Во Франција осудени две жени за клевета бидејќи тврделе дека Брижит Макрон е транссексуалка

Свет

пред 3 месеци

Судот во Париз две жени прогласи за виновни за клевета две жени кои интернет го споделувале тврдењето дека сопругата на францускиот претседател Брижит Макрон е трансродова жена.

Двете жени се осудени на парична казна од по 500 евра, чие плаќање е условно. Исто така, им беше наложено да и платат отштета од вкупно 8.000 евра на Брижит Макрон и 5.000 евра на нејзиниот брат Жан-Мишел Троњо, кои беа тужители во судскиот процес, кој почна во јуни минатата година.

Ова не е победа, туку нормална примена на законот, изјави адвокатот на Брижит, Жан Еноки.

За време на судското рочиште во јуни, адвокатот ја истакна „огромната“ штета предизвикана од оваа кампања со дезинформации, што стана позната низ светот. Тој додаде дека судски постапки се водат и во Франција и во странство.

Случајот се заснова на лажни вести што се појавуваа на социјалните мрежи по изборот на Емануел Макрон за претседател во 2017 година, во која се тврдеше дека Брижит Макрон (роденото Троњо) никогаш не постоела и дека нејзиниот брат Жан-Мишел го презел тој идентитет, по го сменил полот.

Двете жени одиграа клучна улога во промовирањето на приказната во 2021 година споделувајќи на интернет „интервјуто“ на Наташа Реј објавено на „ЈуТјуб“.

ВИДЕО: Автомобили влетаа во луѓе на божиќен пазар во Германија

Свет

пред 16 часа

Грозоморен терористички напад се случи денеска на божиќниот пазар во Магдебург, Германија. Страшна сцена од автомобили кои со полна брзина удрија во група луѓе кружи на социјалните мрежи, пренесуваат медиумите.

Досега се пријавени 11 загинати и 60 повредени.

Според информациите од медиумите, возачот влегол во толпата и предизвикал паника.

Пазарот веднаш беше затворен, а организаторите ги поканија посетителите да го напуштат центарот на градот. Возачот набрзо бил уапсен, а полицијата трага по можни експлозивни материјали во тој дел од градот, пренесува Билд.

Министерот, претседателот на Саксонија-Анхалт, Рајнер Ерих Хаселоф (ЦДУ) е на пат кон местото на несреќата.

Трамп сака крај на војната во Украина и во Појасот Газа

Свет

пред една недела

Новоизбраниот претседател на САД, Доналд Трамп во интервју за „Тајм“ (Time) ја критикуваше Украина поради употребата на американски ракети со долг дострел врз територијата на Русија.

-Тоа што се случува е лудост. Тоа е лудо. Категорично не се согласувам со испраќање ракети стотици километри во Русија. Зошто го правиме ова? Ние само ја ескалираме војната и ја влошуваме. Ова не требаше да се дозволи – посочи Трамп во интервјуто објавено на денот кога беше прогласен за личност на годината од магазинот „Тајм“.

Трамп, запрашан дали ќе ја напушти Украина, истакна дека ќе ја искористи американската помош за Киев како алатка против Русија во преговорите за ставање крај на војната.

-Сакам да постигнам договор- наведе Трамп, додавајќи дека „единствениот начин на кој може да се постигне договор е да не се напушти (Украина)“.

За време на кампањата, Трамп неколку пати изјави дека доколку биде избран, во рок од 24 часа ќе постигне мировен договор помеѓу Русија и Украина. Подоцна призна дека е покомплицирано отколку што мислел.

Тој во интервјуто за „Тајм“ посочи и дека сака да стави крај на војната во Појасот Газа и оти тоа го знае и премиерот на Израел, Бенјамин Нетанјаху.

Трамп истакна дека за својот став го известил Нетанјаху во телефонски разговор за време на претседателската кампања. Но, на прашањето дали му верува на Нетанјаху, новоизбраниот американски претседател истакна дека „не верува никому“.

Кибер експерти на украинското МО ги хакирале серверите на руската Дума и Уставниот суд

Свет

пред една недела

Кибер експерти на Главната разузнавачка управа на Министерството за одбрана на Украина (ГУР) воспоставиле контрола врз веб-серверите на веб-страницата на руската Државна дума и Уставниот суд, пренесува Укринформ, повикувајќи се на извор од украинскиот разузнавачка служба.

-По повод официјалниот државен празник на Руската Федерација – Денот на Уставот, кој се одбележува денеска, кибер експерти на ГУР поставија транспарент на веб-страницата на Државната дума на Руската Федерација со порака „Русија не постои“, а веб-страницата на Уставниот суд на Руската Федерација беше блокирана и корисниците не можеа да пристапат до неа, пишува Укринформ.

Според изворот на украинската државна новинска агенција, кибер нападот врз овие руски веб-ресурси „целосно ја парализирал нивната работа и ги оневозможил серверите.

Популарно