Денеска на гробиштата во скопската населба Ѓорче Петров беше погребан македонскиот пејач и актер Влатко Илиевски кој во петокот нешто пред полноќ беше пронајден мртов во својот автомобил.
Социјалните мрежи се преплавени од негови фотографии, песни, анегдоти… како и неверување дека повеќе не е меѓу нас.
Пред само четири дена наполни 33 години, повод за кој илјадници негови пријатели и обожаватели му посакаа здравје, среќа, љубов, но за голема жал тоа траеше само неколку дена од неговиот прерано згаснат живот.
Дека истиот ден пред да почине бил полн со планови и идеи за понатаму, како и секогаш, потврдуваат и пораките кои им ги напишал на Елена Ристеска и Роберт Билбилов.
Со Елена сакал да сними дует кој го планирале многу одамна, а пак од Роберт побарал песна, да се видат и дека е слободен, дури и веднаш.
Ваквите приватни пораки, Елена и Роберт ги објавија јавно, неверувајќи дека повеќе го нема Влатче!
