Албанска платформа: Кога цела држава е заложник на 20% од населението

Политичката ситуација во Македонија веќе две години е неиздржлива. Без разлика дали сте симпатизер на една од двете опции или неутрални, нема дел во општеството што остана недопрен од кризата. Политичката битка меѓу ВМРО ДПМНЕ и СДСМ од институции се излеа и на улици, па се врати на гласачки кутии, за сега да биде заглавена во преговори за парламентарно мнозинство, чиј клуч го имаат албанските партии, посебно ДУИ. Токму фактот дека ДУИ и останатите во албанскиот политички блок, го имаат „џокерот“ за победа ги замолкна „стручњаците“, „експертите“, „куририте“ и „соросоидите“, па речиси никој не напиша ништо за Платформата на албанските партии во Македонија. Ултиматумот без кој тие решија да не подржат никого за „доброто на Македонија“. Барем така велат, иако ништо во „платформата“ не зборува за Македонија.

Во продожение ќе ги анализирам (за мене) најинтересните точки од ултиматумот, а вие целиот можете да го прочитате ТУКА.

1. Постигнување целосна рамноправност во согласност со Охридскиот Договор и Уставот

– Постигнување целосна јазична еднаквост, употребата на албанскиот јазик на сите нивоа на власта и гаранција за неговата примена како фундаментално и уставно право. Уставот на Република Македонија треба да утврди дека „македонскиот јазик и неговото кирилско писмо и албанскиот јазик со неговото писмо се официјални јазици во Република Македонија”.

Еве што вели Уставот, по промената во 2001 година и потпишувањето на Рамковниот договор:

На целата територија во Република Македонија и во нејзините меѓународни односи службен јазик е македонскиот јазик и неговото кирилско писмо.

Друг јазик што го зборуваат најмалку 20% од граѓаните, исто така, е службен јазик и неговото писмо, како што е определено со овој член.

Личните документи на граѓаните кои зборуваат службен јазик различен од македонскиот јазик, се издаваат на македонски јазик и неговото писмо, како и на тој јазик и неговото писмо во согласност со закон.

Кој било граѓанин кој живее во единиците на локалната самоуправа во која најмалку 20% од граѓаните зборуваат службен јазик различен од македонскиот јазик, во комуникацијата со подрачните единици на министерствата, може да употреби кој било од службените јазици и неговото писмо. Подрачните единици надлежни за тие единици на локална самоуправа одговараат на македонски јазик и неговото кирилско писмо, како и на службениот јазик и писмо што го употребува граѓанинот.

Секој граѓанин во комуникација со министерствата може да употребува еден од службените јазици и неговото писмо, а министерствата одговараат на македонски јазик и неговото кирилско писмо, како и на службениот јазик и писмото што го употребува граѓанинот.

Во органите на државната власт во Република Македонија службен јазик различен од македонскиот јазик, може да се користи во согласност со закон. Во единиците на локалната самоуправа јазикот и писмото што го користат најмалку 20% од граѓаните е службен јазик, покрај македонскиот јазик и неговото кирилско писмо. За употребата на јазиците и писмата на кои зборуваат помалку од 20% од граѓаните во единиците на локалната самоуправа, одлучуваат органите на единиците на локалната самоуправа

Значи не, во Берово, Струмица, Гевгелија.... и многу други општини каде Албанците се под 20% од вкупното население, Албанскиот јазик НЕ е службен!!!

– Сеопфатна дебата за знамето, химната и државниот грб на Република Македонија, со цел државните симболи да ја рефлектираат општествената мултиетничност и етничката рамноправност.

Дебата? Кога една македонска партија во својата предизборна кампања ќе вети дебата за знаме, химна и државен грб, слободно нека дебатира Без тоа, истата дебата би била измама кон гласачите кои ја донела на власт. Со други зборови, албанските политичари пред да бараат дебата од своите колеги од македонската страна, нека им дадат време за тие да го испитаат мислењето на Македонците. Бидејќи политички договор или дебата е неважна се додека народот не ја подржи. Во случај да сте заборавиле, политичарите се само гласот на народот, барем така треба да е.

