ФОТО: Ја преставуваше Македонија на ЕП, а леташе орли сред Берлин

Атлетичарката Дрита Ислами не се засрами од убедливо последното место во квалификациите во трката на 400 метри со пречки на Европското првенство (ЕП) во Берлин. Но тоа не беше доволно, па  веќе следниот ден направи скандал фотографирајќи се во поза која не ѝ доликува на седукратната најдобра атлетичарка кај нас и наш претставник на Летните олимписки игри во Рио де Жанеиро.

Таа го искористи престојот во германскиот град да направи фотографии за спомен, меѓу кои беше и таа на местото каде што во минатото беше еден од премините помеѓу западниот и источниот дел од Берлин. И сѐ би било во ред, ако таа не „леташе орли“, албански симбол кој се поврзува со иредентистичката желба за формирање на заедничка држава на територија на сегашна Србија, Косово, Македонија и Црна Гора (Голема Албанија).

Можеби да е на приватно патување вакво нешто и не би бодело толку очи, но атлетичарката овој пат беше испратена да ја претставува Македонија со финансии обезбедени од државата. И наместо да остане засрамена од ужасниот пласман и лошиот резултат кој беше далеку од нејзиниот личен рекорд, Ислами гордо објавува фотографии на кои покажува нешто што нема допирна точка со нејзината матична држава, без разлика што таа е од албанска националност.

Малку зачудува ваквиот потег на младата атлетичарка, која во минатото неретко се фотографираше со македонското знаме, а една од таквите фотографии беше хит на социјалните мрежи како показател за отсуството на национализам во спортот. Но, без разлика на тоа, сега на потег се челниците на Атлетската федерација на Македонија (АФМ) да го испитаат случајот и да видат дали има можност за санкционирање на ваквото однесување на Ислами, која со години наназад е синоним за овој спорт кај нас во женска конкуренција.

ВИДЕО: Раиола даваше изјава, па се појави Ибрахимовиќ

Златан Ибрахимовиќ одигра добар натпревар против Јувентус во полуфиналето, Швеѓанецот претставуваше констатна закана за одбраната на Јувентус.

После натпреварот во микс-зоната беше забележана интересна ситуација додека Раиола даваше изјава, а Ибрахимовиќ се појави.

„Извинете момци, имам проблем. Морам да се одбранам од Ибра. Уште ме боли од кога ме удри последниот пат“, се пошегува Раиола кој на крајот сепак доби удар од напаѓачот.

Видео: Каков кош на Дончиќ

Словенскиот кошаркар Лука Дончиќ го претставуваше тимот на остатокот од светот на првиот ден од „Ол-стар“ викендот во Чикаго.

 Дончиќ постигна неколку тројки, а го украде шоуто во последните секунди од првото полувреме. Во директен дуел со лутиот ривал Трае Јанг, 20-годишникот испрати неверојатен шут од половина терен и погоди со звукот на сирената.

Погледнете го потегот на Дончиќ:

Дончиќ го заврши мечот со 16 поени и пет асистенции, а на крај неговиот тим убедливо загуби од младите ѕвезди на САД.

Синот на Двејн Вејд го менува полот

Легендарниот кошаркар Двејн Вејд откри дека неговиот 12-годишен син Зајон одлучи да живее како жена. Зајон побарал во иднина да го именуваат во женски род, а ќе го носи името Заја. Семејството Вејд ја прифати оваа одлука. За ситуацијата се јави и најстариот син на Вејд, Заире кој на Зајон му даде голема поддршка.

„Имам чест што 12 години до мене ја имам Заја како најдобар пријател. Се правевме заедно. Играње, тепање, смеење, плачење. Една работа само никогаш ја немавме направено, а тоа е едниот да го остави другиот. Ќе го посветам животот на тоа да бидеш среќна. Не ме интересира што мислат другите за тебе. Ти си мојот најдобар пријател и те сакам“, изјави Заире.

Заире заедно со својата мајка и Заја учествуваа и на парадата на гордоста во Мајами.

Популарно