Едноставен ТЕСТ: Каква личност сте?

9 различни симболи и 9 различни типови на карактери. Кој е вашиот симбол? Одберете и проверет што кажува за вас.

20140324-izberete-simbol-i-doznajte-kakva-lichnost-ste-1

1. Сакате слобода

Слободата за вас е најважна - за вас нема ништо полошо отколку чувството на заробеност. Немате ништо против промена на работното место или преселување во друг град, бидејќи вас едно место не ве држи. Слично е и со врските- луѓето ве гледаат како личност која најмногу ја цени слободата и дише со полни гради, и е во согласност со мотото „Само еднаш се живее“. Привлечни им сте на луѓето кои имаат помалку енергија од вас. Едноставно кажано - вие сте здив на свеж воздух.

2. Независни и неконвенционални

Вашиот стил на живеење е индивидуалистички. Не ја следите масата, туку живеете во согласност со сопствените идеи и верувања, дури и тогаш кога значи дека се издвојувате од другите. Барате слобода и независност кои ви овозможуваат сами да го одредите вашиот курс. Во некои сегменти на работата или слободното време, врзани сте за уметноста. Вашиот нагон за слобода понекогаш предизвикува да правите спротивно на она што се очекува од вас. Едноставно кажано - вие живеете на свој начин.

3. Чувствителни и замислени

Вие сте во состојба да бидете со часови сами со вашите мисли и да не ви биде досадно. Мразите површност и порадо би биле сами отколку да трпите дружење и разговори кои немаат смисла. Вашите односи со пријателите се силни, што ви дава внатрешен мир и хармонија. Кога сакате, сакате длабоко, но доколку саканата личност ве изневери, нема лесно да и' простите. Вашата душа живеела многу животи пред овој, така што сте виделе многу. Она што ви треба е да се насочите на важните работи и да ја пронајдете смислата на постоењето.

4. Приземни и шармантни

Имате автентичен шарм, а она што ќе го посакате, тоа и обично го добивате. Луѓето ви се воодушевуваат бидејќи ве гледаат како комплетна личност. Цврсто стоите на земјата со двете нозе и другите можат да се потпрат на вас. Додека другите ги комплицираат своите животи со дилеми и изговори, вие сте на чисто со вашите постапки. Вие сте како карпа, а иако некои не сакаат да признаат, вие сте сонцето околу кое другите се вртат. Вие сте личност на која и' е важна суштината.

5. Стручни и самоуверени

Вие преземате одговорност за вашиот живот. Повеќе верувате на вашите способности и делување, отколку на среќата. Проблемите ги решавате практично и едноставно. Реално гледате на работите во животот и ги решавате без многу врева. Во работата сте одговорни, а кај другите влевате самодоверба. Вие сте родени да бидете лидери и организатори. Иако сте добар тимски играч, најдобри резултати ќе имате доколку водите некој тим.

6. Смирени и безвременски

Кај вас се' е лежерно, но и дискретно. Поседувате одредена безвременска елеганција од типот на Одри Хепберн. Иако без напор склопувате пријателства, во состојба сте да ја зачувате приватноста и независноста. Со текот на времето сакате да размислувате за смислата на животот. Кога ви треба простор, одите во самотија. Вашиот однос кон самите себеси и светот е јасен, го цените животот и сте благодарни на она што го добивате од другите. Имате силни животни цели.

7. Културни и класични

Вие сте културна и класична личност која цени она кое што не може да се купи со пари - квалитетен разговор, оригинални идеи, музика и уметност. Имате смисла за фер игра - обично ги гледате и двете страни на паричката. Ретко дозволувате да ве водат емоциите, повеќе сакате работите да ги гледате и процените рационално. Тивки сте, имате голема смисла за логика и притоа сте сочувствителни и љубезни. Тоа се оние „старомодни“ начела кои човек го прават господин/дама. Вие сте безвременски - класика, личност на која многу и' се восхитуваат и сакаат да ја копираат.

8. Чувствителни и спиритуални

Вие сте чувствителни и спиритуални, а животот не го гледате само од рационално гледиште. Имате силна интуиција и верувате во вашите чувства. Секогаш морате да имате некои соништа кон кои тежнеете, во спротивно нема да бидете среќни. Сакате да работите на себеси и да дадете придонес за подобар свет, макар и во најмала мерка. Сакате да се дружите со луѓе кои имаат отворена душа, кои веруваат дека животот е многу повеќе од тоа што гледаме, слушаме или чувствуваме. Едноставно - имате изразено шесто сетило.

9. Динамични и мотивирачки

Вие сте двигател и мотиватор. Спремни сте да ризикувате за да ви биде поинтересно. Рутината ве парализира. Мора да ви дадат прилика да ги изразите вашите идеи и да ги претворите во дело. Имате способност да ги развеселите другите, дури и во најтешките моменти. Следете го вашиот ентузијазам бидејќи за вас патувањето е исто важно колку и дестинацијата.

ИГОР ЏАМБАЗОВ ДОМАЌИН НА БОЕМИТЕ. МАКЕДОНСКИОТ ШОУМЕН ВО ПОДДРШКА НА МАКЕДОНСКАТА МУЗУКА

Најголемиот македонски шоумен, актер, музичар и уметник Игор Џамбазов им се приклучува со поддршка на нашите македонски музички ѕвезди Сузана Гавазова, Наум Петрески, Миле Кузмановски и Благоја Грујовски кои најавуваат музички предновогодишен спектакл каков што до сега немаме видено. Најголемиот боем - помеѓу боемите, ќе биде домаќин и промотор на Македонската Кафеанска вечер. Со специјално сценарио, Џамбазов концертот на 25 декември со почеток во 20.00 часот ќе ја предводи големата боемска ноќ во СЦ Јане Сандански.

