Катица Јанева била „сомнителна“ уште во јануари

Вести

пред една недела

Вечерва во интервју на Канал 5 министерот за внатрешни работи Оливер Спасовски изјави „ критиката кон Катица Јанева ја упатив уште во јануари годинава за притворањето на одредени осомничени и нивно ослободување. Ја дадов таа критика затоа што имав одредени сознанија за тоа, а многу е лесно во такви моменти обвинителите да реагираат и да кажуваат секој да си ја гледа својата работа“.

– Укажувањата дека не може да се стави Орце Камчев во притвор, а потоа да се пушти дома, според мене е доволно за сомневање дека има нешто што не е во ред. Не мислев дека Јанева ќе дојде до оваа позиција, затоа што според одговорноста што ја добила да исполни одредени цели не смее да си го дозволи тоа, затоа што има одговорност кон граѓаните. Овде се работи за институција која што требаше сериозно да се спротистави против криминалот. Таа институција не дека не го исполни очекувањето. Направија многу добри работи кои ги гледаме низ предметите кои што ги водат. На основа на тие истраги кои ги водат обвинителите од Специјалното обвинителство има пресуди и ќе има пресуди и никој неможе да ја избегне таа одговорност, нагласи Спасовски.

Во однос на Законот за јавно обвинителство, министерот Спасовски рече дека владата нема соговорник.

-Опозицијата не тргнува од еднакви претпоставки во однос на носењерто на законот. Ние сакаме закон кој ќе значи функционалено јавно обвинителство што ќе гони криминал, а не да води селективна борба против криминалот. Предлозите на опозицијата се, како овие постапки што се водат против нивни поранешни функционери да ги стават на страна, истакна Спасовски.

Министерот за внатрешни работи информираше дека камерите од видео надзорот во градот не се за казнување и дека тие до пред две-три години биле користени од Управата за безбедност и контраразузнавање (УБК).

-Видео надзорот на улиците во Скопје не се камери за казнување во сообраќајот, туку само за надзор. Во 2017 години тој систем бил користен исклучиво од УБК, а сега откако е создадена правна рамка, видео надзорот е комплетно во служба на јавната безбедност. Тој систем треба да се надогради и ќе вклучи камери за сообраќајните прекршоци со што ќе се избегне човечкиот фактор и селективноста, Секој кој ќе направи прекршок ќе знае дека ќе мора да одговара за тоа, рече Спасовски.

Пожар во Манастирскиот комплекс во селото Лешок

Вести

ново

Изутринава во 2:50 часот во СВР Тетово било пријавено дека настанал пожар во просторија од Манастирскиот комплекс во селото Лешок, Тетовско, при што бил опожарен ситен инвентар.

Пожарот е изгаснат од Противпожарната единица од Тетово, а увид е извршен, информира полицијата.

Приведени 10 лица од кои 7 малолетни

Македонија

пред 16 минути

Вчера и денеска во периодот меѓу 23:00 до 04:00 часот, во рамки на операцијата на СВР Скопје, Управата за јавни приходи, Државниот пазарен инспекторат и Државен инспекторат за труд, беше извршена контрола во седум угостителски објекти во Скопје и беа приведени десет лица.

При преземањето на мерките и активностите приведени се Д.В. (42) од Скопје поради утврдување на идентитет, В.Г. (32) од Скопје, поради омаловажување на полициски службеник при вршење службени дејства, Ј.Ј. поради сторен прекршок по чл.80 од Закон за оружје (поседувал т.н. боксирач) и седум малолетни лица поради присуство во угостителски објекти надвор од законски дозволениот период.

Од страна на полициските службеници констатиран е прекршок по чл.21 „кој овозможува присуство на малолетни лица во угостителски објект подоцна од 24:00 часот„ од ЗППЈРМ , прекршок по чл.75 од Закон за приватно обезбедување и четири прекршоци од Закон за заштита од пушење. Во еден угостителски објект биле пронајдени полиетиленски кесички со марихуана, кесичка со тврда материја бела боја и таблети, додека во службените простории од угостителскиот објект исто така биле пронајдени полиетиленски кесички со марихуана и полиетиленски кесички со прашкаста материја, за што по целосно документирање ќе се поднесат соодветни поднесоци.

Од страна на Управата за јавни приходи, Државниот пазарен инспекторат и Државен инспекторат за труд констатирани се повеќе неправилности во работењето на пет угостителски објекти и тоа: нерегуларности во дневен промет, нерегистрирано вршење на дејност, неправилно и неуредно водење на службена евиденција.Инспекторите од УЈП, ДПИ и ДИТ дополнително констатирале и два прекршоци по член 3 согласно Закон за заштита од пушење.

Министерот за здравство Лончар посочи дека претседателот на Србија бил во животна опасност

Балкан

пред еден час

Министерот за здравство на Србија,Златко Лончар денеска истакна дека лекарите го спасиле животот на претседателот на Србија Александар Вучиќ, кој во петокот попладнето е примен на Воеаната медицинска академија во Белград, поради кардиоваскуларни проблеми.

- „Претседателот има хронични проблеми со срцето. Веднаш по приемот е оценето дека животот на Вучиќ е загрозен. Во ВМА ги превземаа сите мерки за санирање на сериозната ситуација, а Вучиќ добро изреагирал на терапијата“, рече Лончар.

Вучиќ пак вчера се заблагодари за грижата и порача дека од понеделник е назад на работните обврски.

- „Им благодарам на докторите и персоналот на ВМА. Им благодарам на сите што се грижеа. Веќе од понеделник ќе бидам во полн работен погон“, напиша тој.