Дали треба да чувствуваме љубов за да уживаме во сексот?

Љубов и секс

пред 11 часа

На ова прашање не постои точен или погрешен одговор. Сексот и љубовта можат да бидат две различни работи и тоа искуство се разликува од човек до човек. За да го решиме овој горчлив „проблем“ ви нудиме објаснувања и одговори на прашањето дали треба да чувствуваме љубов за да уживаме во сексот?

Длабоко во секој од нас е врежано мислењето дека сексот е најдобар кога имаме емоции кон партнерот, односно дека без тие емоции сексот е полош. Меѓутоа, тоа не се однесува на сѐ. Во сексот може да се ужива без чувство на љубов и длабоки емоции, а за некои луѓе сексот може да биде дури и извор на љубов и на емоционална поврзаност. Една од причините зошто луѓето мислат дека љубовта е неопходна за добар секс е бидејќи сексот може да биде интимно и ранливо искуство.

Чувството на љубов има емоционална корист

Ако сте вљубени во личноста со која имате секс, тоа е супер затоа што има многу придобивки, посебно емотивни. Кога двајца луѓе се вљубени, можеби ќе бидат поподготвени да се отворат и да ги споделат меѓусебните желби и граници, што може да го подобри сексуалното искуство за двајцата. Љубовта, исто така, дава чувство на сигурност и доверба, што е од особена важност за оние кои доживеале траума или непријатност од минатите сексуални искуства. Интимниот, промислен и несебичен чин на водење љубов може да роди силни емоции и чувства кои можат значајно да влијаат на умот, телото и душата на човекот. Тоа е многу повеќе од самиот физички чин. Се работи за правење простор во кој вашиот партнер може се чувствува исполнето. Ако вие и вашиот партнер сакате да се поврзете на повисоко ниво, физички и емотивно, постојат многу начини и секси играчки кои ќе ви овозможат да откривате нови начини за меѓусебно истражување на телата и за уживање.

Препуштете се на уживањето

Иако вљубеноста многу помага, таа не е секогаш потребна. За разлика од емотивниот секс со некој кој го сакате, „само“ сексот е исполнет со желба и со страст. Може да уживате во повремен секс без чувства или емоционална врска. Во секој случај, сексот е врзан со движења, време, емоции, привлечност и уште многу други работи. Не исполнува со возбуда, радост и уживање. Некои луѓе може да имаат исполнет и удобен сексуален живот без никакви обврски или потреба за создавање длабоки емоционални врски. Ова посебно важи за оние кои се задоволни со својата сексуалност и се способни да ги изразат своите граници и желби. Може да имате секс со кој сакате, не е нужно со некој кој го сакате. Не е срамота да ги исполнувате своите желби.

Заклучот е дека не постои еден одговор на прашањето дали треба да чувствуваме љубов за да уживаме во сексот. Некои луѓе можеби мислат дека треба да бидат вљубени за да уживаат во сексот, додека други сметаат дека љубовта и сексот се различни и дека можат да уживаат во сексот без разлика на се. На крајот, најважно е да се чувствувате пријатно, сигурно и да имате потполен пристап до партнерот. Без разлика дали чувствувате пеперутки во стомакот или „долу“, опуштете се и уживајте.

Десет Марфиеви закони за сексот

Љубов и секс

пред една недела

Секс – табу или не, најчесто нешто без кое не можеме. Како звучат Марфиевите закони врзани за сексот прочитајте подолу. И, ако не сте знаеле – Сексот е една од деветте причини за реинкарнација. Останатите не се важни!

1. Единствен лек за секс е уште повеќе секс.

2. Сексот е 50% она што сте го добиле и 50% она што луѓето мислат дека сте го добиле.

3. Невиноста може да се лекува.

4. Квалитетите со кои жената го привлекува мажот, се најчесто оние кои први исчезнуваат.

5. Сексот е наследен. Доколку вашите родители никогаш го немале големи се шансите и вам да ви биде исто.

6. Пред да го најдете принцот мора да бакнете многу жаби.

7. Сакај го блискиот, но не дозволувај да те фатат.

