Андријана Јаневска ќе ја претставува Македонија во проект за Гинисовата книга на рекорди

Андријана Јаневска е позната виолинистка и професорка по музика. Дека музиката и е во крвта покажала многупати, за нејзиниот талент воопшто и не треба да се зборува.

За музичкиот талент на Андријана Јаневска не треба да се зборува многу бидејќи таа тоа го потврдува со својот успеси, а овојпат македонската пејачка ќе ја претставува нашата држава во проект за Гинисовата книга. Јаневска се пофали на својот „Фејсбук“ профил  истакнувајќи дека единствен услов за учество бил во договорот да пишува дека ја претставува Република Македонија.

„Чест ми е да Ви соопштам дека ќе ја претставувам Македонија во проект за Гинисовата книга на рекорди! Станува збор за песна со најмногу пејачи на светот со наслов „One Human“ чиј автор е американскиот композитор и продуцент Graham Czach. Мој единствен услов за учество беше да пишува дека ја претставувам Република Македонија. Денес го потпишав договорот и следната седмица ќе ја снимам песната“, напиша пејачката.

Под објавата се нижеа честитки и пофалби на Андријана која може да биде горда за еден ваков успех.

„Гинисовата книга на рекорди“ е референцијална книга која се објавува секоја година, и ги содржи меѓународно познатите колекции на светски рекорди во кои се вклучуваат сите човечки достигнувања, како и екстремите на живиот свет. Книгата самата по себе држи светски рекорд, како најпродаваната книга со авторско право на сите времиња.

Со ревијалната вечер почна „Макфест“

Синоќа во Штип се одржа 35. издание на најреномираниот музички фестивал во нашата земја, „Макфест“.

Поради пандемијата на коронавирусот за првпат во неговата историја „Макфест“ се одржа на отворено, на градскиот плоштад „Слобода“.

На ревијалната вечер беше направена ретроспектива на песни и изведувачи кои го обележаа фестивалот изминативе 35 години.

Лидија Кочовска, Дарио, Ристо Самарџиев, Трајче Манев, Олгица Христова, „Интервали“ и други наши изведувачи во придружба на оркестарот „Биг Бенд“ и под диригентската палка на маестро Љупчо Мирковски ја потсетија публиката на најголемите и најслушани хитови кои биле изведени на „Макфест“, а се слушаат и денес.

Преку видео пораки публиката и организаторите ги поздравија и фронтменот на групата „Поп дизајн“ и Словенката Хелена Благне.

Организаторите на фестивалотму оддадоа почит и на Драган Вучиќ, кој пролетва ја изгуби битката со коронавирусот.

„Со тебе под еден чадор да се стиснам“ – 15 години од албумот „По тебе“ на Тоше Проески

Во 2005 година, Тоше Проески го издаде неговиот петти студиски албум. „По тебе“ е издаден низ целата територија на поранешна Југославија, на македонски и српски јазик („Pratim te“), и ќе остане запаметен како еден од најуспешните албуми не само на Тоше, туку генерално во рамките на Македонија.

Албумот брои 11 песни од кои речиси сите станаа хитови – истоимената „По тебе“, „Малечка“, „Громови на душа“, „Лошо ти стои“, „Полско цвеќе“… многу веројатно е дека се сеќаваме сите на стиховите, од збор до збор.

Над 170.000 копии од албумот се дистрибуирани низ Македонија, Србија, Црна Гора, Хрватска, Словенија и БиХ, правејќи го Тоше една од најголемите балкански ѕвезди.

Вечно ќе ни недостига неговиот глас и самиот Тоше како човек. За среќа, го имаме најголемото богатство кое ни го остави – неговите песни.

Да се потсетиме на „По тебе“ и уште неколку хитови од истоимениот албум:

извор: Курир.мк

Популарно