Ветровито и дождливо време– внимавајте доколку патувате

Како што најавивме претстојната ноќ ни носи нагла и голема промена на времето кај нас, односно ќе има врнежи најпрвин од дожд додека на планините ќе има врнежи од снег, локално особено на запад и север ќе има услови и за локални грмежи каде локално ќе наврнат над 20 л/м2 воден талог.

Во втората половина од оваа ноќ поради продор на многу постуден воздух ќе започне да дува северен ветер кој ќе засилува по интензитет, токму ова ќе услови најпрвин на повисоките места а потоа и на некои од пониските врнежите од дожд да поминат во снег, на повисоките и на планинските места ќе се формира и зголемува снежната покривка додека понекаде на пониските ќе се формира потенка снежна покривка, особено на запад и на север од државава.

Локални послаби врнежио од снег ќе има и во текот на утрешниот ден како и во среда а ќе дува засилен, повремено силен ветер од северен правец кој на моменти локално ќе достигнува брзина од над 70 км/час.

Максималните дневни температури во текот на утрешниот ден ќе се искачуваат во интервалот од -1 до 8 додека најстудено ќе биде во среда кога максималните дневни температури ќе се искачуваат  во интервалот од -4 до 6 степени, во четврток наутро ќе биде особено студено кога минималните температури понекаде ќе се спуштат до -10 степени, на повисоките и планинските места и под -10 степени.

Поради ниските температури кој се очекуваат следниот период растат условите од појава на голомразица па така особено на возачите им препорачуваме да бидат крајно претпазливи, особено доколку минуваат низ планинските превои.

Подготви: Славчо Попоски

Не очекуваат САХАРСКА ПРАШИНА и песок

Јужно и југозападно струење на висина, Сахарска прашина и песок и непријатна топлина овие денови ќе ја зафати територијата на нашата држава.

Поточно ќе бидеме под влијание на невообичаено топла воздушна маса од југозапад која ќе условува понатамошен пораст на температурите на воздухот кој во следните денови ќе се ислачуваат во интервалот од 22 до 29 степени.

Во централните и во југоисточните предели температурите на воздухот се очекува да се искачат до максимални 30, 31 степен што се типично летни. Времето ќе биде стабилно, суво и сончево со сосема мала локална облачност а ќе дува и претежно слаб ветер од променлив правец.

УВ ИНДЕКСОТ поради топлиот бран понатаму малку ќе порасне и ќе има умерено висока вредно и ќе изнесува 5 што не е опасно врз граѓаните.

За нови и подетални информации следете го официјалниот фејсбук профил на СЛАВЧО ПОПОСКИ

Невообичаено топол бран кон Македонија

По малку пониските температури на воздухот денес и северниот ветер денес веќе во следните денови ќе продолжи порастот на максималните дневни температури на воздухот кој ќе се искачуваат во интервалот од 22 до 28 степени.

Во централните и во југоисточните предели истите се очекува да се искачат дури до околу 30, 31 степен. Иако невообичаено топол сепак овој бран е нормална појава во овој дел од годината во нашиот дел од Европскиот континент.

Истата појава сме ја имале и во изминатите години. Јужното и југозападното струење на визина ќе услови а веќе и условува транспорт на прашина и на песок од Сахара кон нашата држава па така и атмосферата ќе биде позаматена.

Поради ваквата ситуација кај метеопатите е можна појава на мачнина и на здравствени проблеми.

За нови и подетални метео информации следете го официјалниот фејсбук профил на СЛАВЧО ПОПОСКИ

Попоски : Следува затопување

Затоплувањето кое е најавено во државава но и јужното струење на висина веќе се чувствуваат а температурите започнаа да растат. Во текот на следните денови поради ваквото струење од Сахара кон нашата држава ќе се изврши транспорт на прашина и на песок па така и времето повремено ќе биде помачно за метеопатите.

Во следните часови локално ќе има преодно зголемување на облачноста а особено навечер и во текот на ноќта кон утрешниот ден ќе има услови за локален дожд од послаб интензитет и услови за ретки грмежи и тоа особено на запад и на север а ќе дува и ветер претежно од западен правец кој на запад и во Пелагонија ќе засилува на интензитет и истиот утре ќе го промени правецот во северен и ќе биде повеќе застапен на север и долж Повардарието.

Максималните дневни температури ќе бележат тенденција на значително покачување и истите ќе се искачуваат во интервалот од 19 до 25 степени. Понатамошен пораст на истите ќе има следните денови кога во централните и во југоисточните предели се очекува да достигнад до околу 27 степени.

Во утринските часови по котлините и по речните долини ќе се создаваат услови за појава на магла и на ниска облачност.

За нови и подетални информации следете го официјалниот фејсбук профил на СЛАВЧО ПОПОСКИ

Популарно