Приведен маж од Свети Николе поради предизвикување пожар

Црна хроника

пред 6 месеци

Полициски службеници вчера уапсиле маж од Свети Николе поради предизвикување пожар во руинирана куќа.

-Полициски службеници од ОВР Свети Николе вчера го лишиле од слобода М.Ј.(31) од Свети Николе затоа што на 31.07.2024 околу 13:30 часот кај место викано „Крушки" во атар на Свети Николе предизвикал пожар во руинирана куќа, кој се проширил на сувата трева околу куќата, информираат од Министерството за внатрешни работи.

Како што посочуваат од Министерството, пожарот е локализиран од пожарникари од Територијалната противпожарна единица-Свети Николе и локалните жители.

Од МВР соопштуваат дека по насоки од ОЈО Свети Николе М.Ј. е задржан во ПСОН Свети Николе, а потоа со соодветна пријава е изведен пред судија на претходна постапка од Свети Николе, кој му определил мерки на претпазливост.

По кратко боледување почина новинарот Ѓорѓи Томиќ

Црна хроника

пред 5 дена

По кратко боледување денеска во Скопје во 42 година од животот почина новинарот Ѓорѓи Томиќ.

Долги години беше дел од редакцијата на Канал 5 од 2007 до 2018 година, каде работеше како уредник во информативната редакција. Во новинарската кариера следеше настани од надворешната политика.

Колегите ќе го паметат како добар новинар и голем другар.

Шок во мак-ракометот: Ненадејно почина Александар Јовиќ

Црна хроника

пред 3 недели

Македонскиот ракомет остана без голем работник, затоа што ненадејно во текот на ноќта почина тренерот Александар Јовиќ.

Јовиќ почина на 51-годишна возраст, а последно работеше како тренер на македонскиот суперлигаш Пролет. Низ тренерската кариера беше асистент на Лино Червар во Металург, а самостојно го водеше и Металург 2 и Еурофарм Пелистер со кого стана шампион на Македонија.

Како играч, Јовиќ беше дел од Металург, Вардар, Пелистер, Преспа, Борец од Македонија, како и Болоња од Италија, Сплит од Хрватска, Апатин од Србија, и Слобода Тузла од БиХ.

Пред продавница во Ѓорче Петров две жени се тепале

Црна хроника

пред 4 недели

На 06.01.2025 во 12 часот во СВР Скопје, било пријавено дека околу 11:40 часот пред продажен објект на подрачјето на Ѓорче Петров, по претходно меѓусебно нетрпение, бил нарушен јавниот ред и мир со физичка преметка помеѓу Џ.Р.(23) и Д.Н.(39), двете од Скопје.