Поради сообраќајка на две товарни возила, во прекин сообраќајот на магистралата Куманово - Крива Паланка

Македонија

пред една недела

Поради судир на две товарни возила на патниот правец Куманово - Крива Паланка, кај населеното место Стамболов, во целосен прекин е сообраќајот на магистралата А2.

Од Министерството за внатрешни работи, Сектор за внатрешни работи Куманово потврдија дека поради сообраќајка што настанала нешто по десет часот утрово сообраќајот во двата правци е во прекин.

Портпаролката на СВР Куманово, Ивана Младеновска, рече дека екипите на МВР се на терен и вршат увид на лице место, засега нема детални информации, освен потврда дека станува збор за товарни возила со приклучни приколки.

Од терен известуваме дека патничките моторни возила се пренасочуваат кај село Т'лминци кај Пролетерски гаражи по локалниот пат низ село Конопница што ги води кон клучка на патот со магистралниот пат А2, додека товарните возила се уште чекаат во колона.

Маж ги оштетувал иконите на крстот во Драчево

Македонија

пред 16 часа

Денеска околу 03.30 часот во паркот „Бранители“ на подрачјето на Драчево во Скопје, полициски службеници од Полициската станица Драчево го лишиле од слобода 36-годишниот В.Г. од Скопје, извести МВР.

Тој бил затекнат како со остар предмет ги оштетувал иконите на долниот дел од крстот, поставен во паркот. Лицето било приведено во полициска станица и по целосно документирање на случајот ќе следува соодветна пријава.

Министерот Минчев, присуствуваше на Свечената Академија по повод 11 Октомври – Денот на востанието на македонскиот народ

Македонија

пред 18 часа

Министерот за јавна администрација, Горан Минчев, присуствуваше на Свечената Академија по повод 11 Октомври – Денот на востанието на македонскиот народ. На покана од Н. Е. Гордана Сиљановска Давкова, Претседателката на Република Северна Македонија, Министерот Минчев се вклучи во одбележувањето на овој значаен историски момент, кој го симболизира почетокот на борбата за слобода и независност на нашиот народ.

Министерот Минчев изрази посветеност на идеалите на овој ден и ја нагласи важноста на единството, напорната работа и иновациите за унапредување на нашата нација. Тој нагласи дека востанието на македонскиот народ и придобивките од антифашистичката борба, остануваат да бидат поттик за идните генерации.

„Нека биде инспирација за сите нас да продолжиме да работиме за демократско и праведно општество, во кое еднаквоста и достоинството се основни вредности“, истакна Минчев.

Со ова, Министерството за јавна администрација ја потврдува својата посветеност за зачувување на наследството од востанието и за создавање на просперитетна и економски силна Република Македонија за идните генерации.

Се намалува бројот на починати доенчиња во Македонија

Македонија

пред 20 часа

Според податоците на Државниот завод за статистика, бројот на починати доенчиња во државава од 2014 година е намален.

Во 2014 година бројот на починати доенчиња бил 233, а во 2016 година починале најмногу доенчиња, односно 273. Бројот на починати доенчиња во 2023 година е намален на 30 починати, 17 машки и 13 женски доенчиња.

Исто така и бројот на новороденчиња во 2023 година е намален за 7,4 отсто, во споредба со претходната 2022 година.

Како што информираат од ДЗС, во текот на изминатата 2023 година се родиле 14 деца од мајки на возраст помала од 15 години. Просечната возраст на мајката при вкупниот број раѓања е 29,6 години, а кај прворотките 28,1 година.