Пилотите на Формула 1: Време е да бидеме третирани како возрасни

Возачите на Формула 1 бараат Меѓународната автомобилска федерација (ФИА) да ги третира како возрасни, откако неколку возачи беа казнети за вулгарности во последните недели, пишуваат германски медиуми.

 Тие го советуваа и претседателот на организацијата, Мохамед Бен Сулејем, да внимава со сопствениот јазик.

Меѓу казнетите е и светскиот шампион Макс Верстапен, кој на прес-конференција во Сингапур со непристоен збор ја опиша состојбата на својот автомобил. Бен Сулејем во интервју за „Аутоспорт“ пред несреќата изјави дека возачите имаат голема одговорност пред луѓето. Тој побара од нив да престанат да пцујат на тимското радио и да престанат да се однесуваат како рапери.

Седумкратниот светски шампион Луис Хамилтон од Мерцедес го повика Верстапен да не ја плаќа казната и рече дека има „нијанса на расизам“ во зборовите на Бен Сулејем. Синдикатот на Гран-при возачите (ГДПА), чиј директор е вториот пилот на Мерцедес, Џорџ Расел, сè уште размислува како да постапи, но ја искористи својата платформа за да го критикува претседателот на ФИА.

-Постои голема разлика помеѓу пцовките наменети да навредат некого и пообичните што луѓето често ги користат во лоши временски услови или за неживи предмети како што се нашите автомобили. Тие се користат и во одредени ситуации при натпревар“, пишува во отвореното писмо на ГДПА.

Оттаму го повикаа претседателот на ФИА да размисли за сопствениот тон и јазик кога зборува за возачите на Формула 1 во јавна средина.

-Членовите на нашата организација се заштитно лице на најпопуларниот автомобилски спорт. Тие се гладијатори и на секој тркачки викенд приредуваат одлично шоу за поддржувачите. Последно, но не и најмалку важно, членовите на нашата организација се возрасни. Не треба да добиваат инструкции од медиумите за нештата кои се толку тривијални како накитот или долната облека што можат да ја носат, се додаба.

Токму Хамилтон има стара караница со Бен Сулејем, откако пред Големата награда на Британија во 2022 година, натпреварувачот беше принуден да отстрани пирсинг пред да влезе во пилотската кабина на болидот на Мерцедес. Тој го повика Верстапен да не ја плаќа казната, а од ГПДА објаснија зошто.

-ГДПА постојано се спротивставува на парични казни. Тие не се соодветни за нашиот спорт. Во последните три години, постојано баравме од претседателот на ФИА да сподели детали за стратегијата на централата со казни. Што се случува со овие пари и каде се трошат тие? Паричните казни му штетат на имиџот на нашиот спорт. Уште еднаш го повикуваме претседателот на ФИА на транспарентност и директен дијалог со нас, додаваат од организацијата.

Македонија вечерва против Казахстан — борба за врвот во групата и чекор поблиску до Мундијалот 2026

Атмосферата во Скопје е наелектризирана. Вечерва на Националната арена „Тоше Проески“, фудбалската репрезентација на Македонија ќе се соочи со Казахстан во натпревар од огромно значење за квалификациите за Светското првенство 2026. Со почеток во 20:45 часот, оваа средба може да биде пресвртница во борбата за директен пласман на Мундијалот.

Македонија моментално се наоѓа на првото место во својата квалификациска група со 12 бодови, еден повеќе од Белгија и два повеќе од Велс, кои имаат натпревар помалку. Победа вечерва би значела огромен чекор кон историски втор настап на светско првенство, по сензационалниот плеј-оф успех за ЕВРО 2020.

По херојскиот бод на гостувањето кај Белгија (0:0), селекторот и фудбалерите се решени да го капитализираат тој резултат со сигурен настап пред домашната публика. Се очекува Македонија да игра офанзивно од првата минута, но со внимателен пристап, бидејќи Казахстан е противник кој знае да изненади — особено преку контранапади и удари од дистанца.

