Кривичниот суд ги одби приговорите: На таткото на Вања ќе му се суди за грабнување на ќерката

Советот за оценка на обвинителен акт со КООА 83/24 против обвинетите : В.М., Б.В. и В.К. обвинети за по две кривични дела Убиство од чл. 123 ст.2 т.1 и т.7 в.в. со чл. 22 од КЗ и чл. 123 ст. 2 т.1 и т.4 в.в со чл. 22 од КЗ како и две кривични дела – Грабнување од чл. 141 ст.2 в.в. со ст.1 и в.в. со чл. 22 и чл. 141 ст. 1 в.в. чл. 22 од КЗ, и обвинетиот А.Ѓ. обвинет за едно кривично дело Грабнување чл. 141 ст.2 в.в. ст.1 в.в. чл. 24 од КЗ, а поврзано со двојното убиство на малолетната В.Ѓ. и велешанецот П.Ж. во ноември минатата година, соопшти Основниот кривичен суд Скопје.

„По разгледување и ценење на актот како и доставените приговори изјавени против обвинението од страна на одбраната на обвинетите, донесе решение со кое – Приговорите на одбраната се одбиваат како неосновани, а Обвинителниот акт се одобрува во целост.

Врз основа на одобрениот обвинителен акт, се формира кривично – правен предмет кој согласно АКМИС системот ќе биде распределен на понатамошно постапување, за што , ценејќи го јавниот интерес за случајот, јавноста ќе биде благовремено известена.

Во однос на повеќе новинарски прашања за постапката против прво осомничениот за двојното убиство – Љ.П., ја информираме јавноста дека постапката е сеуште во фаза на обвинителска истрага“, стои во соопштението на  Основниот кривичен суд Скопје .

25-годишник донесен починат во болница во Крива Паланка

25-годишник од Крива Паланка бил однесен починат во Итната помош во кривопаланечката болница.

- На 15.07.2024 во 11.54 часот во Полициската станица Крива Паланка, од Итна медицинска помош Крива Паланка било пријавено дека кај нив бил донесен починат Р.М.(25) од Крива Паланка. Според кажување на очевидци, околу 11.30 часот Р.М. бил забележан како стои на оџакот од напуштен објект на ул.„Единство“, од каде паднал, а по него паднала и бетонската конструкција на оџакот, по што веднаш повикале Итна медицинска помош. Лекар констатирал смрт, увид бил извршен од екипа од ОВР Крива Паланка, а по наредба на јавен обвинител телото на починатиот било предадено на семејството, стои во денешниот полициски билтен. 

Трагедија: Ја чистел пушката и случајно си го убил пријателот со кој бил на лов

Вчера полициски службеници од ОВР Македонски брод лишиле од слобода 3 лица, Т.Т.(63) од Македонски Брод, А.Т.(39) од Македонски Брод, Д.Д.(21) од с.Суводол, Македонски Брод и И.М.(29) од Кичево.

Тие се сомничат дека се инволвирани во кривично дело по член 123 од Кривичниот законик.

„Т.Т. пријавил во полициска станица дека околу 23.00 часот, во дворот од неговата куќа во с.Калуѓерец, општина Македонски Брод, при чистење на ловечка пушка, пушката испукала еден куршум кој го погодил Д.С.(31) од Кичево, со кого сите заедно биле на лов. Од здобиените повреди Д.С. починал на местото, а смрт констатирал лекар од Итна медицинска помош“ се вели во билтенот на МВР

 Увид на местото извршила увидна екипа на ОВР Македонски Брод, а по наредба на јавен обвинител телото на починатиот било предадено на обдукција, велат од МВР.

Млада девојка е пронајдена мртва

Млада девојка вчера вечер е пронајдена мртва на браната Градче во Кочани.

Безживотното тело на девојката го пронашил вработен на браната, кој пријавил дека е забелеќан безживотен труп и повикал полиција и Брза помош, кои само констатитрале смрт.

Родителите го препознале телото на девојката.

Пред неколку години на ова место исто така беше пронајден труп на девојка.

Популарно