– Усвојување на Резолуција во Собранието на Република Македонија со која се осудува геноцидот врз албанскиот народ во Македонија во периодот од 1912 до 1956 година.

Ова е веќе смешно. Како тоа Република Македонија да признае геноцид во период во кој не постоела, односно била (овој дел од територијата) под српска окупација? Дали ова значи дека Албанците бараат од нас како држава да потпишеме дека Србија вршела геноцид врз нив?!!! Ова е посебно интересно кога ќе се додаде дека во истиот ултиматум под точка 6 се додава:

6. Добри односи со соседите

– Вклучување на Албанците во работната група за директни преговори со Бугарија.

– Соработка со Косово и Албанија за интегрирано гранично управување.

– Отворање на нови гранични премини.

А Србија? Зарем Србија не ни е сосед? Или со нив не ни требаат добри односи пошо вршеле геноцид врз Албанците? Фините албански политичари ќе ни помогнат при градење добри односи со Бугарите, кои бараат менување на нашата историја, но не сакаат да се дружиме со Србија?!!!! Вака ли и мислите добро на Македонија или си терате своја кауза преку нашата држава?

Следи:

– Остварување правична застапеност во органите за безбедност, војската, разузнавањето и правдата.

Правична застапеност? Кој тоа одредува што значи таа фраза и зошто важи само за Албанците во Македонија? Што ако на пример 55% од населението ва Македонија се жени. Дали тоа значи дека 55% жени мора да се вработат во овие институции? Тоа правично е или?

– Целосно расчистување на прашањата и судските постапки како „Сопот”, „Бродец”, „Монструм” и „Куманово” преку една анкетна комисија или меѓународен независен орган.

И мислиш добро на државата, ама бараш меѓународен орган да и суди?!!

5. Решавање на спорот со името, во согласност со европските вредности и принципите на меѓународното право.

Принципите на меѓународното право ги знаеме, ги соопшти судот во Хаг кога донесе одлука дека Грција не смее да ја блокира Македонија да се зачлени во ЕУ и НАТО под привремената референца.

– Усвојување заедничка и обврзувачка резолуција во Собранието на Република Македонија со која Владата на Република Македонија е обврзува активно да се вклучи кон решавањето на спорот со името.

Активно? Дајте луѓе бидете прецизни, што значи тоа?

– Вклучување на Албанците во работната група за директни преговори со Грција.

Пошо нели погоре утврдивме дека многу се јаки у меѓународна политика, освен со Србија. За што тоа Албанци би преговарале со Грција? За името Македонија? Истите оние на кои химната, знамето и грбот на Македонија не им се по кеиф, сега уценуваат директно да преговараат со Грција?!!!!!

И се ова не би било толку смешно, ако во платформата имаше уште една точка, ПОПИС. Ако албанските партии при овој ултиматум побараа и попис, за нивната платформа ќе имаше и некаква реална тежина, но не побараа. Се повикуваат на „Правична застапеност“, на Устав во кој пишува 20%, ама попис не бараат?!!!! Како тоа? Колку изнесува таа „правична застапеност“? Колку ќе процените вие или пак некој меѓународен орган? И секако, сето тоа за доброто на Македонија!

25 години слушаме за соживот, интеграција, проспиритет... Па пола од албанските партии ги имаат тие зборови во името, но при првиот момент кога партиите од албанскиот блок можат да го одредат победникот и мандаторот, одиме на ултиматум!!! А проспиритет бе? Соживот? Ма јок, не е тоа битно. Никогаш и не било. Ако не беше јасно до сега, пред некој ден Села ни кажа. Истиот градоначалник на Струга, кој пред некоја година не закачи македонски знамиња на бандерите во градот за прослава за денот на независност во Македонија, сега зборува за формирање на паралелни институции доколку нешто не му е по воља. Човеков кој освои 35.000 гласови на изборите лани сега зборува за Албански Парламент во Македонија?!!!! Замислете да освоеше 100.000!!!

