Временска прогноза до крајот на месец февруари – кога може да очекуваме снежни врнежи

Оваа година веројатно нема да имаме зима, барем ако може да им се верува на долгорочните прогнози. Најавите на синоптичарите се дека температурите ќе бидат над просекот а врнежи од снег на пониските места воопшто и нема да има. Температурите, барем во Скопје, ретко ќе одат пониско од минус 5 степени а во текот на денот често ќе имаме температури околу 7 до 8 степени.

Во поглед на врнежите, она што остана од јануари ќе помине во релативно влажно време. Речи си секоја недела ќе има услови за врнежи од дожд кои можеби ќе прејдат кон снег, но тоа нема да креира никаква снежна покривка.

Вакви услови според долгорочните прогнози ќе има кон крајот на овој месец.

Некои поголеми промени нема да има ни во првата половина од февруари. Разликата е што некаде кон средината на месецот дневните температури може да достигнат и двоцифрена вредност а од време на време ќе го гледаме и сонцето.

Во поглед на врнежите во првата половина на февруари не се очекува некоја поголема влажност но во последните две недели ќе има услови за послаби врнежи од дожд кои на некои места може да преминат во слаби снежни врнежи.

Се она што не го видовме во јануари и февруари ќе има услови да го видиме во март. За овој месец долгорочните прогнози покажуваат зголемена влажност со услови за поинтензивни врнежи од снег кои нема да може да се задржат поради високите дневни температури кои во одредени денови од март ќе доаѓаат и до 15 степени.

Со тоа, врнежите од снег ќе преминуваат во дожд па се очекува да врне речи си повеќе од половина месец.

Сепак треба да се има предвид дека долгорочните прогнози не даваат секогаш прецизни информации и треба да служат само како насока за оние кои што нешто планираат во периодот кој следи.

Хуманоста на дело: Момчето кое го фати Светиот крст во Делчево го донираше телевизорот кој го доби како поклон

Хуманоста е одраз на големите луѓе. Среќниот фаќач на Светиот крст во Делчево, Васе Панчовски заедно со неговата група одлучија денешната освоена награда, телевизор која ја доделува компанијата Зегин, да го подарат на семејство од Делчево.

Како учесник во годинешните Водици, заедно со мојата група одлучивме наградата телевизор која како среќен фаќач на крстот ја доделува Зегин да ја подариме на некој на кој навистина му треба. Во консултација со мои другари решивме да го доделиме на ова семејство. Во чест на празникот доделивме и икона Богојавление. Нека им е честит празникот на сите граѓани, изјави Панчовски.

Заблагодарувајќи се за донацијата, од семејството во чиј дом беше дониран телевизорот на сите граѓани им посакаа добро здравје, среќа и успех во годината.

Панчовски вторпат го фаќа чесниот Крст во Делчево. Минатата година тој исто така го извади чесниот крст од водите на реката Брегалница. Минатата година исто така доби награда телевизор и 10 илјади денари од Општината.

Охриѓанец на оригинален начин од вода ја запроси девојката на Водици

Вчерашниот голем празник некои го искористија за романтично запросување. Едно момче кое се фрлаше по крстот реши да ја побара својата сакана за жена.Па така додека сите го бараа крстот тој од водите на Охридското езеро извади прстен и ја побара за сопруга.

Идната невеста се разбира дека кажа „да“ а среќата на момчето немаше крај.

Видео: Oва е куќата во која ќе живее Атиџе во Дорфулија

Хероината од филмот „Медена земја“, Атиџе Муратова која досега живееше во селото Бекирлија, ќе живее во куќа во селото Дорфулија, каде има роднини.Куќата е купена за Атиџе, и во неа ќе има нормални услови за живот.

Новинарот Фуркан Салиу на Фејсбук објави видео од кое може да се види како изгледа куќата.

„После силната порака што ја испрати до целиот свет, мислам дека барем малку не задолжи сите нас… Кој сака да донира го има линкот, а ако некој сака лично да и помогне, ќе ја најдете на 60 километри од Скопје, близу Лозово. А замислете колку добро ќе беше 24 министри да донираат 20% од платата за овој месец за личност како што е Атиџе“, пишува новинарот.

Популарно