Како да се вработите во Виена?

Забава

на 10.2016

Доколку сте од оние кои својата иднина ја гледаат некаде во западните европски држави, овој текст со практични совети за работа во Виена може многу да ви помогне.

Weihnachtsmarkt Schšnbrunn in Wien, Nachtaufnahme vor historischem Hintergrund

Weihnachtsmarkt Schšnbrunn in Wien, Nachtaufnahme vor historischem Hintergrund

Што е потребно за работа во Виена?

За да работите во Виена потребно ви е повеќе од дозвола за престојување. Законот за вработување на странци (Ausländerbeschäftigungsgesetz - AuslBG) претставува основа за одобрување на пристапот на странската работна сила на австрискиот пазар на труд. Решенијата за барањата од таа област ги донесува Заводот за вработување (Arbeitsmarktservice - AMS).

Во Австрија имате законска обврска за социјално осигурување (Sozialversicherung-SV). Тоа значи дека ако работите, а вашите примања се над границиата на заработка до која не се плаќаат придонеси или таканаречени „Geringfügigkeitsgrenze“ (за 2014 395.31 евро месечно), тогаш имате автоматско здравствено и пензиско осигурување како и осигурување во случај на несреќа на работа. Приватните претприемачи и луѓето кои бараат работа имаат можност да се осигураат самостојно или да се осигураат преку член на семејството.

Постојат голем број советувалишта кои одговараат на вашите прашања во врска со вработувањето и законот, а ви помагаат и во случај на невработеност и во потрага по работа. На лицата со инвалидите им се олеснува професионалната интеграција. Оние кои сакаат да бидат самостојни може да добијат советување за основање на приватна компанија.

Критериуми за населување со квалификуваната работна сила

Црвено-бела-црвена карта (Rot-Weiss-Rot-Karte)

На почетокот на јули 2011 година на сила стапија новите правила за населување на странци со одредена квалификација. За таа цел се воведе нова дозвола за населување поточно црно-бела-црвена карта. Таа квалификуваните луѓе ги поврзува со одреден работодавец на период од најмалку три години, после што личноста може слободно да се пријави во Агенцијата за вработување.

Оваа карта се издава во четири различни случаи:

1. Посебно високо квалификувани

Луѓето кои ќе постигнат најмалку 70 до 100 бодови се сметаат за „посебно високо квалификувани“. Овие луѓе во прилог на сите докази за својата квалификација може да поднесат барање за издавање на виза D во надлежната австриска амбасада. Во случај на издавање на виза D личноста може да бара работа во Австрија најмногу во рок од 6 месеци.

Доколку посебно квалификуваната личност најде вработување соодветна на неговата квалификација, можно е издавање на црвено-бело-црвена-карта на година дена.

Членовите на семејството (брачните партнери и малолетните деца кои не се во брак) имаат право за дозвола за населување со слободен пристап до пазарот на трудот.

2. Останати работници

Луѓето кои ќе постигнат најмалку 50 до 75 бодови, можат да добијат Rot-Weiss-Rot карта како останатите работници. Условот е веќе да постои понуда за одредено работно место. Месечната бруто плата за личности под 30 години мора да изнесува најмалку 2.200 евра, а за личности постари од 30 години најмалку 2.664 евра. Барањето за издавање на ваков вид на карта може да биде одбиен доколку бирото за вработување веќе регистрира лица со исти квалификации.

Членовите на семејството (брачните партнери и малолетните деца кои не се во брак) имаат право на дозвола за населување со слободен пристап до пазарот на трудот доколку со барањето приложат потврда за познавање на германскиот јазик, ниво А1.

3. Лица кои ги имаат завршено студиите во Австрија

Студентите во Австрија можат пред истекувањето на нивната последна дозвола за престојување во Австрија можат да бараат продолжување на престојот на шест месеци со причина дека бараат работа. Студентите кои нашле вработување соодветно со нивното образование можат да добијат ваква карта доколку идната бруто месечна плата им изнесува најмалку 1.998 евра.

Членовите на семејството (брачните партнери и малолетните деца кои не се во брак) имаат право на дозвола за населување со слободен пристап до пазарот на трудот доколку со барањето приложат потврда за познавање на германскиот јазик, ниво А1.