Традиционален македонски амбиент со високи и ниски маси, во кој ќе се служи пијалак, ќе се мези, а се во духот на македонската кафеанска традиција и враќањето на големите градски боеми...

На овој спектакл се шушка дека ќе има и гости кои ќе бидат вистинско изненадување. Целиот проект ќе трае повеќе од 4 часа, а на истиот ќе бидат изведени најпрепознатливите рефрени на македонската музика. За музиката во живо ќе се погрижи најдобриот македонски музички состав Дрим Тим!

Билетите се пуштени во продажба од среда 28.10 преку платформата www.wayin.mk, промотивно по цена од 650 денари.. Едно е јасно, Скопје пред Нова Година ќе гори од убава атмосфера и убави луѓе. Градски, боемски, по наше... Маестро Џамбазов заедно со најдобрите македонски музички имиња...

МАКЕДОНСКИOT КРЕМ – ДЕ ЛА КРЕМ НА КОНЦЕРТЕН ПРЕДНОВОГОДИШЕН СПЕКТАКЛ СО ЕДЕН НЕЗАБОРАВЕН КОНЦЕРТ...

Нашите македонски музички ѕвезди Сузана Гавазова, Наум Петрески, Миле Кузмановски и Благоја Грујовски најавуваат музички предновогодишен спектакл каков што до сега немаме видено. Тие од оваа година, па секоја наредна започнуваат традиција која ќе се памети.

Серија концерти кои ќе бидат предновогодишна традиција за сите љубители на добрата македонска песна. Концертот е закажан за 25 декември со почеток во 20.00 часот во специјално подготвен амбиент во СЦ Јане Сандански.

- Време е за нешто поинакво... Време е македонската музика да ја ставиме во прв план! На 25 декември во Јане Сандански нема да се случи обичен концерт, ќе се случи вечер за паметење, каде што ние изведувачите, придружувани од голем оркестар ќе бидеме едно со нашата публика.

Ќе приредиме традиционален македонски амбиент со високи и ниски маси, ќе се служи пијалак, ќе се мези, а се во духот на македонската кафеанска традиција. Време е да ги вратиме градските боеми – вели Наум Петрески во најава за самиот настан.

На овој спектакл се шушка дека ќе има и гости кои ќе бидат вистинско изненадување. Целиот проект ќе трае повеќе од 4 часа, а на истиот ќе бидат изведени најпрепознатливите рефрени на македонската музика.

- Огромна е возбудата. Се радувам што по многубројните концертни турнеи низ светот, јас и моите колеги конечно ќе се сретнеме со македонската публика, дома. Возбудата е уште поголема затоа што ова не е класичен концерт, туку боемска ноќ каква што Македонија и македонската музика заслужуваат – вели Сузана Гавазова

На 25 декември почнува новото поглавје на македонската музика. Со специјално креирано сценарио, технички можности и оркестар во живо, но и со ексклузивни гости кои ќе бидат дел од Македонската Кафеанска Вечер, салата на Спортскиот центар Јане Сандански ќе биде сведок на нова традиција која организаторите посакуваат да трае со години.

Билетите ќе бидат пуштени во продажба преку платформата www.wayin.mk, а многу наскоро се очекуваат и повеќе детали за настанот.

Јордан Митев по три години повторно на голема турнеја во Австралија

Сиднеј, Мелбурн, Камбера, Перт, Волонгонг…, практично Цела Австралија ќе ужива овој октомври во осумте спектакуларни концерти на нашата музичка ѕвезда Јордан Митев. Сите што добро го познаваат темпераментот на македонскиот автор и музичар не се сомневаа во одличните концерти, но она што малкумина го претпоставуваа беше дека буквално преку ноќ, ќе снема билети… За експресно брзо време беа распродадени речиси сите концерти, пред почетокот на турнејата се очекува да бидe комплетно распродадена цела турнеја…

Ако денот по утрото се познава, по повод 20 години успешна музичка кариера, безброј авторски хитови, песни што се пеат од срце, големиот концертен и славенички спектакл – Концерт на Јордан Митев во Македонија ќе биде шлаг на музичката торта.

Концертот ќе се одржи во претпразничен амбиент, на 26 декември во Спортскиот центар Јане Сандански во Скопје. Под мотото: Две децении љубов, песна и незаборавни хитови Јордан Митев најавува спектакл каков што Македонија не памети. Вечер исполнета со авторски хитови, македонски фолк звуци, игра, песна и незаборавна атмосфера која може да ја приреди само тој. Со голем оркестар и програма за која наскоро се очекува да ги соопшти деталите.

За да не биде како во Австралија, да се бара билет повеќе, картите се веќе пуштени во продажба преку платформата e–ticket, достапни на следниов линк. Онлајн билетите можат да се купат за фан пит зоната, блоковите А и А1, блок 1 и блок 2 и се во прет-продажба до ноември по цена од 500 денари за блокови и 700 денари за фан пит..

Ќе бидат ова убава музичка есен и зима за нашиот Јордан Митев, а уште поубава за неговата најверна публика, било да е таа е во Австралија или во родната Македонија.

Популарно