Министерството за образовани на Словенија донесе одлука градинките и училиштата, кои не работат поради епидемијата на коронавирусот да останат затворени и по 17 април.

Како што јави дописникот на МИА од Љубљана, ова за Телевизија Словенија го потврди портпаролот на Владата Јелко Кацин.

– Ако епидемијата исчезне во следните 14 денови тогаш ќе почнеме да размислуваме за постепено враќање во нормален живот, но градинките дефинитивно нема да бидат од оние објекти кои први ќе се отворат – изјави Кацин.

Училиштата и градинките беа првите установи кои во Словенија беа затворени по појавата на коронавирусот во земјата.