Кавадарчанецот Илија Николов, кој е на докторски студии по физика во САД, ја истражува примената на квантна физика во финансиски сектор. За овој 28 – годишен докторант денеска е објавена статија на универзитетската веб страница.

– Како дел од докторските студии по физика на Браун универзитетот, летово стажирам во голема инвестициона фирма во Бостон, Масачусетс. Со своите знаења од квантната физика вршам физибилити студија за примената на квантните компјутери во финансискиот сектор. Во мојот фокус е безбедонста на системите, поради тоа што во иднина, квантите компјутери ќе имаат моќ да ги пробијат постоечките енкрипциски заштити, како и подобрување на перформансите на постоечките алгоритми со вештачка интеленгија, базирана на квантни невронски мрежи, појаснува Николов за МИА.

Тој неодамна учествуваше на светски конгрес за квантната физика во Соединетите Американски Држави.

– Презентирав во делот за млади научници и научници во рана кариера, појаснува Николов

Сопствениците на телефони „Ајфон“ (iPhone) во десетици земји низ светот се предупредени за потенцијални напади од шпионски софтвер.

Компанијата-производител „Епл“ (Apple) ги предупреди засегнатите корисници да не откриваат дополнително лични податоци, бидејќи тоа потенцијално може да им помогне на хакерите да избегнат откривање. Корпорацијата издаде предупредување до корисниците во 98 земји за потенцијалните закани. Се нагласува дека состојбата е сериозна и ги повикуваат корисниците да го имаат предвид ова предупредување. Не се дадени подробности за можните напади.

Ова е второ вакво предупредување годинава. Претходното беше објавено во април, за корисници во 92 земји.

„Епл“ тврди дека неговиот режим за заклучување може да го спречи шпионскиот софтвер, но може да влијае на нормалната функционалност на уредите.

На корисниците им се препорачува да внимаваат на знаците за можно присуство на шпионски софтвер, како што се бавна работа или непознати апликации на уредот.

За да се ублажи непосредното влијание, рестартирањето на уредот може привремено да го запре шпионскиот софтвер. Дополнително, на корисниците им се препорачува, ако го немаат најновиот потребен софтвер – рачно да ги преземаат и инсталираат надградбите.

Ако имате неактивна сметка што сакате да ја зачувате, сè уште имате време да го сторите тоа.

Google уште во мај објави дека ќе започне со бришење на сметките кои се неактивни две или повеќе години.

Пред ова, компанијата би ја бришела само содржината зачувана на сметката, а не самата сметка. Промената би требало да ја зајакне безбедноста, бидејќи неискористените сметки се подложни на компромитирање.

Google соопшти дека бришењето ќе започне во декември 2023 година, што е само еден месец од сега.

Ако имате неактивна сметка што сакате да ја зачувате, сè уште имате време да го сторите тоа. Технолошкиот гигант го започнува процесот во фази, почнувајќи со сметки кои се креирани и никогаш повеќе не се користат.

Одлуката за бришење се однесува само на личните сметки, но не ги вклучува сметките од организации како што се училишта и бизниси.