Апсења во хотел Александар Палас

Вечер од читатели на порталот кои се наоѓаат во хотелот Александар Палас во Скопје дознава дека таму се врши акција на апсење. Акцијата ја реалзиираат специјалци на МВР со заштитни маски на лицата а, според очевидците, уапсени се две лица

За деталите повеќе подоцна од нашиот новинар кој се упати на мeсто на настанот

Извор: Вечер

Љубе Бошковски: Немам обврска да носам странски инвестиции

Љубе Бошковски, претседателот на Обединети за Македонија, вели дека како советник на премиерот Зоран Заев нема обврска да носи странски инвестиции, односно да дава отчет, затоа што тоа е работа, како што вели тој, на министрите од Владата.

Ова Бошковски го тврди во својата реакција упатена до Христијан Мицкоски, лидерот на ВМРО-ДПМНЕ, кој упати критика на негова адреса дека е поставен во кабинетот на Заев по политички заслуги и дека неговата работа нема ефект.

„Јас не сум министер за странски инвестиции, туку сум советник на  премиерот за странски инвестиции. Господине Мицкоски, тоа значи дека јас советувам, немам обврска да  носам странски инветиции.

Но и покрај тоа, инвестиции има да ги броите цел ден, дел донесени и  од мене. Сите се дојдени поради добрата бизнис клима која се создаде  после пеколот што го направи вашиот ментор во бегство. Инвестиции има поради крајот на еден режим за кој вие по се изгледа  уште не сте свесни со оглед дека кажувате за методи за влечење некого  за ракави“, вели Бошковски во дел од својата реакција.

Тој наедно го повика Мицкоски на ТВ-дуел за странските инвестиции.

Од јануари започнува изградба на нова Универзална сала

На големата граѓанска трибина „На прав пат“ во Скопје членот на ИО и градоначалник на Град Скопје Петре Шилегов најави дека Скопје наскоро ќе добие нова Универзална сала.

И еве овде, сега пред вас кажувам, заедно со Владата обезбедивме средства за конечно да изградиме нова Универзална сала која ќе биде градена согласно сите потребни стандарди за една културна институција, најави Шилегов.

Изградбата на Универзалната сала ќе започне веднаш после Нова година, истакна градоначалникот на Скопје и член на ИО на СДСМ Петре Шилегов на трибината под мотото „На прав пат“ во Скопје.

Шилегов по коментарите за Дино Мерлин: Барем радувајте се на туѓата среќа

Почитувани непочитувачи...гледам дека сте се распишувале за Дино, Винтерленд, колку, што, како ... (при тоа ретко кажувате дека тоа не се наши, буџетски пари, туку спонзорски). А колку чини среќата на Скопјани?

Ова го напиша скопскиот градоначалник Петре Шилегов на Фејсбук.

- Колку чини оваа среќа, љубов, незаборавни моменти на Скопјани ? Моменти што животот го прават убав, полн со сеќавања. А сеќавањата се нешта што стареат со нас, добиваат вредност со нас, со нашите години, со нашите спомени. Радоста и сплотеноста на Скопјани е мноооогу, многу повредна од Вашата црна кампања. Ваш е изборот. Искрено се надевам дека ќе најдете сила да ја пронајдете и поубавата страна од животот. Дотогаш, барем радувајте се на туѓата среќа. Така полесно ќа ја најдете и сопствената, напиша тој.

Популарно