Санирана хаваријата во Охис

Oтпадот кој денеска истече во ОХИС е веќе собран, нема опасност и нема повредени, рече во изјава за ТВ „24“ Владо Момировски, директорот на „Еко центар 97“, фирмата која го врши препакувањето на истискиот хемиски отпад.

Не е опасно, нема повредени. Заврши сè, сè е собрано во буриња, специјални буриња, спремни за извоз. Вентилот е поправен, еве моите вработени веќе се повлекоа, сè е завршено. Истече вода со која се перела цистерна, во која имало мали делови од хемикалијата, значи не самата хемикалија. А водата не може да истече надвор, туку во заштитниот бетонски базен, рече Момировски за ТВ „24“.

Министерот за здравство Лончар посочи дека претседателот на Србија бил во животна опасност

Министерот за здравство на Србија,Златко Лончар денеска истакна дека лекарите го спасиле животот на претседателот на Србија  Александар Вучиќ, кој во петокот попладнето е примен на Воеаната медицинска академија во Белград, поради кардиоваскуларни проблеми.

- „Претседателот има хронични проблеми со срцето. Веднаш по приемот е оценето дека животот на Вучиќ е загрозен. Во ВМА ги превземаа сите мерки за санирање на сериозната ситуација, а Вучиќ добро изреагирал на терапијата“, рече Лончар.

Вучиќ пак вчера се заблагодари за грижата и порача дека од понеделник е назад на работните обврски.

- „Им благодарам на докторите и персоналот на ВМА. Им благодарам на сите што се грижеа. Веќе од понеделник ќе бидам во полн работен погон“, напиша тој.

ВИДЕО: Се обиде да му го земе пиштолот на полицаецот

На снимка што се појави на социјалните мрежи се гледа како полицајци се обидуваат да разговараат со мигрант, осомничен за кражба, кога тој во еден момент се обидува да му го одземе пиштолот на еден од полицајците. Инцидентот се случил во Белград.

Патролата пристигнала за кратко време, но мигрантот ги оттурнал полицајците, обидувајќи се да дојде до пиштолот.

За среќа на крајот е уапсен

Македонските газди бараат увоз на работници од странство

Дали Министерството за труд и социјална политика размислува за увоз на работна сила од трети земји, бидејќи нашата заминува и дали државата е фокусирана на ослободување на законската регулатива за ангажирање на работници од странство, е едно од главните прашања на стопанствениците кое беше поставено пред претставници на ресорното министерство и Агенцијата за вработување.

Прашањето го постави Митко Крстевски, претставник на компанијата „Еленица” од Струмица. Образложи дека ова не е само проблем на нашата државата заради масовното иселување, туку е и регионален проблем. Тој смета дека компаниите остануваат без работници, а државата без луѓе врз кои ќе може да ги примени мерките од Оперативниот план за вработување за 2020, за кој се разговараше на панел дискусијата на Локалниот економско социјален совет што се одржа во Струмица.

– И покрај тоа што нудиме плата од 350-400 евра за општи работници никој не се јавува, а имаме ситуација кога има интерес од работници од трети земји, кои таму имаат плата 100 евра и можат да дојдат тука да работат, додаде Крстевски.

Стопанствениците изнесоа податоци дека оваа година во Хрватска имало ангажирано голем број работници од трети земји, а во некои земји од регионот биле формирани компании кои посредувале за ангажирање на странска работна сила.

Прочитајте и...  „Форин Полиси“: Трамп бара 8 МИЛИЈАРДИ ЕВРА од Токио за да остави американски војници во државата

– Градежни работници во моментот доаѓаат од Косово, а од Албанија се присутни насекаде. Измената во законот треба да се направи за признавањето на стажот, бидејќи имаме ситуација со градежни инженери кои работеле по 20 години надвор во познати компании, но нашата Агенција за вработување тоа не го препознава како стаж, рече директорот на ЈП за државни патишта, Зоран Китанов.

Дел од присутните стопанственици побараа Оперативниот план за следната година да биде флексибилен, односно да се прилагодува на динамиката на бизнисот и со тоа да се овозможи и брз проток на работната сила.

– Јас не би давал субвенци и бенефиции на никој, туку да се намалат давачките на сите стопански субјекти и да бидеме сите рамноправни и исти, бидејќи има одредени субјекти кои прават злоупотреби во делот на бенефициите и кои придонесуваат за појава на нелојална кокуренција, а институциите тоа не може да не го знаат и сум фрапиран од инертноста, тромоста и немањето храброст да се спротивставиме на овие аномалии, рече Ванчо Чонев, стопанственик од Делчево.

Прочитајте и...  ФИЛМСКО БЕГСТВО ОД ПОЛИЦИЈА: Скокнал од прозор со радијатор за кој бил врзан, па паднал врз автомобил (ВИДЕО)

И градоначалникот на Струмица, Коста Јаневски забележа дека немањето доволно работна сила и одбивањето работа е голем проблем за сите.

– Јас лично сум сведок како некои луѓе одбиваат работа за 300-400 евра за нивната квалификација или не ја прифаќаат и тоа е за мене феномен. Тоа треба да се земе предвид кога се прават проекции и најверојатно тие луѓе имаат други приходи. Претпоставувам дека се работи за сива економија, која е голем проблем и можеби не е лошо да се размислува за некоја кампања или едукација за надминување на овој проблем, смета градоначалникот на Струмица, Коста Јаневски.

Според Миле Милановиќ од „Струмичката бизнис заедница” стопанствениците активно учествуваат во креирањето на Оперативните планови и сите забелешки кои биле искажани од бизнис секторот биле имплементирани во планот за 2019 година.

– Убаво е за оперативниот план за 2020 година да се слушне гласот на „Струмичката бизнис заедница”. И оваа година наша забелешка е синхронизирано, односно хронолошки и пред време да ни ги најават мерките за да може да ги внесеме во нашите развојни планови во компаниите и во развојните планови за зголемувањето на бројот на работниците, рече Милановиќ, кој се надева дека ќе бидат прифатени нивните забелешки.

Прочитајте и...  Владата го поздрави францускиот нон-пејпер: Добредојдена е секоја идеја која ќе го забрза почетокот на преговорите

Ксенија Вангелова од „Бизнис иновацискиот центар” смета дека за компаниите е поисплатливо да ангажираат искусни работници кои со преструктирање можат да се носат со предизвиците на поквалитетното работење, отколку да ангажираат нови за кои е потребно повеќе време за нивно вклучување во процесот на производството.

Според претставниците на Министерството за труд и социјална политика и Агенцијата за вработување сите предлози ќе бидат инкорпорирани во Оперативниот план за вработување за наредната година. Притоа истакнаа дека мерката „Гаранција за млади” е една од најуспешните мерки и во Струмичко интересот на младите на возраст до 29 година бил мошне голем.

Извор : Слободен печат

Популарно