4. Дефицитарен стручен кадар

По наредба на владата, годишно се издава листа на професии кои се дефицитарни во Австрија. Луѓето кои ќе постигнат најмалку 50 до 75 бодови можат да добијат Rot-Weiss-Rot карта како експерт во дефицитарната професија. Условот за тоа е понуда на работно место според струката со плата која одговара на колективниот договор, законот или обичајот на таа индустрија.

Членовите на семејството (брачните партнери и малолетните деца кои не се во брак) имаат право на дозвола за населување со слободен пристап до пазарот на трудот доколку со барањето приложат потврда за познавање на германскиот јазик, ниво А1.

Сина карта-ЕУ

Врз основа на законот на Европската Унија донесен на 01.07.2011 година се воведува дозвола за „Сина карта - ЕУ“. Оваа дозвола за престојување во Австрија може да ја добијат високообразовните лица (универзитетско образование во траење од најмалку три години). Условот е веќе да постои понуда за работно место кое одговара на степенот на образование, со месечна бруто плата од најмалку 3.800 евра.

Барањето за Сина карта-ЕУ може да биде одбиено доколку на бирото за вработување веќе се регистрирани лица со иста квалификација.

Членовите на семејството (брачните партнери и малолетните деца кои не се во брак) имаат право за дозвола за населување со слободен пристап до пазарот на трудот.

Постапка

Барањата за Rot-Weiss-Rot карта или Сина карта-ЕУ се поднесува во надлежната австриска амбасада. Доколку квалификуваната личност веќе легално се наоѓа во Австрија (врз основа на безвизен туристички престој или со правото за престој за студентите со завршени студии во Австрија) барањето може да се поднесе кај надлежниот орган во Австрија.

Барањето се поднесува лично со писмена потврда од идниот работодавец. Постапката трае најмногу осум недели.

Како растевме, што преживеавме и каде сме денес: 2Бона го објавија ‘94 - прв чаптер!

Забава

пред 3 дена

По неколку месеци интензивна работа, македонското дуо 2БОНА на стриминг платформите го пласираа “Chapter 1” - првиот дел од албумот со наслов ‘94 – проект кој дава старт на летото на 2025 година и внесува свежина во регионалната музичка сцена.

2Bona го претставуваат првиот чаптер од новиот албум ‘94 кој што раскажува моќна музичка приказна за генерацијата која остави трага.

Албумот „94“ е инспириран од годината на раѓање на Кун и Тони, и претставува интимен, но истовремено енергичен белег на генерациите што растат помеѓу дигиталниот свет. Секоја песна носи дел од нивното лично и музичко созревање, измешано со современи битови, улична естетика и емотивни текстови.

Во овој прв дел може да се слушнат и видат 6 песни и 6 видео записи за истите - “Еверест”, “Ради реда”, “Лето”, “Еурека”, “Сука” и “Мозаик”

Мнозинството од песните од овој чаптер се колаборации со македонски артисти вклучувајки ги Тајзи, Барбара Поповиќ и младите артисти на Горила ТВ - Шаро, Инсерта, Фико, Муфи и Вански.

Во продукцијата учествуваа продуцентите Лазар Цветковски, Иле Спасев, Марио Јелиќ - Кун и Филип Андреев кои овој албум го обележаа со уникатен и квалитетен звук. 

„Со ‘94’ сакавме да ја раскажеме нашата приказна – како растевме, од каде почнавме, што преживеавме, и каде се наоѓаме денес. Овој албум не е само за нас, туку за секоја генерација која се бори да остави белег,“ – велат Кун и Тони. 

Албумот е достапен на сите стриминг платформи, вклучувајќи Spotify, Apple Music, YouTube Music и Deezer

Со „94“, 2Бона сакаат да пренесат јасна порака дека музиката може да биде и вистинска уметност но, и глас на генерацијата. 