8. Љубовта е хемија, сексот – чиста физика

9. Секс е збор од 4 букви на кој му е потребен збор од 5 букви за да добие целосно значење.

10. Никогаш немој да имаш секс со жена која е уморна или одморена.

11. Жената никогаш не го заборава мажот кој можела да го добие, а мажот жената која не можел да ја има.

12. Не е важна должината на диригентската палка туку магијата во неа.

13. Убавината се вовлекува под кожа, грдотијата оди до коски.

14. Мажот е само маж, а добриот велосипед е возило.

15. 9 од 10 забари препорачуваат орален секс.

16. Религиозноста не е превентива за сексот. Таа е превентива за уживање во него.

17. Харфата е гол клавир.

18. Две купатила во домот штетат на соработката.

19. Двајца се друштво, тројца – оргија.

20. Прво брачно правило – ако си во право брзо извини се.

21. Барај прошка денес – утре можеби нема да се чувствуваш виновен.

22. Многу нешта се подобри од сексот. Многу се полоши. Но, не постои ништо како сексот.

23. Мажот е среќен со која било жена се додека не ја засака.

24. Сексот е една од деветте причини за реинкарнација. Останатите не се важни!

Заминете на време, не задржувајте никого: Сѐ доаѓа кога треба да дојде

Љубов и секс

пред еден месец

Заминете на време. Заминете и од својата куќа, дури и ако никој не ве чека. Заминете од забава, од пропаднати врски и од лоши навики. Заминете од мрачните мисли, болните спомени, негативните луѓе или од луѓето покрај вас.

Заминете на време. Не оставајте рани на телото на вашиот живот, не ја заразувајте вашата душа со вирусот наречен „грижа на совест“, кој со неверојатен ентузијазам ве отфрла од сопствениот живот и од самите себе.

Заминете на време, не го гребете цртежот на кревкото платно на вашата судбина. И немојте да газите по туѓа кожа.

Повеќе ценете го сопствениот живот. Заминете на време ако некој го стави својот живот над вашиот, сфатете дека вие, пред сѐ, сте одговорни за својот живот, а дури отпосле за нечиј друг живот. Никој не дошол на овој свет како жртва. Животот од човекот не бара да жртвува големи работи. Не е тешко човек да се изгуби себеси, не е тешко да се претвори во нешто друго, да живее нечиј туѓ живот, да живее во некој друг свет, во некоја поинаква реалност.

Да се пронајдеш себеси – е тоа е тешко. Со залудно жртвување на самите себе, ние не си додаваме сила, туку сами си ја одземаме сопствената животна сила. Научете се навреме да заминувате од различни животни околности и ситуации. Секогаш ќе можете да го препознавате тој момент: верувајте си на себеси, на својата интуиција, не се лажете себеси и не ги лажете другите.

Нема лоши луѓе без оглед на потребата да зборуваме за тоа. Постојат луѓе кои се разликуваат од нас. И нема друга одговорност освен лична.

Сѐ што се случува во нашиот живот се случува со наша дозвола. Ние сме дозволиле нашиот живот да биде онаков каков што е. Ние сме дозволиле сивилото да доминира во нашиот живот, ние сме дозволиле на стравот да се всели во нашата душа, ние сме дозволиле да станеме туѓинци во сопствениот живот.

Погледнете околу себе, затоа што можеби дошло време за заминување. Тешко е човек да си замине, но едноставно е неопходно да си заминеш во вистинското време. Заминете на време од опсесивни илузии и наметната стравови, но и натаму настојувајте да сонувате, да се обидувате. Не се плашете да грешите, затоа што тоа значи дека сте се обиделе. Не се плашете од реакцијата на другите луѓе, затоа што вие не можете да предвидите сѐ, а дури и ако можете, тогаш стравот е бесмислен. Но, имате шанса навреме да заминете. Да, така е, да заминете и да продолжите понатаму.

Ние знаеме кога ни недостасува нешто што сакаме да го имаме, кога нешто не ни е дадено, а сме го очекувале. Но, никогаш не размислуваме за тоа.

Вистината е едноставна: Сѐ доаѓа во свое време, дури и чудата. Затоа заминете навреме, не задржувајте никого.