Како да препознаете вагина што одамна немала секс?

Стручните лица предупредуваат дека вагината може да навлезе во болна состојба кога има недостаток од секс во животот. 

Се работи за вагинална атрофија или сувост на половиот орган – многу често нарушување кое се појавува во некој период од животот кај многу жени. Симптомите вклучуваат пецкање, чешање, потешкотии со мокрењето, болен секс и појава на исцедок.

Сепак постои решение и кога немате мажи покрај вас – мастурбација. Стручните лица нагласуваат како редовните оргазми може да бидат спасоносни и ја одржуваат вагината здрава.

„Шансите тогаш се многу помали дека вагиналното ткиво ќе стане воспалено, тенко или суво“, тврди сексуалната терапевтка Д-р Луиз Мазанти од Лондон.

Таа додава дека сексот, со партнер или без него, го подобрува протокот на крвта во интимниот регион, што значи дека повеќе кислород стига до вагината, а тоа го зајакнува нејзиното ткиво.

Освен тоа што добриот секс е корисен за здравјето на вагината, тој исто така делува благотворно и на менталното здравје на жената – го намалува ризикот од развој на депресија и го зголемува чувството на привлечност кон спротивниот пол.

Д-р Мазанти вели дека често пати слуша како луѓето зборуваат дека немаат никаков сексуален живот бидејќи немаат партнер, па затоа таа им советува да водат љубов сами со себе.

Од помош може да биде дури и масажа на вагината.

Оваа британска докторка за секс напоменува дека масажата на вагината е многу корисна и не би било лошо да се вметне во секојдневните животни ритуали. Како за време на сексот или мастурбацијата, така и со масажата се подобрува циркулацијата и доводот на кислород.

Според неа, секс треба да се има најмалку еднаш неделно.

Студијата на истражувачите од еден американски универзитет покажа дека ако водите љубов со партнерот или сами со себе барем еднаш неделно, ќе го забавите стареењето, ќе го продолжите животниот век и целокупното здравје.

Закрепнувањето по „скршено срце“ трае три месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

Популарно