Не им се оди во ЕУ па си бараат изговори со клеветење на Бугарија

Македонија

пред 6 часа

Во Република Северна Македонија немаат желба за европска интеграција и бараат изговор зошто тоа не може да се случи. Вака европратеникот од ЕПП/ГЕРБ Андреј Ковачев ги коментираше провокациите на РСМ кон Бугарија во последните денови за бугарскиот БНТ.

„Очигледно е дека актуелното раководство на Република Северна Македонија не сака да продолжи по патот на европската интеграција. Тие бараат изговор во својата јавност зошто тоа не може да се случи, а изговорот е, се разбира, со клеветење на Бугарија“, коментира тој.

Ковачев е дециден дека Бугарија не дала повод за вакви провокации:

„Напротив, ние се однесуваме крајно цивилизирано, европско, сакаме добрососедство.

Бугарија мора да го почитува европскиот дух и да очекува странските кандидати да ги исполнат своите обврски“, нагласи Ковачев на прашањето дали неговата земја треба да ја зајакне својата политика во однос на Северна Македонија.

„Не ни преостанува ништо друго освен да инсистираме на нивно спроведување и да побараме од нашите партнери, како и од САД, тоа повеќепати да го повторуваат пред Скопје“, рече европратеникот.

Се враќа летото: Какво време не очекува до крајот на септември

Македонија

пред 5 часа

Уште пред да заврши викендот сите ќе можат да ги почувствуваат повисоките температури кои можеби и недостигаа во последните десетина дена.

Последниот ден од работната недела ќе донесе малку дожд и температури на кои се навикнавме во изминатите денови. По нешто над 10 степени наутро, максималната температура ќе се искачи до 23 степени. Речи си идентично ќе биде времето и во сабота, додека од недела не очекува разведрување.

Веќе од понеделник се најавува сончево време. Нешто пониски температури, поради ведрото време ќе има наутро кога е можно да се спуштат и под 10 степени но дневните веќе ќе одат и над 25 степени.

Целата наредна недела ќе биде релативно сончева, од време на време ќе има и облаци но услови за дожд не се најавуваат. Кратка дестаблизиација е можна во четврток но без некој поголем интензитет.

Во текот на целата наредна недела ќе бележиме постепен пораст на температурите за следниот викенд да се доближиме до оние летни 30 степени кои се најавени како можна максимална температура.

Крводарителска акција во законодавниот дом: Проверете кој од пратениците е хуман

Македонија

пред 7 часа

Преку соработка на Институтот за трансфузиона медицина и Собранието денес во законодавниот дом се одржа крводарителска акција во која крв даруваа пратениците и собраниската служба.

Во текот на денешниот ден крв даруваше и претседателот на Собранието Африм Гаши, кој што истовремено ја поздрави оваа хумана и благородна акција со надеж дека ќе прерасне во традиција.

Преку оваа крводарителска акција Собранието ја покажа својата заложба и посветеност за унапредување на корпоративната општествена одговорност, стои во соопштението испратено до медиумите.

Од следните фотографии погледнете кои пратеници денеска дарувале крв.