25 години сме држава и 25 години пред секои избори истата приказна. Македонските партии зборат за ЕУ и НАТО, а албанските за ЕУ, НАТО и правата на Албанците. Овој пат охрабрени од понудената двојазичност на СДСМ и речиси рамномерната поделба на мандатите кај македонските партии, решија да отидат и подалеку. Решија дека 20% од населението (овие 20% се претпоставка, бидејќи попис не сме имале доооолго) смее да го уценува остатокот и тоа со „Платформа за подобра Македонија“. Јас во ниту една од точките во платформата потпишана во Албанија не прочитав ништо за било кој друг етникум во Македонија! Зарем политичките партии од албанскиот блок под подобра, демократска, просперитетна Македонија подразбираат држава во која растат само нивните права? Замислете ако СДСМ или ВМРО излезат на следните избори со програма како албанската! Замислете ако една од двете големи македонски партии во својот фокус ги има само правата на Македонците, па дури ако тоа значи губење на некои права на Албанците! Што ли ќе прави тогаш Села? Ќе го испие езерото!!! Пошто за друго нема моќ, со 3 мандати институции не се градат. Колку ли тогаш ќе плачат албанските лидери по Европа и Америка? Што ли ќе се случи ако македонските партии направат платформа за повлкување на признавањето на Косово и замрзнување на односите со Албанија? Онака од мерак. Бап платформата на маса, па да видам тогаш колку ќе дебатира ДУИ. Или ќе го чуеме она познатото: Да не се врати 2001? До таму е капацитетот на просечниот албански политичар во Македонија. Токму тие изјави го одалечуваат Македонците од Албанците и обратно. Не дека нашиве се многу поарни, ама барем не се закануваат дека ќе се одметнат во планина со калаши да глумат комити. Толку сфатија. Ако уште сфатат дека на следните избори во македонскиот блок ќе победи партијата што ќе вети спроведување на регуларен попис, и победникот го исполни тоа, за многу ќе ги намалат проблемите со „правичната застапеност“ на „патриотиве“ што сакаат да мењаат химна, знаме, грб и име без да го прашаат народот за тоа.

Автор: Пацифист

Заев сака, но не може да и даде на Бугарија

„Јас сум Македонец кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи“, напиша вчера премиерот Заев и додаде: Јас работам на доближување на ставовите околу разликите, и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!

Не знам од каде да почнам.... Ајде од почетокот. Први Август 2017 година. Денот на потпишување на договорот и изјавата на Заев дека со овој договор Бугарија го „признала“ Македонскиот јазик. Ммммм...НЕ! Единствено место каде се спомнува македонскиот јазик е последниот пасос во кој се вели:
„Потпишан во два оригинални примероци, секој од нив на официјалните јазици на Договорните страни – македонски јазик, согласно Уставот на Република Македонија и бугарски јазик, согласно Уставот на Република Бугарија, при што и двата текста имаат еднаква важност. “
Значи, согласно уставот на Република Македонија, што значи дека јазикот целиот свој легитимитет го влече од уставот, кој е менлива категорија и постои едвај 30тина години. За разлика од уставот, македонскиот јазик е официјален јазик векови наназад. 
Токму догооворот за добрососедство и лагите што тогаш ги ширеше Заев, се јасен аргумент дека премиерот знаел што го очекува и дека и сега знае што следува. 

Следно, „Јас сум Македонец кој зборува македонски јазик, признат од целиот свет“. Јазик не се признава. Јазик  постои и се кодифицира(стандардизира). Тоа што оваа влада постојано повторува дека македонскиот јазик е признат во 1977 година во Атина е само уште лага, со која повторно им се дава оружје на бугарските тврдења дека станува збор за бугарски дијалект. Во 1977 година во Атина со резолуција е усвоена латиничната транскрипција на македонската кирилица. Толку! Не се работи за никакво признавање, затоа што такво нешто не постои! Како тоа некој да ви признае јазик? Кој е тој што го може тоа?

