Историската комисија: Дискусии за учебници и заеднички чествувања на средбата во Софија

Македонија

пред 4 месеци

На 13 и 14 декември во Софија се одржаа средби на Историската комисија меѓу Македонија и Бугарија, пренесува МИА. Главните теми на разговорите биле евентуални заеднички чествувања и препораки за македонските учебници за седмо одделение.

Според соопштението од македонскиот тим, средбата се одвивала во конструктивна работна атмосфера, при што била водена интензивна расправа за прашања поврзани со работата на Историската комисија.

„Во текот на состанокот беа отворени теми за можноста за заеднички чествувања, насоки за учебниците по историја за седмо одделение и дефинирање на работната динамика за првата половина од 2025 година,“ се наведува во соопштението од македонскиот тим на Комисијата, пренесува МИА.

За време на средбата, членовите на Историската комисија постигнале согласност за текстот на нацрт-записникот од 27. седница. Подетални информации за содржината на нацрт-записникот не се објавени.

Следната средба на историската комисија ќе се одржи во Скопје

Според договореното, следната средба на Историската комисија е планирана за крајот на февруари 2024 година во Скопје.

Мешовитата комисија за историски прашања: Новиот македонски тим ја одржа првата со колегите од Бугарија во Скопје

Предходни активности на историската комисија и нов состав на македонскиот тим

Првата средба на Историската комисија со новиот состав на македонскиот тим се одржа во октомври годинава. Копретседавачот на бугарскиот тим, Ангел Димитров, изјави дека средбата главно се фокусирала на протоколарни и технички прашања, запознавање на членовите од двата тима и дискусија за принципите на работа.

„На првиот состанок од новиот состав на Комисијата беа разгледани прашања од формален и технички карактер, беше спроведено запознавање на членовите од двете страни и се отвори дебата за методите и основните правила на идната работа,“ изјави копретседавачот на бугарскиот тим, Ангел Димитров.

Средбата која требаше да се одржи во Скопје на 18 и 19 септември 2023 година беше одложена на барање на македонската страна, додека претходната средба се одржа на 30 и 31 мај во Софија.

Во почетокот на септември 2023 година, Владата на Северна Македонија именуваше нови членови на Историската комисија и го назначи професорот Ванчо Ѓорѓиев за копретседател, кој и претходно беше дел од Комисијата.

Борба за македонските националните интереси: Владата го утврди новиот состав на Комисијата за историски прашања со Бугарија

Досегашни резултати на историската комисија

Историската комисија беше формирана како дел од Договорот за добрососедство меѓу Северна Македонија и Бугарија, потпишан на 1 август 2017 година. Комисијата има задача да усогласи историски факти и да препорача реформи во учебниците по историја.

До сега, Историската комисија постигна договор за заедничко чествување на пет историски личности:

Свети Кирил и Методиј

Свети Наум Охридски

Свети Климент Охридски

Цар Самуил

Исто така, Историската комисија усвоила и препораки за измена на учебниците по историја за шесто одделение во Македонија и петти клас во Бугарија.

Меѓутоа, ликот и делото на Гоце Делчев останува точка на несогласување меѓу двете страни, поради различни толкувања од страна на македонските и бугарските историчари. Исто така, отворени прашања постојат и во врска со одредени личности и настани од средниот век.

РКЕ одлучи: Нафтата и бензинот поскапуваат

Македонија

пред 4 месеци

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,46 % во однос на одлуката од 30.12.2024 година.

Малопродажната цена бензинот ЕУРОСУПЕР БС-95 се зголемува за 1,00 ден/лит. Малопродажните цени на бензинот ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се зголемуваат за 1,50 ден/лит. Малопродажната цена на Мазутот М-1 НС се намалува за 0,073 ден/кг и сега ќе 45,711 ден/кг. 

Од 9.1.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 78,00 (денари/литар)

Моторен бензин ЕУРОСУПЕР БС - 98 80,50 (денари/литар)

Дизел гориво ЕУРОДИЗЕЛ БС (Д-Е V) 72,50 (денари/литар)

Масло за горење Екстра лесно 1 (ЕЛ-1) 72,00 (денари/литар)

Мазут М-1 НС 45,711 (денари/килограм)

ДУИ со честитка за Божиќ, но и загриженост од недостигот на волја за соживот

Македонија

пред 4 месеци

Во духот на празничните денови, се воздржуваме од остра реторика, но не можеме да останеме неми пред агресијата на државата врз нашите колективни вредности. 

Длабоко сме загрижени и разочарани од упорната омраза, од недостатокот на волја за соживот, од упорните обиди да се потисне албанскиот јазик и да се девалвираат Албанците во овој наш заеднички дом. 

Оние што мислат дека ќе израснат рушејќи ги своите соседи, своите сограѓани, се во голема заблуда – никој не станал поголем со тоа што го омаловажувал другиот, напротив..  

Разочарани сме и од молкот на тие сограѓани што гледаат, а не реагираат. Ова не е прашање само за Албанците, ова е прашање за вредностите на оваа држава. 

Она што ние како Албанци го имаме за свето – нашиот јазик, нашето достоинство, нашето рамноправно учество во оваа земја – не може да биде постојана мета на агресија без последици по државата во целина. 

Во пресрет на Божиќните празници, на сите православни верници им посакуваме мир, хармонија и топлина во нивните домови. 

Вистинските вредности не се мерат со тоа колку ќе се намали другиот, туку со тоа колку можеме да растеме заедно, во почит и разбирање. 

Соживотот не е слабост, туку сила. Различностите не се пречка, туку богатство. 

На сите граѓани им посакуваме празници исполнети со добрина и надеж за подобро утре за сите нас.

ДУИ

Итната помош со зголемен број повици за сообраќајки и хронично болни лица

Македонија

пред 4 месеци

Во 2025 година, Скопје влегува со зголемен број сообраќајни несреќи и раст на повиците кон Итната медицинска помош. Како што попладнево изјавија за МИА од Итната медицинска помош во Скопје, најчесто повиците се за сообраќајни незгоди, како и хронично болни пациенти, чии јавувања се последица на временските промени и загадениот воздух во главниот град на државава.

Меѓу собраќајните незгоди има некои со потешки последици, па и со смртен исход.

Здравствени работници во изјава за МИА апелираат да не се вози под дејство на алкохол за време на претстојните празници,да се внимава при управување со возилата поради времето, особено во вечерните часови кога има услови за замрзнување на коловозот.

За претстојните божиќни празници, Итната помош ќе работи нон - стоп, а Единицата за домашна посета од седум до 21 часот.

- Известуваме дека Службата за ИМП со домашно лекување и итна стоматолошка помош при ЈЗУ Здравствен дом на Скопје, во текот на божиќните празници на 6 и 7 јануари, ќе работи со следново работно време - Службата за ИМП ќе работи 24 часа, а единицата за домашна посета ќе работи од седум до 21 часот, информираа од оваа јавна здравствена установа.

Ординациите за здравствена заштита во трета смена, недели и празници, ќе работат континуирано во двата дена и тоа во поликлиниките „Ѓорче Петров“, „Бит Пазар“, „Чаир“, „Шуто Оризари“, „Јане Сандански“, „Ченто“ и „Драчево“.

Популарно