„Барањата од Александар Вучиќ да не се сфатат сериозно“, рече претседателката на Косово, Вјоса Османи.

Според Османи, претседатлеот на Србија не е вистински заинтересиран за враќање на Србите во институциите во Косово.

„Убедена сум дека кога Вучиќ зборува за враќање на Србите во полиција, во судството, во парламентот, тој всушност го користи тоа само како реторика за да го оттргне вниманието на демократскиот свет од она што навистина се случува, а што се негови залагања, залагања на неговата влада, на неговата армија во континуираната обука на паравоените сили кои имаат за цел само насилство“, рече Османи.

Вучиќ на крајот на минатата недела повика на реинтеграција на Србите во институциите во Косово, и бараше да се распишат нови локални избори во општините со српско мнозинство. Османи кажа дека е убедена дека тоа не се искрени барања на Вучиќ.

Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.

Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.

Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.

Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.

Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.

Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.

Белградската полиција денеска околу 16 часот добила пријава од основно училиште во Белград дека дете најверојатно паднало низ прозорец, објави Н1.

 Десетгодишното дете, како што дознава Н1, паднало од првиот кат на училиштето, од висина од пет метри.

На местото на настанот веднаш пристигнала брза помош и било пренесено во Ургентниот центар. Се утврдуваат и околностите под кои се случила оваа несреќа.