Героски се чувствува загрозен и небезбеден по изјавата на Заев

Новинарот Бранко Героски, кој прв објави за аферата Рекет, вечерва побара заштита од меѓународната заедница.

Тој на социјалните мрежи објави апел по изјавата на премиерот Заев и побара заштита од меѓународната заедница:

,,Драги пријатели, вечерашната срамна и заканувачка изјава на премиерот Зоран Заев ме шокираше. Во неа, покрај извесен „педер“ (тоа се негов зборови), се спомнува и „еден суетен новинар“. Таа изјава на социјалните мрежи веќе покрена бран од вербална агресија кон мене. Во овој момент, се чувствувам загрозен и небезбеден, а загрижено е и моето семејство. Поради тоа, ве замолувам, во рамките на вашите можности, да ги известите претставниците на меѓународната заедница за ова што сеслучува“-напиша Героски на својот ФБ профил. Истото го објави и на англиски јазик.

Претходно, новинарот изрази згрозеност и шокираност од изјавата на премиерот.

,, ШОКАНТНА, ДИСКРИМИНИРАЧКА, ЗАКАНУВАЧКА И СРАМНА ИЗЈАВА НА ПРЕМИЕРОТ ЗОРАН ЗАЕВ

Шокиран сум од изјавата на премиерот Зоран Заев. Особено што тој со половина од “криминалците” што ги спомнува бил во директна или посредна комуникација. “Педерот” што го спомнува го крунисаа тој и неговите министри и градоначалници.

Дали кога вели “еден суетен новинар” мисли на мене? Ако мисли, нека собере храброст тоа јавно да го каже. И прашувам јавно – дали тоа Зоран Заев мене ми се заканува?

Како и да е, барам премиерот Зоран Заев веднаш јавно да се извини за оваа срамна, крајно безобразна и дискриминирачка изјава, од која извираат нетрпеливост, закани и говор на омраза.

Очекувам јавноста, институциите што се овластени да ги штитат граѓаните од дискриминација, новинарските здруженија и претставниците на меѓународната заедница да ја осудат оваа скандалозна изјава на премиерот Заев“-напиша Героски

Заев: Ќе го тужам новинарот кој објави дека сум вмешан во „рекет“

Отфрлам секаква поврзаност со Рекет. Ова денеска го изјави премиерот Зоран Заев.

- Ја повикувам јавната обвинителка да ја потврди веродостојноста на записникот. Не е точно. Отфрлав секаква поврзаност со Боки 13 поврзана со случајот „Рекет“. Обврска на Обвинителството е да каже дали тоа е така кажано. Објавена е една страна од записникот, а потоа е прераскажувано. Доколку новинарите прават манипулации, има одговорност. Ги повкувам Ременска, Шекеринска и Димитров заедно со мене да поднесат тужба, за да се потврди дека се лаже. Рускоска да кажe дали се точни наодите или не, дали тоа е лага или не. Но, во секој случај, јас како граѓанин ќе го тужам новинарот кој тоа го направил, рече Заев денеска.

За потсетување, новинар на „Информакс“ објави прва страница од записникот од исказот на Орце Камчев за случајот „Рекет“.

Ременски: Внатрешна истрага во МВР за веста дека Нина „групер“ има кривичн досие!

Итна внатрешна истрага и реакција од МВР веднаш бара пратеничката Фросина Ременски околу објавувањето на веста од страна на порталот „Лидер“ за „протечените документи“ кои според порталот откриваат дека Нина Ангеловска (позната како Нина „Групер“) била „сторител на кривични дела“.

Како што објаснува Ременски, таа не бара реакција од МВР заради тоа што се работи за кандидаткатата за министер за финансии, туку заради неопходната потреба да се заштити злоупотребата на службените евиденции на МВР од користење во име на сензационализам кој има за цел однапред да фрли дамка на личност што треба да извршува важна државна функција.

„Лесно проверливо е кој, од каде и во кој временски период влегол во базата за криминалистичка евиденција на МВР за да обезбеди ‘ексклузива’ за сторен сообраќаен деликт. Форматот во која е објавена веста потврдува за автентичноста на базата со која располага МВР. Очекувам внатрешната контрола и МВР да си постапат по стандардните оперативни процедури и да откријат кој бара сензационализам со оддавање на класифицирани информации“, вели Ременски.

На Русковска не и јасно како документи од „Рекет“ протекле во јавноста

Основното јавно обвинителство за гонење на организиран криминал и корупција најостро го осудува објавувањето на нелегално добиени документи од истрагата за предметот „Рекет“ и најави дека ќе утврдува како тие протекле во јавноста.

<div id="mvp-content-body-top" class="left" relative"="" style="margin: 0px; padding: 0px; border: 0px; vertical-align: baseline; outline-style: none; float: left; width: 820px;">

Претдходно денеска, дел од медиумите објавија изјава за кој тврдат дека ја дал бизнисменот Орце Камчев покренувајќи кривична пријава за случајот „Рекет“, а се однесува на тоа кој сѐ бил замешан во рекетирањето. Од Обвинителството по тој повод велат дека освен како моментална сензација, ваквите објави не придонесуваат во остварување на каква и да е друга цел.

„Од започнување на истражната постапка, водејќи се од големиот интерес на јавноста, обвинителството секојдневно настојува во рамките на можностите да сподели детали што нема да наштетат на истрагата, а на јавноста ќе и овозможат да има реална слика за текот на постапката. Во таа насока, имајќи ја предвид сензитивноста на предметот, во неколку наврати укажуваме дека само официјално добиените информации од обвинителството се веродостојни“, велат од Обвинителството.

Тие не ги коментираат информациите изнесени во јавноста, но потенцираат дека откривањето на доверливи информации од страна на поединци претставува опасност и штета за севкупниот општествен систем и е кривично дело.

Со протекување на ваков вид документи, додаваат од Обвинителството, се повредува пресумпцијата на невиност, се загрозуваат животи на инволвираните лица и воопшто сe отежнува текот на постапката.

„Во интерес на понатамошното непречено спроведување на истражната постапка, Основното јавно обвинителство за гонење на организиран криминал и корупција ќе преземе дејствија за утврдување на фактите како овие документи се протечени во јавноста и ќе бара одговорност од сторителите“, додаваат од ОЈО.

Основното јавно обвинителство за гонење на организиран криминал и корупција и укажува на јавноста дека ваквите неодговорни извори на информации и медиуми со ограничена цел, нема да влијаат врз решеноста на обвинителството овој случај да добие комплетна завршница.

Популарно