Селото Чивељ отсечено по поплавите, може да се стигне само пеш или со чамец

Балкан

пред 4 часа

Село во Босна уште е отсечено по поплавите и до него се стигнува само со чамец или пеш низ шумата. Но, преку шумата има пет часа одење пеш.

Селото Чивељ кај Јабланица е целосно отсечено од остатокот на Босна и Херцеговина(БиХ) по катастрофалните поплави што ја зафатија земјата. Поминаа седум дена од поплавата, но селото е отсечено.

Чивељ е мало место на Јабланичкото езеро кое нема голем број жители, а бидејќи трагедијата се случи поради врнежите минатата недела, тие немаат можност да стигнат до градот со приватни возила, пишува Кликс.

Во поплавите загинаа најмалку 23 луѓе. Некои семејства изгубија повеќе членови. Поплави имаше во неколку босански општини. Обвинителството отвори истрага да се утврди дали блискиот каменолом довел до катастрофални последици.

Фудбалски тим од третата грчка лига останал без опремата додека со траект патувал од Крит за Атина

Балкан

пред 5 дена

Членовите на фудбалскиот клуб Ретимниакос од грчкиот остров Крит, останале без нивната опрема, што ги вклучува и дресовите, додека со траект патувале кон Атина за одигрување натпревар од третата фудбалска лига на Грција, а торбите, како што објавија од тимот на Фејсбук, им ги украле патници од Романија, јави дописничката на МИА од Атина.

Опремата била украдена од специјалниот простор за багаж во траектот што сообраќал од градот Ираклио кон атинското пристаниште Пиреас, а Романците, како што објаснија од ФК Ретимниакос, „преправајќи се дека се членови на тимот, ги зеле торбите, ги натовариле во комбето со кое патувале и исчезнале во непознат правец“.

Фудбалерите натпреварот го одиграле со позајмени дресови од домашниот тим од Атина, а кусо пред завршувањето на дуелот, биле информирани дека опремата била пронајдена.