, ја запалил куќата, па се самоубил

Трагедијата се случила во куќата на семејството Чесир.

Албанскиот специјален апелациски суд денеска ја потврди двегодишната затворска казна на избран градоначалник од грчкото малцинство во земјата, што се очекува дополнително да ги влоши тензиите со соседна Грција.

Судот одби да ја поништи пресудата на судечкиот суд во март против Фреди Белери (51), кој беше затворен поради обвинение за купување гласови на минатогодишните општински избори. 

Белери, кој има двојно државјанство, освои место во Европскиот парламент, претставувајќи ја владејачката конзервативна партија Нова демократија, на изборите за ЕУ ​​претходно овој месец.

Тој на ланските локални избори, одржани на 14 мај,  беше реизбран за градоначалник на Химара, 240 километри јужно од главниот град Тирана. Два дена пред изборите, тој беше уапсен под обвинение дека понудил 40.000 албански леки (360 евра во тоа време) за да купи осум гласови. 

Белери никогаш не положи заклетва бидејќи беше уапсен, а подоцна осуден на две години затвор.

Ги отфрли обвиненијата, а Атина го опиша неговото притворање како политички мотивирано. Грција ја повика албанската влада да го запре судењето на Белери, велејќи дека случајот може негативно да влијае на кандидатурата на Албанија за пристапување во Европската унија. Албанија, земја кандидат, е во процес на преговори за полноправно членство.

Албанската влада рече дека не може да стори ништо додека случајот е на суд.

На судската сеанса присуствувала и грчката амбасадорка во Тирана, Константина Камици. Таа на излезот од Специјалниот апелациски суд против организиран криминал и корупција изјави дека е повредена презумпцијата на невиност.

-За жал, многу аспекти на овој случај отвораат прашања во однос на објективноста на процесот, како што се повредата на презумпцијата на невиност, продолжениот притвор, несразмерната казна, како и ускратувањето на правото на заклетва како градоначалник,  рекла амбасадорката.

Додала дека предности за Грција секогаш остануваат почитувањето на владеењето на правото, демократските процеси и заштитата на правата на малцинствата, кои се основните принципи на ЕУ.

– Господинот Белери и официјално е избран за пратеник во Европскиот парламент. Демократско барање е европратениците да имаат можност да се појават во работата на ЕП, почнувајќи од првата сесија во јули, посочила амбасадорката Камици.