Ула Шемоле е една од највлијателните и најпопуларните Инстаграм ѕвезди на Балканот, а оваа Словенка неодамна доби и прилично екстравагантна понуда.
Имено, Ула во иднина ќе присуствува можеби и во најразузданите и најлудите забави на светот кои ги организира познатиот „крал на Инстаграм“ - Дан Билзериан.
За соработката „виновник“ е Инстаграмот на кој оваа дама често го покажува своето вајано тело и секси лице и каде ја следат повеќе од 40 илјади луѓе.
„Дан и јас имаме неколку заеднички пријатели, ми испрати понуда. И тука сме каде што сме“, рекла оваа атрактивна црнка за „24сата.хр“, па додала дека нема услови за влез во оваа дружина, туку дека се е среќа.
„Кастинг не постои. Не можеш никаде да се пријавиш. Најважни се социјалните мрежи и контактите“.
Шемоле тврди дека не ја погодуваат и не ја интересираат негативните коментари и критиките на сметка на девојките кои се фотографираат и позираат со овој Американец.
„Луѓето би биле многу поубави и поуспешни да не размислуваат така негативно. Тоа се прекрасни девојки кои многу добро заработуваат. Повеќето не ја знаат вистинската слика за оваа работа, па се и сешто измислуваат“, вели таа.
