ВИДЕО: Страшна е сликата од полпавите во Црна Гора

Хаос настана во Црна Гора, откако се излеаја реки, а има и поплавени куќи и кафулиња. 

Поплавени се два моста во Колашин, а во околината на градот се изли реката Плашница, при што дојде до рушење на 80 отсто од насипите.

Во Котор еден крузер не може да влезе во пристаништето, а друг маневрира.

Од влезот во заливот се откажа и крузерот „Опера“ заради силен јужен ветар, објави радио Котор. Невремето предизвикало проблеми и за граѓаните на Херцег Нови, каде се поплавени повеќе јавни површини. 

Во Никшиќ повторно е затворен сообраќајот преку Мокра нива, а најкритично е во Горно поле, пренесе ЦдМ.

Од Службата за заштита и спасување соопштено е дека досега имало бројни интервенции, во главно во Мокра нива и населените места покрај реката, а атмосферската канализација не може да прими големи количини вода.

ВИДЕО: Страшно невреме ја погоди Црна Гора

Силното невреме, проследено со дожд и јужен ветар, кое вчера ја зафати Црна Гора создаде проблеми во сообраќајот, поплавени се бројни објекти, а локалните служби за заштита и спасување интервенираат на теренот.

Пожарникарите соопштија дека припадниците на службите за заштита се на терен од 4 часот наутро и дека имале голем број интервенции.

Пожарникарите велат дека луѓето се на сите страни.

Видео: Последици од силниот земјотресот во БиХ: Срушени оџаци и покриви од стари куќи

Босанските медиуми јавуваат дека засега нема извештаи за големи штети, по земјотресот од 5,1 степен што попладнево ја погоди БиХ во близина на Травник.

Се работи за најсилниот потрес во Босна и Херцеговина во последните седум години.

Во местото Турбе, кое е најблиску до епицентарот, настаната е помала материјална штета во форма на испукани ѕидови или пад на телевизори и други предмети од височина. Срушени се неколку стари оџаци, а дошло и до рушење на покриви, но штетите воглавно се направени на постари објекти, пренесува „Кликс.ба“.

„Граѓаните се многу исплашени, со оглед на тоа што потресот беше доста силен и траеше неколку секунди. Постојано сум во врска со оперативните тимови во подрајчето на Травник. Добро е што уште нема информации за материјални штети или повредени жители“, вели директорот на Федералната управа за цивилна заштита, Фахрудин Солак.

Сеизмологот, Амра Крехиќ рече за „Аваз“ дека денешниот земјотрес бил со необично силен интензитет.

„Нормално е ваков земјотрес да предизвика паника кај населението, но морам да кажам дека се работи за сосема нормално ослободување на сеизмичка енергија. Нема причина за паника“, изјави Крехиќ.

Популарно