(ВИДЕО) Само во Дубаи: Салон со автомобили вредни 45 милиони долари

Технологија

на 8.2018

Најголемата и секако најадреналинската продавница за автомобили се наоѓа во Дубаи и верувале или не, во неа се продаваат автомобили со вкупна вредност од 45 милиони американски долари.

Deals on Wheels, како што е именувана продавницата, на продажба има повеќе од 100 супер моќни автомобили, а сопственикот на продавницата не го крие сонот за тоа да прерасне во најголем трговец на супер спортски автомобили во светот. За таа цел тој настојува кон зголемување на бројот на автомобили во понудата со акцент на ретките и моќни автомобили.

Пред само некое време, сопственикот Мухамед Реџа Абдула, успеал да продаде Ferrari LaFerrari за три милиони долари, а во моментов се продаваат Porsche 918 Spyder за 1.4 милиони долари, Ferrari Enzo за 1.9 милиони долари и McLaren P1 за 1.7 милион долари.

Покрај горенаведените автомобили, во салонот се наоѓаат и бројни модели од брендовите на Lamborghini, Aston Martin, Bugatti, Bentley, Rolls-Royce, Lotus, Jaguar и други.

Мета им се извини на корисниците: Работиме на тоа да се вратат апликациите во нормала

Технологија

пред 7 месеци

„Свесни сме дека технички проблем влијае на способноста на некои корисници да пристапат до нашите апликации. Работиме работите да се вратат во нормала што е можно поскоро и се извинуваме за непријатностите“, се вели во нивното соопштение.

Од попладнево има дефект на социјалните мрежи Фејсбук и Инстаграм.

Околу 19 часот корисниците почнаа да пријавуваат проблеми со социјалните мрежи на веб-страницата Down detector, која ги следи техничките проблеми со социјалните мрежи и веб-страниците ширум светот.

Видео: НАСА го лансираше „Клипер“ до Јупитеровата месечина Европа

Технологија

пред 9 месеци

Американската Национална воздухопловно-вселенска администрација – НАСА го лансираше вселенското летало „Европа Клипер“ до Јупитеровата месечина Европа, каде што, се верува, може да има услови за развој на вонземски живот во огромниот океан под ледената површина.

Со своите шест тони, најголемото летало што НАСА некогаш го изградила за меѓупланетарна мисија, „Европа Клипер“ ќе патува пет и пол години до Јупитер, каде што ќе влезе во орбитата на оваа огромна гасовита планета и ќе ѝ се доближи на нејзината ледена месечина. Вселенското летало полета ракета „Фалкон хеви“ на „Спејс-Икс“ од вселенскиот центар „Кенеди“ во Кејп Канаверал, Флорида, САД.

Тој вселенски лет е долг повеќе од три милијарди километри и ќе трае до 2030 година.

На пат кон Јупитер, доколку не се јават непредвидени проблеми, вселенското летало прво ќе мине и покрај Марс и ќе се врати во орбитата на Земјата пред „да се катапултира“ кон Јупитер.

Научниците се речиси сигурни дека има длабок замрзнат океан под ледената обвивка на Европа и укажуваат дека онаму каде што има вода, може да има и живот, што ја прави оваа месечина едно од посоодветните места за потрага по услови за живот. Сепак, како што соопшти НАСА, „Европа Клипер“ првично нема да бара облици на живот бидејќи нема детектори и инструменти за таков вид истражување.

Популарно