Во август рекордна наплата на македонските патарини

Македонија

пред еден месец

Во август годинава на патарините наплатени се 7.804.840 евра што претставува рекордна месечна наплата. Споредено со истиот месец минатата година наплатени се 241.329 евра повеќе, информира директорот на Јавното претпријатие за државни патишта (ЈПДП) Коце Трајановски, кој денеска го посети Оперативниот центар во Петровец, соопшти прес-службата на ЈПДП.

Трајановски бил информиран дека продолжува трендот на зголемување на приходите по основ на наплата на патариниОперативниот центар во Петровец претставува мултифункционална целина преку која се мониторира работењето на сите наплатни станици и сите активности поврзани со наплатата на патарина.-За негово успешно функционирање потребно беше да се направи доекипирање во делот на контролата и во делот на електронската наплата затоа што имаше недостаток на кадар во таканаречениот Контролен центар кој 24/7 ја следи состојбата на наплатните станици во живо, преку лајв стрим, а во исто време се прави и контрола на работењето преку системот за видео надзор со прегледување на снимен видео материјал, информираат од ЈПДП.

Директорот Трајановски во VideoWall просторијата разговарал со вработените при што, како што стои во соопштението, побарал поголема професионалност и посветеност во работата.

- Исто така, можеше и лично да се увери како преку софистицирани софтверски програми се контролира и работењето на секој вработен оператор-инкасант вонаплатните кабини, како се следи сообраќајот на самите наплатни ленти, како се детектира секој проблем во и околу наплатните станици. Во WideoWall просторијата се надгледуваат и влезот, излезот и состојбата на тунелите кај Демир Капија-Смоквица, соошти ЈПДП.

Трајановски остварил средба и со одговорните на наплатните станици кои го запознале со секојдневните проблеми со кои се соочуваат и од кои, стои во соопштението, очекува, исто така максимална посветеност и професионалност во извршувањето на работата. Побарал и поголема ангажираност од страна на стручните служби и преземање на поактивни мерки за намалување на бројот на возила кои избегнуваат плаќање на патарина, како и процесирање на избегнувањето плаќање преку соодветно фактурирање и достава на фактури за ненаплатена патарина до корисниците на автопатски услуги кои не плаќаат патарина.

- Имено, од страна на контролорите во Контролниот центар евидентирани се над 500.000 возила кои поминале на наплатните станици без да извршат плаќање. За таа цел, во план е организирање и на контроли на отворен пат во соработка со Министерството за внатрешни работи и Инспекторатот за транспорт и сообраќај.

Од почеток на годинава, за периодот јануари-август годинава остварен е вкупен промет од наплата на патарина, надополнување, продажба на уреди и наплата од поминувања од Опен Балкан во висина од 45.079.748 евра.

Од почетокот на електронската наплата, пак, од 3 јули 2019 до 1. месецов продадени се 33.620 Мтаг уреди и 195.825 МСмарт картички, или вкупно 229.455 електронски уреди.

Маж ги оштетувал иконите на крстот во Драчево

Македонија

пред 17 часа

Денеска околу 03.30 часот во паркот „Бранители“ на подрачјето на Драчево во Скопје, полициски службеници од Полициската станица Драчево го лишиле од слобода 36-годишниот В.Г. од Скопје, извести МВР.

Тој бил затекнат како со остар предмет ги оштетувал иконите на долниот дел од крстот, поставен во паркот. Лицето било приведено во полициска станица и по целосно документирање на случајот ќе следува соодветна пријава.

Министерот Минчев, присуствуваше на Свечената Академија по повод 11 Октомври – Денот на востанието на македонскиот народ

Македонија

пред 20 часа

Министерот за јавна администрација, Горан Минчев, присуствуваше на Свечената Академија по повод 11 Октомври – Денот на востанието на македонскиот народ. На покана од Н. Е. Гордана Сиљановска Давкова, Претседателката на Република Северна Македонија, Министерот Минчев се вклучи во одбележувањето на овој значаен историски момент, кој го симболизира почетокот на борбата за слобода и независност на нашиот народ.

Министерот Минчев изрази посветеност на идеалите на овој ден и ја нагласи важноста на единството, напорната работа и иновациите за унапредување на нашата нација. Тој нагласи дека востанието на македонскиот народ и придобивките од антифашистичката борба, остануваат да бидат поттик за идните генерации.

„Нека биде инспирација за сите нас да продолжиме да работиме за демократско и праведно општество, во кое еднаквоста и достоинството се основни вредности“, истакна Минчев.

Со ова, Министерството за јавна администрација ја потврдува својата посветеност за зачувување на наследството од востанието и за создавање на просперитетна и економски силна Република Македонија за идните генерации.

Се намалува бројот на починати доенчиња во Македонија

Македонија

пред 22 часа

Според податоците на Државниот завод за статистика, бројот на починати доенчиња во државава од 2014 година е намален.

Во 2014 година бројот на починати доенчиња бил 233, а во 2016 година починале најмногу доенчиња, односно 273. Бројот на починати доенчиња во 2023 година е намален на 30 починати, 17 машки и 13 женски доенчиња.

Исто така и бројот на новороденчиња во 2023 година е намален за 7,4 отсто, во споредба со претходната 2022 година.

Како што информираат од ДЗС, во текот на изминатата 2023 година се родиле 14 деца од мајки на возраст помала од 15 години. Просечната возраст на мајката при вкупниот број раѓања е 29,6 години, а кај прворотките 28,1 година.