Селекторот најави неколку промени во составот во однос на мечот во Брисел, со цел да се освежи тимот и да се добие повеќе брзина по крилата. Најголем дел од вниманието ќе биде насочено кон капитенот Елиф Елмас, кој и понатаму е движечка сила на тимот, но и кон искусните играчи како Бардхи и Алиоски, кои треба да ја донесат потребната стабилност и креативност.

Одбраната, предводена од Велковски и Муслиу, ќе има задача да ја задржи концентрацијата и да спречи непотребни грешки кои во вакви натпревари знаат да бидат клучни. Македонија има една од најдобрите дефанзиви во квалификациите — со само два примени гола до сега, што е голем показател за зрелоста на тимот.

Казахстан, од друга страна, иако е аутсајдер на хартија, доаѓа по убедлива победа од 4:0 над Лихтенштајн и сигурно нема да се предаде без борба. Тие се физички силен состав, кој ќе се обиде да го искористи секој момент на невнимание и да создаде шок во Скопје.

Македонските навивачи очекуваат фудбалска вечер исполнета со страст, борбеност и радост. Победа вечерва не само што ќе ја задржи Македонија на врвот на табелата, туку и ќе донесе уште поголема верба дека „црвено-жолтите“ можат да бидат дел од светската елита во 2026 година.

На теренот и на трибините — вечерва сите дишат како едно: Македонија оди по нова историска страница во својот фудбалски сон.

Златен медал за Ангела Мојсовска на Европската Универзијада во Варшава!

Македонската универзитетска карате репрезентација во финалните борби од последниот ден на Европската универзијада која се одржува во Варшава успеа да освои златен медал. Со тоа Македонија на ова елитно универзитетско европско натпреварување, освои вкупно три медали и оствари два високи пласмани на 5-то место.

Медалите ги освоија Ангела Мојсовска златен медал, сребрен медал  Љупче Михаилов и еден бронзен медал Викторија Јовановска. Петар Заборски (-75кг)  и Јована Мицовска (-61кг), се високо пласирани на петто место.

Ангела Мојсовска – Златен медал

Ангела Мојсовска  успеа во финалната борба да ја победи противничката од Косово Мустафа Бехије  со резултат 4-3 и го освои златниот медал во категоријата -68 кг. Ангела Мојсовска настапи за универзитетот (Св, Кирил и Методиј, таа е член на К.К Макпетрол – Скопје.

Љупче Михаилов вториот финалист не успеа да победи во борбата за златен медал и тој го освои сребрениот медал во категоријата -75 кг.

Медалистите ги имаа следните настапи:

-68 кг

Ангела Мојсовска – Нина Лукенда (Хрватска) 8-4

Ангела Мојсовска – Амина Фејзиќ ( БиХ) 4-3

Ангела Мојсовска – Влере Керими (Косово) 3-1

Финале

Ангела Мојсовска – Мустафа Бехије (Косово) 4-3 златен медал

Љупче Михаилов, сребрен медал

-61 кг

Викторија Јовановска – Талија Блејк (Велика Британија) 2-2

Викторија Јовановска – Михаела Малаута (Романија) 2-3

Репасаж

Викторија Јовановска – Матилде Саке (Франција) 7-1

За бронза

Викторија Јовановска – Лејла Топаловиќ (Австрија) 3-0 бронзен медал

-75 кг

Љупче Михајлов – Аднан Карача (БиХ) 7-1

Љупче Михајлов – Кара Абдулјадир (Турција) 1-0

Љупче Михајлов – Дмитро Федотов (Украина) 4-0

Љупче Михајлов – Нико Шпарер (Швајцарија) 4-0

Финале

Љупче Михајлов – Омер Фарук (Турција) 0-10 сребрен медал

Љупче Михаилов, сребрен медал

(ВИДЕО) Борба помеѓу руски командос и американски специјалец

Хит на социјалните мрежи, со над 1,4 милиони прегледи стана бокс мечот помеѓу борец од руската специјална единица „Алфа“ и маринец од американската војска.

Дмитриј Степанов бил немилосрден против офицерот во маринците Денис Лејн, кој пред борбата бил преставен со прекарот „Ураган“.

За помалку од две минути Степанов успеа да ја добие борбата против американскиот маринец.

Популарно