Уживајте во првиот Chapter 1:

„Наша песна" на Ѓургевденскиот Фестивал во Бања Лука

Забава

пред еден месец

Јана Стојановска е наш претставник на овогодинешниот интернационален Ѓурговденски Фестивал во Бања Лука кој оваа година го има своето 31 во издание. Дваесетина изведувачи од Црна Гора, Хрватска, Босна и Херцеговина, Бугарија, Србија, Литванија и Македонија донесуваат нови композиции за кои организаторот се надева дека ќе станат дел од секојдневието на генерацијата која расте и сака да расте заедно без никакви граници и препреки. Токму таква е и пораката која ја испраќа песната,, Наша Песна" која ја изведува нашата  единаесетгодишна Јана. 

Јана е ученик во V одделение при основното училиште Кузман Јосифовски - Питу во Скопје и од 2023 та е член е на хорот Златно Славејче. Автори на композицијата на Јана се Ристо Самарџиев и Давор Јордановски. 

Гласајте за „Наша песна" реден број 14 на нашата Јана ОВДЕ.

На чекор од историја: Cafe De Anatolia номинирани на Beatport Awards за “Hype Label of the Year”!

Забава

пред еден месец

Македонскиот музички бренд Cafe De Anatolia продолжува да освојува глобални признанија, а најновата потврда доаѓа од Beatport Awards 2025, каде што нивниот подбренд Cafe De Anatolia LAB е номиниран запрестижната титула „Hype Label of the Year“ (LINK: https://www.beatportal.com/articles/826178-hype-label-of-the-year-2025

Македонската електронска сцена на светската мапа

Оваа номинација е историски момент за македонскатаелектронска музика, бидејќи досега ниту еден македонски издавач или артист не бил номиниран на глобално ниво за ваква престижна награда. Со овој успех, Cafe De Anatoliaу ште еднаш докажува дека македонските уметници имаат што да понудат на светската музичка сцена.

Што значи номинацијата за Beatport Awards?

Beatport, како една од највлијателните дигитални платформи за електронска музика, преку своите годишни награди ги препознава најиновативните и највлијателни издавачки куќи. Категоријата „Hype Label of the Year“ е резервирана за лејбли кои покажуваат исклучителна креативност, оригиналност и глобално влијание. Доделувањето на наградите ќе се одржи наскоро, а македонската електронска заедница со нетрпение го очекува исходот. Без разлика на резултатите, ова признание е јасен доказ за успехот, посветеноста и визијата што ја носи Cafe De Anatolia.

“Оваа номинација за нас претставува голема чест и признание за целата работа, љубов и страст што ја вложуваме во музиката. Но пред сè, ова е признание за нашата земја – малечка по големина, но голема по душа. Горди сме што нашата визија и музика допрела до толку многу луѓе низ целиот свет. Оваа номинација не е само наша, туку и на сите млади уметници од овој регион кои сонуваат големи соништа.“ - велат од Cafe De Anatolia.

Глобален успех и соработка со луксузни брендови

Препознаени од Forbes, Entrepreneur и други светски реномирани медиуми, Cafe De Anatolia е основоположник на жанрот Organic House, поставувајќи нови стандарди во електронската музика.

Издавачката куќа не само што создава музика што го освојува светот, туку и соработува со некои од најпрестижните брендови, како што се Giorgio Armani и Four Seasons Hotels, докажувајќи дека нивниот звук е повеќе од тренд – тоа е начин на живот.

Наследство на креативност и страст

Зад оваа успешна приказна стои долгогодишна работа, иновативен пристап и страст за музика. Cafe De Anatolia, кој го обликува електронскиот звук со уникатна фузија на органски звуци, ориентални мелодии и модерни електронски ритмови, со години гради своја препознатливост.

Издавачката куќа, која денес е светски бренд, беше основана од Зоран Илиев (Billy Esteban), Моника Илиева, Никола Илиев (Nickarth/Rialians On Earth), кои заедно со своите уметници создаваат нешто безвременско.

Големо признание за македонската електронска сцена

Номинацијата за Beatport Awards 2025 не е само успех за Cafe De Anatolia, туку и големо признание за Македонија како дел од светската електронска музичка сцена. Овој успех е резултат на долгогодишната посветеност на тимот и артистите, кои со својот автентичен звук освојуваат слушатели од целиот свет.

Доделувањето на наградите ќе се одржи наскоро, а македонската електронска заедница со нетрпение го очекува исходот. Без разлика на резултатите, фамилијата Илиеви веќе го остави својот печат во музичката историја.

Популарно