„Јас сум Македонец кој зборува македонски јазик, признат од целиот свет“, колку и гордо да звучи, нема никакво значење во спорот со Бугарија и Заев го знае тоа. Софија секојдневно повторува дека тие немаат проблем со тоа што ние денеска сме Македонци и зборуваме македонски јазик, туку со нашето минато. На Бугарија во моментов не и гајле дали сме ние Македонци, туку што тоа биле нашите предци. „Македонија и македонскиот народ се творба на Тито. Излажани Бугари, а македонскиот јазик е само дијакт на бугарскиот“. Тоа е ставот на Софија и во ништо не се оспорува со „гордата“ изјава на премиерот. 

„Етничката и идентитетска разлика не е единствената меѓу нас“. И со оваа реченица Бугарија нема никаков проблем. Како што реков и пред малку, Софија признава дека сега сме различни народи, со различен идентитет. Тие ја сакаат историјата. Тоа многу отворено го кажа нивниот министер, кога рече дека убаво што Заев прифаќа заедничка историја, само уште да признае дека е бугарска. 

„Јас работам на доближување на ставовите околу разликите“. За некој да работи на доближување на ставовите, прво треба да има став, а Заев го нема. Дури и кога личи дека го има, ЛАЖЕ! ЛАЖЕШЕ дека нема да се смени устав со цел да се смени уставното име! ЛАЖЕШЕ дека со „Преспанскиот договор“ е бетониран идентитетот, но ја изгубивме пола историја (историја +традиција +култура+јазик = идентитет). ЛАЖЕШЕ дека со договорот со Бугарија, Софија го „признала“ македонскиот јазик. ЛАЖЕШЕ дека не постои „Тиранска платформа“. ЛАЖЕШЕ дека сме добиле датум за прговори со ЕУ, барем 12 пати. ЛАЖЕШЕ дека има писмени гаранции за почеток на преговори со ЕУ. ЛАЖЕШЕ дека Бугарија во втората светска војна била само администратор во Македонија. ЛАЖЕ и сега! Заев нема став, затоа што тој не се обидува да го реши спорот со Бугарија за доброто на Македонија, туку за свое добро. Во ситуација кога земјава е задолжена над 60% од БДП (високозадолжена земја), по што му е јасно дека повеќе нема да може да се задолжува и многу скоро ќе остане без пари за плати и пензии, единствен спас му се европските фондови. Во ситуација кога Македонија е 7ма по смртност од Корона, а ситуацијата до прва ќе се влошува, Заев знае дека многу скоро (на пролет) ќе мора на избори. По сите порази, на сите полиња, Заев знае дека неговата политичка кариера завршува со тие избори. Но, не е тоа главниот проблем на премиерот. Она што него навистина го плаши е прогонот кој што му следува. При "All in“ има само две можни. Ги собираш сите чипови (успеси) од масата или губиш се, па дури и слободата. 

Заев во моментиве е давеник, налик Груевски пред неколку години. Разликаата е што Груевски бараше спас кај народот (кој го пљачкаше со години), а Заев очекува да му помогнат странци. Она што сеуште не го разбрал е дека, кога ќе ја изгуби довербата кај народот, странците нема да го есапат. Завршено е! Сега дури и да прифати дека до вчера сме биле Бугари, а јазикот ни е препишан од бугарски буквар од 1943 година, никако не може да му понуди гаранција на Борисов дека тој договор ќе биде почитуван од наша страна. При таков договор, диру ни почеток на преговори со ЕУ нема да му донесе победа на изборите, а тоа Софија го знае. Затоа, сега потписот на премиерот не вреди ништо во Бугарија. Од таму и изјавата на Каракачанов дека изјавите на Заев се празни зборови, му требаат дела. Делата Заев не може да ги понуди! Единствено што може да направи е дополнителна штета во односите со Бугарија со уше некој анекс договор, за кој нормално ќе ЛАЖЕ што подразбира. Ова не значи дека давеникот ќе престане да прета и да се бори за воздух и по цена на други жртви, но крајот е блиску, а СДСМ никако не може да го запре. 

