Во Белград денеска „Парада на гордоста“ со слоганот „Гордоста е народот“

Балкан

пред 4 месеци

Манифестацијата „Белград Прајд“ која годинава се одржува под слоганот ќе се одржи денеска во Белград, а собирот пред традиционалната Парада на гордоста започна во 16 часот и ќе се одвиваше низ централните градски улици околу Владата и Собранието на Србија, јави дописникот на МИА од Белград.

-Влезот на Прајд е отворен за сите граѓани, нема однапред утврден список на учесници, изјавија организаторите.

По прошетката, предвидени се и традиционални концерти во паркот Мањеж, меѓу кои ќе настапат Бојана Вунтуришевиќ, Рајвен, Ива Лоренс, Зои, Зорја, Кат Доса и Тијана Богиќевиќ.

Кума на овогодишниот Прајд е пејачката Зејна Муркиќ, додека Суннока е кралица на гордоста.

Организаторите апелираа до учесниците да избегнуваат конфликти со припадниците на безбедносните служби и потенцијалните контрадемонстранти, како и да не ги истакнуваат ЛГБТИ+ симболите при пристигнувањето на настанот, туку да ги истакнат дури по пристигнувањето во паркот.

Организаторот на овогодишниот Прајд, Горан Милетиќ, по повод денешната Парада на гордоста вели дека прошетката е симболична, по што треба конкретно да се решат барањата на ЛГБТ заедницата.

-Луѓето ги разбираат сите други работи. Затоа ние инсистираме да се донесе Законот за истополови заедници, бидејќи граѓаните одамна разбраа дека во тој поглед треба да се воведе практика на наследување и за ЛГБТ членовите, да се регулира здравственото осигурување и посета на болници и се друго што не тишти, изјави Милетиќ.

Полицијата го окарактеризира Прајд како настан од висок ризик, но Милетиќ смета дека тој одамна не е толку ризичен.

-На нив е да проценат и да се занимаваат со тоа, но јас мислам дека по многу години тоа веќе не е небезбедна манифестација, истакна Милетиќ.

Наставничката од хрватското училиште оперирана - имала голем број убоди во пределот на градниот кош

Балкан

пред еден ден

Напад во основното училиште во загрепската населба Пречко, во кој загина едно дете, а неколку се повредени, како и наставничка, утринава извршил 19-годишник, кој бил уапсен 10 минути подоцна кога полицијата го спречила од самоубиство.

Како што рече министерката за здравство, Ирена Хрстиќ, наставничката има 50 години и, според нејзините информации, животот не ѝ е во животна опасност.

Докторот од болницата „Свети дух“ во интервју за ХРТ вели дека била примена со тешки физички повреди, односно со голем број убоди во пределот на градниот кош. По укажаната прва помош, била однесена на операција.

Таа беше оперирана по што нејзината состојба се стабилизира и лекарот очекува дека постоперативниот тек ќе биде добар.

„Во моментот таа е стабилизирана, но нејзиниот живот сè уште е во опасност“, додаде тој.

Открил и дека напаѓачот има неколку расеченици на телото, но е стабилен и животот не му е во опасност.

Мајката на напаѓачот oд училиштето во Загреб: Цела ноќ не спиевме од страв

Балкан

пред еден ден

Мајката на напаѓачот oд училиштето во Загреб рекла дека ноќта не спиеле од страв, а се обиделе да му помогнат на својот син.

„Го молев докторот да не го пушта надвор бидејќи не е способен да биде надвор. Тој е емоционално нестабилна личност, покрај тоа има и две дополнителни дијагнози. Докторот ладнокрвно го пушти да се грижиме за него“, изјави за „24 часа“ мајката на осомничениот за трагичниот напад.

Млад човек (19) денеска утрово упадна во училиштето и ги нападна децата и наставничката.

Едно дете почина, а седум, меѓу кои наставничка и шест ученици, се повредени.

Министерката за здравство на Хрватска даде нови детали за поврдените во училиштето

Балкан

пред еден ден

Министерката за здравство Ирена Хрстиќ во изјава за медиумите даде нови детали за повредените.

Повредени се 11-годишно момче и 7-годишно момче. 11-годишното момче е надвор од животна опасност. Тоа дете е полесно повредено, се работи за површни расеченици.

Второто дете на возраст од 7 години е надвор од животна опасност, но ќе му биде потребна градна дренажа. Поради повредите, има одредена количина крв во градите.

Во болницата „Свети дух“ се двајца возрасни. 50-годишната наставничка, по примарното лекување, е надвор од животна опасност, но ќе оди на одделот за интензивна нега.

Напаѓачот, 19-годишен маж, е надвор од животна опасност, но е на интензивна нега.

Третото дете, 15-годишно, е хируршки третирано во „Ребро“, каде што е донесено со хеликоптер и е надвор од животна опасност.