Тешко им оди на СДСМ и ВМРО-ДПМНЕ

Според последните информации  се уште нема напредок на лидерската помеѓу Зоран Заев и Христијан Мицкоски, брифираат извори од преговарачките тимови на СДСМ и ВМРО-ДПМНЕ. Од власта велат дека нема напредок за ниедна точка. На истиот став е и опозицијата.

„Взаемна согласност има само околу констатацијата дека СЈО е завршена приказна и мртва институција.“ вели за ТВ24 висок извор од преговарачкиот тим од опозицијата.

Неофицијално, најмногу полемика имало кој да го предлага новиот шеф за новото обвинителство за организиран криминал и висока корупција. На маса се нашла и аферата „Рекет“

Ова се новите цени на горивата

Според одлуката на  Регулаторната комисија за енергетика цената на бензините се зголемува од половина до еден денар за литар, а дизел горивата од денеска поскапуваат за еден денар,

Според  одлуката малопродажните цени на нафтените деривати се зголемуваат во просек за 1,48 отсто.

Малопродажната цена на бензинот ЕУРОСУПЕР БС-98 се зголемува за половина денар и ќе изнесува 69,5 денари за литар. Останатите горива поскапуваат за еден денар за литар така што новата цена на бензинот ЕУРОСУПЕР БС-95 ќе изнесува 67,5, на дизелот ЕУРОДИЗЕЛ (Д-Е V) 62,5, а на Екстра лесното масло за домаќинство (ЕЛ-1) 52,5 денари за литар.

Со одуката на РКЕ за 0,494 денари за килограм поскапува и малопродажната цена на мазутот М-1 НС  и сега ќе чини 31,641 денари.

Како причина за зголемувањето на цените на горивата од РКЕ ги посочуваат за 2,94 отсто повисоката просечна цена на бензинот и за 3,42 отсто на дизелот на светскиот пазар во изминатите седум дена, како и за 0,076 отсто понискиот курс на доларот во однос на денарот. 

ФОТО: Сите ја нападнаа пејачката за начинот на кој се прости од Гру

Српскиот рапер Гру почина минатиот викенд во Земун при екстремен спорт на вода, а беше погребан во четвртокот.

Српската пејачка Кија Коцкар и победничка на „Задруга", му беше блиска пријателка, но не дојде на погребот, а сите ја нападнаа за начинот на кој се прости од пејачот. Таа се појави по трагедијата на Избор за мис и заблеска во тоалета, на која имаше црн беџ во знак на жалост за Гру.

Таа на овој начин сакала да покаже колку и значел трагично починатиот рапер, но на социјалните мрежи имаше лавина коментари за тоа дека Кија не се простила од него на правиот начин. И нејзините коелги се поделени, Додека нејзината колешка Гоца Тржан смета дека постапила правилно, од друга страна пејачот Кнез смета дека тоа не е начин да се простиш од некој кој ти бил толку близок пријател, пренесе српскиот Курир.

Инаку, Гру зад себе остави сопруга и две деца кои се скршени од болка.

Цена на билетите за Вардар-Порто 350 и 400 денари, за Нексе само 50 денари

Вчера РК Вардар  ги пушти во продажба поединечните билети за следните два домашни натпревара, во ЕХФ Лигата на шампионите против Порто, и потоа во СЕХА Газпром лигата против Нексе.

Продажбата ќе се врши на билетарницата на СЦ „Јане Сандански“ (секој работен ден од 10 до 18 часот) и онлајн преку тикет плус (www.ticketplus.mk).

Вардарци в недела на 22 септември од 17 часот, го пречекуваат Порто, а доколку сакате да им помогнете да ја остварат втората победа сезонава, ќе треба да одвоите 350 денари за трибините и 400 денари за А блок.

Два дена подоцна, европскиот првак од 20:45 часот игра со Нексе. Цената на билетите е 50 денари.

Популарно