По сите понижувања и неуспеси кои како народ ги доживеавме под оваа владејачка гарнитура, добрата вест е дека за неколку месеци ќе заминат во историјата (во онаа црната). Лошата вест, доколку драстично не се променат работите, е дека Мицковски ќе биде новиот премиер. Сегашниот лидер на ДПМНЕ кој не направи ама баш ништо, да го спречи Заев во своите антимакедонски политики, премиерската позиција ќе ја добие на тацна. Слично како што ја доби и претседателската функција во својата партија. ДПМНЕ под лидерство на Мицкоски не доби ниту едни избори, не оствари ниту една победа! Ако толку може како партиски лидер, колку (ич) ќе може како премиер?

Можеби малите партии (од кои се издвојува Левица) ќе можат да го искористат вакумот, но сеуште е рано да зборуваме за премиер кој не е челен на СДСМ или ДПМНЕ. 

Автор: Пацифист

(Фото) Му се слошило на работа, западнал во кома, а брзата помош го однела... ДОМА

На социјалните мрежи во Фејсбук групата "Стари Скопјани" се најде статус каде еден од членовите на истата група раскажа за случка која се случила во неговото семејство.

Имено, неговиот зет за време на работа му се слошило и се онесвестил. Неговите колеги повикале брза помош, но тие наместо веднаш да го хоспитализираат тие го транспортирале само до ДОМА.

"Состојба тогаш: не зборел, не бил при свест, не мрдал не бил контактибилен. Тој е на возраст од 40 години,а работи во близина на ГОБ "8ми Септември", ( па нели требало прво да го однесат на некакво снимање, преглед и сл, па така барем беше во наше време. Од како го донеле дома му ставиле инфузија и си заминале и ја повикале ќерками од работа. Сега мојот зет лежи во КОМА, не сум по таа струка за да знам што му е, но само лежи без никакви знаци. Денес дојдоа еднаш од брзата помош да му сменат инфузија и оставија некое кесе, па ќерками ми напиша на ливче што се треба да купам од аптека, изгледа ќе треба сами да го боцкаме. Понатаму ќе ве известам како ќе течат работите, но еве како се спремни оние од екипата на Филипче да помагаат на болните во време на пандемија."

"Мајко Македонијо" те ранија, те омаловажија, стана безимена

Ех, Македонијо мајко моја, Те ранија, те омаловажија, стана безимена. Станавме затворен логор. Потпишавме капитулација. Останавме затворена ковид држава. Секој ден гледаме луѓе без насмевка, луѓе со маски и тешки мисли “Како да издржиме и месецов?”. Во држава во која се шири вирусот со невидена брзина, каде секојдневно имаме над стотици заболени. Дури некои се спремаат за избори, народот се заразува.

ИЗБОРИ ЌЕ ИМА! Има ли пилот во авионот со име МАКЕДОНИЈА? Економијата ни тоне, здравството колабира, а сиромаштијата влегува во фаза на ЕПИДЕМИЈА.

Здравствените работници со последни сили се борат, десеткуваани, заразени и деградирани. Некои земаат картички, некои не но сите заедно и сложно се борат против невидливиот непријател. Без нивната храброст и пожртвувсност ќе бевме Вухан на Балканот. Со ваков галопирачки развој на вирусот, со ваква неспособна власт, ќе имаме долго, топло и пеколно лето и многу ладна есен и зима. Државата ќе банкротира со колабирано здравство, пандемија на сиромаштија и корона.

Ех.. МАКЕДОНИЈО.

М-р Боби Бојчевски

Популарно